১ বংশধর 22:19 - Chakma Bible

¹⁹ ইক্কিনে তুমি তমার গোজেন লগেপ্রভুর আওজ্‌ছান জানেবাত্তে তমা বেক্‌ মনান্‌-পরাণান্‌ ঠিগ্‌ গর আর লগেপ্রভুর নাঙে তার্‌ পবিত্র ঘরান্‌ বানেবাত্তে আরাম্ভ গুরি দুয়ো, যেনে সিয়েন ভিদিরে লগেপ্রভুর সুদোম-সুন্দুক্কো আর গোজেন পবিত্র জিনিসছানি আনিনে রাগা যায়।”

১ বংশধর 22:19 ပူးပေါင်းရင်းမြစ်များ

১ রাজাবলী 5:3

মঅ বাপ্পো দায়ূদো বিরুদ্ধে চেরোকিত্তেত্তুন্‌ যুদ্ধো ওইয়্যে, সেনত্তেই যেদকদিন সং লগেপ্রভু তা শত্রুগুনোরে তা টেঙ তলে ন-আনিলো সেদকদিন তে তার্‌ গোজেন লগেপ্রভুর নাঙে কনঅ উবোসনা-ঘর বানেই ন-পারিলো। তুই দঅ এ কধানি হবর্‌ পাজ্‌।

১ রাজাবলী 8:21

মুই সিদু সে সাক্ষ্য-সুন্দুক্কো রাগেবার জাগায়ান ঠিগ্ গোজ্যং যিবে ভিদিরে আগেদে লগেপ্রভুর দিয়্যে সুদোম, যিবে তে মিসরত্তুন্‌ আমা পূরোণি মানুচ্চুনোরে নিগিলেই আনিবার পরেন্দি তারাত্তে থিদেবর্ গোজ্যে।”

১ রাজাবলী 8:6

সে পরেন্দি ধর্মগুরুগুনে লগেপ্রভুর সুদোম-সুন্দুক্কো ঠিগ জাগানত্‌, তবনা-ঘরর্ ভিদিরে গুদিবোত্‌, অত্তাৎ দাঙর্ পবিত্র জাগানত্‌ করূবপুনোর মিলি দিয়্যে ডুয়োগানির্‌ তলে নেযেইনে রাগেলাক্।

১ বংশধর 16:10

তার্‌ পবিত্র গানত্তে বাঈনী গরঅ; যিগুনে লগেপ্রভুরে মন ভিদিরেন্দি জানিবাত্তে আওজ্ গত্তন্‌ তারা মনানি হুজি ওক্‌।

১ বংশধর 16:11

লগেপ্রভু আর তা বলানরে বুঝিবাত্তে চেট্ট্যা গরঅ; আমিঝে তা লগে উদোলোলি রাগেবাত্তে আওজ্ গরঅ।

১ বংশধর 22:7

দায়ুদ শলোমনরে কলঅ, বাবা, মর্‌ গোজেন লগেপ্রভুত্তে এক্কান্‌ ঘর্‌ বানেবার আওজ্ মঅ মনত্‌ এলঅ।

১ বংশধর 28:9

“আর তুই, মর্‌ পুয়োবো শলোমন, তুই তঅ বাপ্পো গোজেনরে মুজুঙোত্‌ রাগেইনে চলিবে আর তঅ মনান্‌ ঠিগ্‌ রাগেইনে আর মন আওজে তারে সেবা গুরিবে, কিত্তে লগেপ্রভু পত্তিজনর্‌ মনানি গমেডালে চায় আর চিদে গরানার্‌ পত্তিজন উদ্দেশ্যগানি বুঝে। তাহ্ আওজ্‌সানি জানিবাত্তে চেলে তুই সিয়েনি জানি পারিবে, মাত্তর্‌ যুনি তুই তারে ছাড়ি যাচ্‌ সালে তেয়ো তরে উমরত্তে এলাফেলা গুরিবো।

২ বংশধর 20:3

সেক্কে যিহোশাফটে দোরেইনে ঠিগ্‌ গুরিলোদে, তে লগেপ্রভু ইদু বল্‌ চেবঅ। তে যিহূদা দেজর্‌ পুরো জাগানিত্‌ উবোজ্‌ বিলিনে জানেই দিলো।

২ বংশধর 5:7

সে পরেন্দি ধর্মগুরুগুনে লগেপ্রভুর সুদোম-সুন্দুক্কো ঠিগ জাগাত, তবনা-ঘরর্‌ ভিদিরে কামারাত্‌, অত্তাৎ দাঙর্ সুদ্ধো-সাংগ জাগানত্‌ করূবপুনোর ডুয়োগানির তলে নিইনে রাগেলাক্।

