১ বংশধর 22:13 - Chakma Bible

¹³ মোশির মাধ্যমে লগেপ্রভু ইস্রায়েলরে যে সুদোমান্‌ আর উগুমান্‌ দিয়্যে সিয়েন্‌ যুনি তুই গমেডালে পালাচ্ সালে তুই ভালেদি গুরি পারিবে। তুই বোলী অ আর মনত্‌ সাহস রাগা। ন-দোরেচ্‌ আজা ন-আরেচ্‌।

১ বংশধর 22:13 ပူးပေါင်းရင်းမြစ်များ

১ রাজাবলী 2:2

পিত্তিমীর বেক্কুনে যে পথ্‌তানন্দি যান্‌ মুইয়ো ইক্কিনে সেই পথ্‌তানন্দি যাঙর্‌। সেনত্তেই তুই দরমর অ, নিজোরে যোগাজ্যে মরদ্‌পূঅ ইজেবে দেগা।

১ রাজাবলী 2:3

তর্‌ গোজেন লগেপ্রভুর আওজ্ মজিম্‌ তুই তার পধেন্দি আদিবে আর মোশির রীদি-সুদোমত্ লেগা লগেপ্রভুর বেক্‌ সুদোম, উগুম, হুকুম আর দাবিগানি মানি চলিবা। সেক্কে তুই যিয়েনি গত্তে সাৎ আর যিয়োদোই যেদে সাৎ ফোলেই পারিবে।

১ বংশধর 28:10

ইক্কিনে মনযোগী অ, কিয়া তবনা গুরিবাত্তে এক্কান্‌ ঘর্‌ বানেবাত্তে লগেপ্রভু তরে বেঈ লোইয়্যে। তুই বোলী অ আর কাম্‌ গর্‌।”

১ বংশধর 28:20

দায়ূদে তাহ্ পুয়ো শলোমনরে এ কধাগান অ কলঅ, “তুই বোলী অ, মনত্‌ সাহস আন্‌ আর কাম্‌ গর্‌। তুই ন-দোরেচ্‌, আজা ন-আরেচ্‌, কিত্তে লগেপ্রভু গোজেন, মর্‌ গোজেনে তঅ সমারে আঘে। লগেপ্রভুর সেবা-কামত্তে তবনা-ঘর বানেবার বেক্‌ কামান্‌ শেজ্‌ ন-অনা সং তে তরে ছাড়ি ন-যেবঅ বা ফেলেই ন-যেবঅ।

১ বংশধর 28:7

যেবাবোত্যে ইক্কিনে গরা অর্‌ সেধোক্ক্যেন গুরি যুনি তে মঅ উগুমান আর নিদ্দেশ্‌ছানি পালানা পৌইদ্যেনে ঠিগ্‌ থায় সালে মুই তাহ্ রেজ্যগান্‌ উমরত্যে থিদেবর্ গুরিম্‌।

২ বংশধর 14:6

দেজত্‌ সুগ্‌-শান্দি এলঅ বিলিনে তে কয়েক্কান্‌ আদাম দেবাল্‌লোই ঘিরিনে দরমর গুরিলো। সে বজরুনোত্‌ কনজনে আসার লগে যুদ্ধো ন-গরে, কিত্তে গোজেনে তারে সুগে-শান্দিয়্যে থেবাত্তে দিয়্যে।

২ বংশধর 20:20

তার্‌ কেল্যে বেন্যেপোত্যে তারা তকোয় ধূল্যেচর-চাগালা ইন্দি যাহ্ ধুরিলাক্‌। তারা যেবার্‌ আগেন্দি যিহোশাফটে থিয়্যেইনে কলঅ, “ও যিহূদা আর যিরূশালেম মানুচ্চুন, মঅ কধাগান শুনো। তুমি তমার্‌ গোজেন লগেপ্রভু উগুরে বিশ্বেজ্‌ গরঅ, সালে তুমি ঠিগ্‌ থেই পারিবা। তা ভাববদীগুনো উগুরে বিশ্বেজ্‌ রাগ, সেক্কে তুমি ফোলেবা।”

