১ বংশধর 22:15 - Chakma Bible

^15-16 তর্‌ ভালোক্কুন্‌ কামঅ মানুচ্‌ আগন; তারা অলাক্‌ শিল্ কাবেদে কালিগর, রাজকালিগর আর গাজ কালিগর। ইগুন্‌ বাদেয়ো আগন্‌ অন্য নানান্‌ বাবোত্যে কাম্‌ গুরিবার কাবিদ্যং মানুচ্‌ যিগুনে সোনা, রূবো, পিদোল আর লুয়োর্‌ কাম্‌ গুরি পারন্‌। এ কালিগরুন্‌ ভালোক্কুন। ইক্কিনে তুই কাম্‌ আরাম্ভ গুরি দে আর লগেপ্রভু তঅ সমারে থোক্‌।”

১ বংশধর 22:15 ပူးပေါင်းရင်းမြစ်များ

২ শমূয়েল 5:11

সোরের রাজা হীরমে দায়ূদো ইদু কয়েক্কো মানুচ্‌ পাদেল আর তারা লগে এরস তক্তা, তক্তা মিস্ত্রি আর রাজমিস্ত্রি পাধেই দিলো। তারা দায়ূদোত্তে এক্কান রাজঘর বানেই দিলাক্।

১ রাজাবলী 7:14

তা মাবো অলদে রানিমিলে আর নপ্তালি-গুট্টির ঝি। তা বাবে অলদে সোরর মানুচ্‌। হীরমে পিদল কালিগর এলঅ। হীরমে পিদলর নানান্‌ বাবোত্যে কাম জানিদো আর সে কামত্‌ তে অমকদ কাবিল এলঅ। তে রাজা শলোমন ইদু এলঅ আর তারে যেদক্কানি কাম দিয়্যে অলঅ সিয়েনি গুরিলো।

১ বংশধর 22:14

“মুই বোউত্‌ দুগ্‌ গুরিনে লগেপ্রভু ঘরত্তে তিন আজার্ নয়শ টন সোনা আর ঊনচোল্লিশ আজার্ টন রূবো রাগেয়োং। ইয়েনিবাদে এদক্‌ বেশ্‌ পিদোল্‌ আর লুয়ো রাগেয়োং যিয়েনি মাবানা সম্ভব নয়, আর তক্তা আহ্‌ শিলঅ ঠিগ্‌ গুরি রাগেয়োং। হামাক্কাই ইয়েন সমারে তুয়ো কিজু দি পারিবে।

২ বংশধর 2:6

মাত্তর্‌ তাত্তেই ঘর্‌ বানেবাত্তে কন্না পারে? কিত্যে আগাজত্‌, এমন্‌ কি স্বর্গত্‌ তার্‌ জাগায়ান্‌ নকুলেয়্যে অয়। বানা তা মুজুঙোত্‌ নানান্‌ উৎসর্বর পযাপিরানি পড়িবার জাগায়ান্‌ বাদে মুই আর কেধোক্ক্যেন গুরি তাত্তেই এক্কান্‌ ঘর্‌ বানেই পারং?

২ বংশধর 2:7

“মঅ‌ বাপ্পো দায়ূদে কাবিল্‌ কালিগরুনোরে ঠিগ্‌ গুরি রাগেয়্যে যিগুনে ইক্কিনে যিহূদা আর যিরূশালেমত্‌ মইদু আগন্‌। তারার্‌ লগে কাম্‌ গুরিবাত্তে তুই মরে এন্‌ এক্কো কাবিল্‌ কালিগর পাধেই দে যে সোনা-রূবো, পিদোল আর লুয়োর্‌ কামানি, বিগুনো রঙর্‌, রাঙা আর য়েল্‌ রঙর্‌ সুদোর্‌ কামানি আর কাবিনে লেগেদে কামানি গুরি জানে।

যাত্রা 28:6

এফোদ্‌তো (এক বাবোত্যে লাম্বা সিলুম্‌)বানা পুড়িবোদে সনা আর য়েল্, বেগুনি আর রাঙা রংয়র্‌ সুদো আর পাগেয়্যে মসীনা সুদোলোই। ইবে অবঅ‌ এক্কো কাবিলোর্‌ আদর্‌ কাম্‌।

যাত্রা 35:32

সেক্কে তে নিজোর্‌ মনত্তুন্‌ সনা, রূবো আর পিদোল উগুরে দোল্‌ দোল্‌ আড়ুক্ বানেই পারিবো,

যাত্রা 35:35

তে তারারে নানান্‌ বাবোত্যে আঢর্‌ কাম্‌, য়েল্, বিগুনি আর রাঙা রঙয়র্‌ সুদো আর মসীনা সুদোলোই সিলেইনে আড়ুক্‌ তুলিবার্‌ কাম্‌ আর তাদ কাম্‌ গুরিবার্‌ খেমতা দিলো। তারা নানান্‌ বাবোত্যে আঢ কাম্‌ গুরি পারিবাক্‌ আর নিজোর্‌ মনত্তুন্‌ নানান্‌ বাবোত্যে আড়ুক্‌অ বানেই পারিবাক্‌।