১ বংশধর 23:28 - Chakma Bible

²⁸ এ লেবীয়গুনোর্‌ কামান্‌ এলদে লগেপ্রভু ঘরর্‌ সেবা-কামত্‌ হারোণ বংশধরুনোরে বল্‌ দেনা। ইয়েনি ভিদিরে এলদে তবনা-ঘরর্‌ উদোন্‌ আর কায়-কুরে গুদিগুন্‌ দেগাশুনো গরানা, বেক্‌ পবিত্র জিনিসছানি সিজি গুরি নেযানা আর গোজেন ঘরর্‌ অন্য কামানি গরানা।

১ বংশধর 23:28 ပူးပေါင်းရင်းမြစ်များ

১ রাজাবলী 6:5

আজল্‌ গুদিবো আর দাঙর্‌ পবিত্র জাগানর্‌ তিন কিত্তেন্দি দেবালত্‌ বাস্যে তে এক্কান তিন তালা ঘর বানেল। সিয়েন ভিদিরে ভালোক্কুন্‌ গুদি এলাক।

১ বংশধর 18:17

যিহোয়াদার পুয়ো বনায় এলদে দায়ূদো কিয়্যে চুগিদার করেথীয় আর পলেথীয়গুনোর আজল্লো, আর দায়ূদো পুয়োগুনে রাজার আজল্‌ আজল্‌ পোজিশনত্ ঠিগ্ এলাক্‌।

১ বংশধর 23:27

দায়ূদোর যের উগুমান্‌ অনুসারে কুড়ি বজরত্তুন্‌ ধুরি আরাম্ভ গুরিনে তাত্তুন্‌ বেজ্ বয়জর্‌ লেবীয়গুনোরে গণা ওইয়্যে।

১ বংশধর 23:29

তারা উগুরে এ জিনিসছানির ভারান্‌ এলঅ-মুজুঙো-রুটি, শোজ্য-উৎসর্বর মোয়দে, সদানেইয়্যে রুটি, সেক্ক্যে রুটি আর তেল্‌ মিজেয়্যে মোয়দ্যে। ইয়েনি বাদেয়ো তারা উগুরে ভারান্‌ এলদে বেক্কানি মাবানা আর কত্তমান্‌ সিয়েনি চানা,

১ বংশধর 23:4

ইগুনো ভিদিরে চব্বিশ আজার্ জন লগেপ্রভু ঘর কামানি দেগাশুনো গুরিবাত্তে নেযা অলঅ আর ছয় আজার্ জন অফিসার অলাক্ আর বিচেরক্‌ আহ্‌ চের্‌ আজার্ জন চুগিদার অলাক্। দায়ূদে যিদুক্কুন্‌ বাজনা বানেয়্যে সিয়েনি বেবহার গুরিনে লগেপ্রভুরে নাঙ্ গিনিবাত্তে বাদবাগি চের্‌ আজার্ লেবীয় নেযা অলঅ।

১ বংশধর 28:13

ধর্মগুরু আর লেবীয়গুনোর নানান্‌ দল কামানি, লগেপ্রভু ঘরর্‌ বেক্‌ সেবা-কামানি আর সে কামত্‌ বেবহার বেক্‌ পযাপিরানি পৌইদ্যেনে তে তারে উগুম্‌ দিলো।

২ বংশধর 23:4

ইক্কিনে তমার্‌ যে কামান্‌ গরা পুরিবো সিয়েন এধোক্ক্যেন: যিদুক্কুন্‌ ধর্মগুরু আর লেবীয় জিরেবার দিন্নোত্‌ উবোসনা-ঘরত্‌ কাম্‌ গুরিবাক তারাত্তুন্‌ তিন ভাগর্‌ এক ভাগ্‌ গেদোত্‌ চুগি দিবাক্‌,

২ বংশধর 23:6

ধর্মগুরুগুনে আর সেবা-কামত্তে থেইয়্যে লেবীয়গুনে বাদেয়ো আর কনজনে লগেপ্রভুর ঘরত্‌ ন-সুমিবা। ইগুনে সোমেবাক্‌, কিত্তে ইগুনে গোজেন নাঙে ফারগ্ গোজ্যে, মাত্তর্‌ অন্য বেক্‌ মানুচ্চুনে লগেপ্রভুর উগুম্‌ মজিম বারেন্দি থেবাক্‌।

২ বংশধর 29:15

তারা তারার্‌ লেবীয় ভেইয়ুনোরে এগত্তর্‌ গুরিনে লগেপ্রভুর নাঙে নিজোরে ফারগ্‌ গুরিলাক্‌। সে পরেন্দি লগেপ্রভুর কধামজিম্‌ রাজার্‌ উগুম্‌ মজিম তারা লগেপ্রভুর ঘরান্‌ সিজি গুরিবাত্তে ভিদিরে গেলাক্‌।

