১ বংশধর 23:13 - Chakma Bible

¹³ অম্রামর পুয়োগুন অলাক্‌ হারোণ আর মোশি। হারোণ আর তা বংশধরুনোরে উমরত্তে গোজেনর নাঙে ফারক্‌ গরা অলঅ যেনে তারা মহাপবিত্র জিনিসছানির ভারান্‌ নেযেই পারন্‌, লগেপ্রভুর মুজুঙোত্‌ আগুনোত্‌ গোজ্যে উৎসর্ব পরব্‌পো গুরি পারন্‌, তা মুজুঙোত্‌ সেবা-কাম্‌ গুরি পারন্‌ আর তা নাঙে বর্‌ দি পারন্‌।

১ বংশধর 23:13 ပူးပေါင်းရင်းမြစ်များ

১ বংশধর 23:12

কহাতর চের্‌বো পুয়ো অলাক্‌ অম্রাম, যিষ্‌হর, হিব্রোণ আর উষীয়েল।

১ বংশধর 6:3

অম্রাম পুয়োগুন অলাক্‌ হারোণ, মোশি আর মরিয়ম। হারোণ পুয়োগুন অলাক্‌ নাদব, অবীহূ, ইলিয়াসর আর ঈথামর।

১ বংশধর 6:34

শমূয়েল ইল্‌কানা পুয়ো, ইল্‌কানা যিরোহম পুয়ো, যিরোহম ইলীয়েল পুয়ো, ইলীয়েল তোহর পুয়ো,

গীতসংহিতা 106:16

তাম্বুলোত্ দিন কাদেবার সময়োত্ মোশিরে দেগিনে, আর লগেপ্রভুর নাঙে ফারগ্ গোজ্যে সেই হারোণরে দেগিনে তারার ইংসে অলঅ।

গীতসংহিতা 99:6

তা ধর্মগুরুগুনোর্ ভিদিরে অলাক্ মোশি আর হারোণ; যিগুনে তাইদু তবনা গুরিদাক্ তারার ভিদিরে এলদে শমূয়েল। মোশি, হারোণ আর শমূয়েলে লগেপ্রভুরে ডাগিদাক্ আর তে তারারে জোব্ দিদো।

যাত্রা 28:36

এক্কান খাটি সনার্‌ পাত বানেইনে সিয়েন উগুরে সীলমহর্‌ খোদাই গরেদে ধোক্ক্যেন গুরি এই কধানি লিগি নেযেবে; লগেপ্রভুর্‌ নাঙে যুদো গুরি রাগানা।

যাত্রা 29:44

“মুই মিলন-তাম্বুলান আর ডালিপূজোবো মর্‌ নাঙে ফারক্‌ গুরি রাগেম্‌ আর ধর্মগুরু ওইনে মরে সেবা গুরিবাত্তেই হারোণ আর তার্‌ পূঅগুনোরেয়ো ফারক্‌ গুরি রাগেম্‌।”

যাত্রা 6:20

অম্রমর পূয়োগুন্‌ অলাক্ হারোণ আর মোশি। অম্রম তা বাবর্‌ বোন যোকেবদরে লোইয়ে আর তা পেদত্‌ ইগুনোর্‌ জর্ম ওইয়্যে। অম্রম একশ সাত্রিশ বজর বাঁজি এলঅ।

লেবীয় 10:10

কুবোন্‌ পবিত্র আর কুবোন পবিত্র নয় আর কুবোন্‌ শুদ্ধো-সাংগ আর কুবোন্‌ ফিবলা সিয়েনি বুঝিনে তমাত্তুন্‌ চলা পুরিবো।

গণাণা 18:1

লগেপ্রভু হারোণরে কলঅ, “পবিত্র তাম্বুলোর বিরুদ্ধে যেদক্কানি অন্যেয় গরা অবঅ তার্‌ ভারান্ নেযা পুরিবো তত্তুন্‌, তর্‌ পূঅগুনোর আর তর্‌ বংশর অন্য মানুচ্চুনোর্। ইয়েনবাদে ধর্মগুরুর্ কামানিত্ যেদক্কানি অন্যেয় অবঅ তার ভারান্অ তত্তুন্‌ আর তর্‌ পূঅগুনোত্তুন্‌ বুয়োই নেযা পুরিবো।

গণাণা 26:59

অম্রামর মোক্কোর নাঙান্‌ অলঅ যোকেবদ। মিসর দেজত্‌ লেবি-গুট্টি ভিদিরে তার জর্ম ওইয়্যে। তা পেদত্‌ অম্রামর্‌ পূঅ হারোণ আর মোশি আর তারার্‌ বোন মরিয়মর জর্ম ওইয়্যে।