২ বংশধর 6:11

সিয়েনত্‌ মুই সাক্ষ্য-সুন্দুক্কো রাগেয়োং যিবে ভিদিরে রোইয়্যেদে ইস্রায়েলীয়গুনোত্তে লগেপ্রভুর থিদেবর্ গোজ্যে সুদোমানি।”

গীতসংহিতা 119:2

বর্ পেইয়্যে সেই মানুচ্চুন, যিগুনে তা কধামজিম্ চলন্ আর মনযোগ দিইনে তার আওজ্ মজিম চলন্।

গীতসংহিতা 14:2

লগেপ্রভু স্বর্গত্তুন তলে মানুচ্চুনো ইন্দি রিনি চেলঅ, রিনি চেলদে কনজনে গম জ্ঞান্দোই চলন্ নাহি, রিনি চেলদে কনজনে গোজেনর আওজ্-মজিম কাম গরন্ নাহি।

গীতসংহিতা 27:4

লগেপ্রভুর ইদু মুই এক্কান কোজোলী গরঙর্; মুই যিয়েন্ চাঙর্ সিয়েন্ অলদে- মুই সারা জিংকানিগান যেনে লগেপ্রভুর ঘরত্ বজত্তি গুরি পারং, যেনে মুই তার্ দোলান্ চেই পারং আর সেই থেবার ঘরানত্ তা বেপারান্দোই ধ্যান গুরি পারং;

যাত্রা 25:8

ইস্রায়েলীয়গুনোর মাধ্যমে তুই মর্‌ থেবাত্তে এক্কান্‌ পবিত্র জাগা বানেবে। সেক্কে মুই তারা ভিদিরে বজত্তি গুরিম।

যিশাইয় 60:1

লগেপ্রভু কোইয়্যেদে, ও যিরূশালেম, উঠ্, পহ্‌‌‌র দে, কিত্তে তঅ পহ্‌‌‌রান লুম্মেগি; লগেপ্রভুর মহিমাগানে তরে পহ্‌‌‌র দের্।

যিরমিয় 29:13

যেক্কে তুমি মরে গভীন গুরিনে হবর্ পেবাত্তে আওজি অবা সেক্কে মরে হবর্ পেবা।

দানিয়েল 9:3

সেনত্তে মুই উবোস্ থেইনে, বস্তা পাদা পিনিনে আর ছেই মিগিনেই কোজোলী আর আওজে প্রভু গোজেন ইধু তবনা গুরিলুং।

হগয় 1:5

মুই বেগত্তুন্ খেমতাবলা লগেপ্রভু কঙর্, তুই কিবাবোত্যেগুরি চলর্ সিয়েন গমেডালে চিন্তে গুরি চাহ্।

হগয় 1:8

এবেরা তুমি মুড়োত্ উদিনে তক্তা আনিনে উবোসনা-ঘর বানঅ, যেনে মুই হুজি আর সর্মানিত অং।

প্রেরিত্‌ 11:23

গোজেনে যে কেধোক্ক্যেন্ গুরি আন্তিয়খিয়া মানুচ্চুনোরে দোয়্যে গোজ্জ্যে বার্ণবা এইনে সিয়েন দেগিনে অমকদ হুজি অলঅ। তারা যেন বেক্ মনান্ দিইনে প্রভু ইধু বিশ্বেজি থান্ সেনত্তে তে তারার্ বেক্কুনোরে উচ্চোমি দিয়্যে ধুরিলো।

প্রেরিত্‌ 22:16

ইক্কিনে তুই কিত্ত্যে দেরি গরর্? উদিনে বাপ্তিষ্ম লঅ আর পাপত্তুন্ উদ্ধোর্ পেবাত্যে যীশুরে ডাগিনে তর্ বেক্ পাপ্‌পানি সাব্ গুরি ফেলা।

দ্বি’লম্বর বিররণ 4:29

মাত্তর্‌ সিয়েনত্তুন্‌ তুমি তমা গোজেন লগেপ্রভু ইন্দি মন্‌ ফিরেবা আর সেক্কে তুমি তার্‌ কায়-কুরেত্তুন্‌ সাড়া পেবা, হামাক্কায়্‌ যেক্কেনে তুমি তমার্‌ বেক্‌ মন-পরাণানি দিইনে সিয়েনি গুরিবা।