২ বংশধর 29:5

“লেবীয়গুন্‌, মঅ কধাগান শুনো; তুমি নিজোর্‌ আর তমার্‌ পূরোণি মানুচ্চুনোর্‌ গোজেন লগেপ্রভুর ঘরান্‌ সিজি গরঅ। এ সুদ্ধো-সাংগ জাগানত্তুন্‌ বেক্‌ অসিজি জিনিসছানি দূর্‌ গরঅ।

২ বংশধর 31:11

সেক্কে হিষ্কিয় লগেপ্রভুর ঘরত্‌ কয়েক্কান্‌ ভান্ডাল-ঘর বানেবাত্তে উগুম্‌ দিলো আর সিয়েনি বানা অলঅ।

২ বংশধর 31:2

পূজ্যে-উৎসর্ব আর উদোলোলি-উৎসর্বর পরব্‌পান গুরিবাত্তে, সেবা-কামত্তে আর গোজেনর ঘরত্‌ পাত্তুরু তুরু আর নাঙ্ গিনেদে-গীদ গুরিবাত্তে হিষ্কিয় ধর্মগুরু আর লেবীয়গুনোর্‌ পত্তিজনর্‌ কাম্‌ মজিম তারারে নানান্‌ বাবোত্যে দলরে নেযেল।

ইষ্রা 8:29

তুমি যেদক্ বিলোন্ যিরূশালেমত্ লগেপ্রভুর ঘরর্ ভান্ডাল-ঘরত্ আজল্ ধর্মগুরুগুনোর্, লেবীয়গুনোর আর ইস্রায়েলর বংশ-নেতাগুনো মুজুঙোত্ মাবি ন দুয়ো সেদক্ বিলোন্ সং সিয়েনি উজিয়ারে রোক্ষ্যে গুরিবা।”

নহিমিয় 11:24

মানুচ্চুনোর্‌ বেক্কানি পৌইদ্যেনে রাজার সল্লাদিয়্যে এলদে মশেষবেলর পূঅ পথাহিয়। মশেষবেলর পূরোণিমানুচ্‌ অলদে সেরহ আর যিহূদা।

নহিমিয় 13:9

সে পরেন্দি মঅ উগুমে সে ঘরানি সিজি গরা অলঅ আর মুই গোজেনর ঘরর্‌ পযাপিরানি, সোজ্য-উৎসর্বর পযাপিরানি আর আগর্‌বাট্টি্‌পানি আরঅ সিদু আনিনে রাগেলুঙ্‌।

যিরমিয় 35:4

মুই তারার লগেপ্রভুর ঘরত্ গোজেনর মানুচ্ যিগ্‌দলিয়র পুয়ো হানন পুয়োগুনোর গুদিত্ নেযেলুং। সিবে অলদে শল্লুমর পুয়ো চুগিদার্ মাসেয়র গুদি উগুরে চাগরুনোর গুদিবো কায়-কুরে।

যিহিষ্কেল 40:17

সে পরেদি তে মরে বারেদি উদোনত্ নেযেল। উদোনর্ চেরোকিত্তেদি মুই বেক্কুনে ত্রিশ্‌‌ছো এক কিত্তেদি খুলো গুদি দেগিলুং; সিগুনোর্ মুজুঙেদি বানিবার্ জাগা এলঅ।

যিহিষ্কেল 41:26

বারান্দার জালি দিয়্যে জানালানির্ দ্বিকিত্তেদি আর ফ্রেমানিত্ খাজোর্ গাজ নক্‌‌শা গোজ্যে এলঅ। ইগুন বাদেয়ো উবোসনা-ঘরর বীমুনোত্ আর কায়কুরে গুদিগুনোত্অ খাজোর্ গাজ নক্‌‌শা গোজ্যে এলঅ।

যিহিষ্কেল 42:13

সে পরেদি তে মরে কলঅ, “উবোসনা-ঘরর মেলা জাগাত্ উত্তোর্ আর দোগিণেদি বিল্ডিং দ্বিয়েন ধর্মগুরুগুনোর। যে ধর্মগুরুগুনে লগেপ্রভু ইধু যান্ তারা এ বিল্ডিং দ্বিয়েনত্ উৎসর্বর দাঙর্ সুদ্ধো-সাংগ জিনিসচানি হেবাক্। সিয়েনত্ তারা শোস্য-উৎসর্ব, পাপ-উৎসর্ব আর দুষ উৎসর্বর দাঙর্ সুদ্ধো-সাংগ জিনিসচানি থবাক্, কিত্যে বিল্ডিং দ্বিয়েন সুদ্ধো-সাংগ।

যিহিষ্কেল 42:3

এ বিল্ডিঙান এলদে ভিদিরে উদোনর্ কুড়ি আঢর্ সেই মেলা জাগায়ান আর বারেদি উদোনর্ ঘিজ্যে জাগান ভিদিরে। বিল্ডিঙান্ তিন তালা এলঅ আর পত্তি তালাত্ গুদিগুনো মুজুঙোত্ আঢিবার পথ এলঅ।

যিহিষ্কেল 44:14

তো উবোসনা-ঘর কাম্ আর সিদুগোর্ বেক্ কামর্ ভারান্ মুই তারা উগুরে দিম্।