গণাণা 3:27

কহাৎ এলদে অব্রাম, যিষহর, হিব্রোণ আর উষীয়েলর বংশর পুরোণি মানুচ্।

লূকে লেখ্যে গম্ হবর্ 1:9

ধর্মগুরুগুনোর কাম চলেদে সুদোম মজিম্ চাম্বা চেইনে তারেই বেঈ নেযা ওইয়্যে, যেন তে প্রভুর উবোসনা-ঘরর্ পবিত্র জাগানত্ যেইনে পৌইরেক্ জ্বালেই পারে।

প্রেরিত্‌ 13:2

তারা যেক্কে উবোচ্‌ থেইনে প্রভুর উবোসনা গত্তন্ সেক্কে পবিত্র আত্মাগানে তারারে কলঅ, “বার্ণবা আর শৌলরে মুই যে কামানত্যে ডাক্কোং মর্ সেই কামানত্যে ইক্কিনে তারারে জুদো গরঅ।”

রোমীয় 1:1

10 মুই খ্রীষ্ট যীশুর্ চাগর্ পৌল রোম শঅরর্ বিশ্বেজিগুনো ইধু এ চিধিগান্ লেগঙর্। তার প্রচারক্ অবাত্যে গোজেনে মরে ডাক্ক্যে আর তার দিয়্যে গম্ হবরান্ প্রচার গুরিবাত্যে বেঈ লোইয়্যে।

গালাতীয় 1:15

মাত্তর্ গোজেনে মর্ জর্মর সময়ত্তুন্ ধুরি মরে বেঈ লোইনে থোইয়্যে আর তার্ দোয়্যেলোই প্রচারক অবাত্যে তে মরে ডাক্ক্যে।

দ্বি’লম্বর বিররণ 10:8

সে অক্তত্‌ লগেপ্রভু তার বেবস্থা-সুন্দুক্কো বুয়োই নেযেবাত্তে আর সেবা কামর্‌ নাঙে তা মুজুঙোত্‌ থিয়্যেবাত্তে আর তা নাঙে আশিদ্‌বাদ্ ফগদাং গুরিবাত্তে লেবীয়গুনোরে বেঈ লোইয়্যে। এ বেক্‌ কামানি তারা এজঅ গত্তন্‌।

দ্বি’লম্বর বিররণ 21:5

সে পরেন্দি ধর্মগুরুগুনে, অত্তাৎ লেবি-গুট্টির মানুচ্চুনে মুজুঙেন্দি উজেই যেবাক, কিত্যে সেবা-কাম গুরিবাত্তে, লগেপ্রভুর নাঙে আশিদ্‌বাদ ফগদাং গুরিবাত্তে আর কোল্‌-কোজ্জে আর মার্‌পিদোর বিচের্‌ গুরিবাত্তে তমার গোজেন লগেপ্রভু তারারেয়ো বেঈ লোইয়্যে।

ইব্রীয় 5:4

দাঙর্ ধর্মগুরু অবার্ সর্মানান কেঅ নিজে লোই ন-পারে, মাত্তর্ গোজেনে যিবেরে ডাগে তেয়ই সেই সর্মানান পায়, যেধোক্ক্যেন দাঙর্ ধর্মগুরু অবাত্যে গোজেনে হারোণরে ডাক্ক্যে।

ফগদাং পেইয়্যে 8:3

ইয়েনর্ পরেদি আর এক্কো স্বর্গদূত এইনে ডালি পূজোবো মুজুঙোত্ থিয়্যেল। তা আঢত্ এক্কো সনার ধূব্ টগ্ এলঅ। তারে বেশ্ গুরিনে ধূব্ দিয়্যে অলঅ যেনে তে সিংহাসন মুজুঙোত্ সনার ডালি পূজোবো উগুরে গোজেনর্ বেক্‌ মানুচ্চুনোর তবনার সমারে সেই ধূব্‌‌পুন্ উৎসর্ব গরে।

১ শমূয়েল 2:28

ইস্রায়েলীয়গুনোর পুরো গুট্টির ভিদিরেত্তুন কি মুই লেবীয়গুনোরে বেঈ ন-লং, যেনে তারা মর্‌ ধর্মগুরু ওইনে মর্‌ পূজোবো ইদু যেইনে পৌইরেক জ্বালেই পারন আর এফোদ উরিনে মর্‌ মুজুঙোত্‌ এই পারন? ইস্রায়েলীয়গুনোর বেক্‌ পুজ্যে-উৎসর্বর ভাগ কি মুই তারারে আর তারার বংশগুনোরে ন-দুয়োং?