২ বংশধর 26:5

সখরিয় অক্তত্‌ তে গোজেনর আওজ্ মজিম্‌ চলিদো। গোজেনরে দোরেবাত্তে সখরিয় তারে শল্লা দিদো। যেদকদিন তে লগেপ্রভুর আওজ্ মজিম্‌ চলিদো সেদকদিন গোজেনেয়ো তারে সফলতা দান গোজ্যে।

২ বংশধর 32:7

“তুমি বোলি আর সাহসী অ। আসিরিয়ার রাজা আর তার্‌ দাঙর্‌ সৈন্যদল্লো দেগিনে তুমি ন-দোরেবা বা আজা ন আরেবা, কিত্যে তা লগে যিগুনে আগন্‌ তারাত্তুন্‌অ বেশ্‌ যিগুনে আমা লগে আগন্‌ তে আরঅ দাঙর্‌।

গীতসংহিতা 1:3

তে যেন পানি গঙার পাড়ত্ লাগেয়্যে গাজ ধোক্ক্যেন্, যিবে অক্তমজিম্ গুলোগুলি দে, আর যিবের্ পাদাগান শুগেইনে ঝুরি ন-পড়ে; তে বেক্ কামানিত্ ফলায়।

গীতসংহিতা 119:6

সালে তঅ বেক্ উগুমানি পালেবাত্তে মুই ন-লাজেম্।

গীতসংহিতা 72:1

ও গোজেন, বিচের্ গুরিবার যে অধিকারান তর্ আঘে সিয়েন তুই এ রাজাবোরে দান গর্; এ রাজার্ পুয়োবোরে তর্ ন্যায়র জ্ঞানান্ দান গর্;

হগয় 2:4

সে পরেদি তুই তারারে কবে, লগেপ্রভু কোইয়্যেদে, ও সরুব্বাবিল, তুই সাহস গর্; ও দাঙর্ ধর্মগুরু যিহোশূয়, সাহস গর্; ও দেজর্ বেক মানুচ্চুন্, তুমি সাহস গরঅ আর কাম্ গরঅ; কিত্যে মুই বেগত্তুন্ খেমতাবলা লগেপ্রভু তমা লগে লগে আগং।

সখরিয় 8:9

মুই বেগত্তুন্ খেমতাবলা লগেপ্রভু কঙর্, মঅ ঘরান্ বানেবাত্তে খুদো গারেবার্ সময় ভাববাদীগুনে সেই বেক্ কধানি কোইয়োন, আর ইক্কিনে তুমি সেই একই কধা শুনোর্; সেনত্তে তুমি দরমর অ।

মথি লেখ্যে গম্ হবর্ 3:15

সেক্কে যীশু তারে কলঅ, “মাত্তর্ এবেরা এবাবোত্যে ওক্, কিয়া গোজেনর আওজ্‌চান এবাবোত্যেগুরি পূরোন্ গরানা উচিত।” সেক্কে যোহনে রাজী অলঅ।

প্রেরিত্‌ 13:22

সে পরেদি গোজেনে শৌলরে সোরেই দিইনে দায়ূদরে রাজা বানেল। তে দায়ূদো পৌইদ্যেনে কোইয়্যেদে, মুই যিশয় পুয়ো দায়ূদো ভিদিরে মর্ মন মজিম্ মানুচ্চোরে তোগেই পেয়োং। মুই যিয়েন চাং তে সিয়েনই গুরিবো।

১ করিন্হীয় 16:13

তুমি সজাক্ থাগঅ, বিশ্বেজত্ থির্ থাগঅ, সাহজী আর বলবান অ।

গালাতীয় 6:2

তুমি একজন আরেকজনর্ ভারান্ ভুগি লোইয়ো। এবাবোত্যেগুরি তুমি খ্রীষ্টর্ সুদোমানি পালেই পারিবা।

ইফিষীয় 6:10

যেরেদি কং, প্রভু লগে মিজেইনে তার্ দিয়্যে দাঙর্ খেমতালোই বোলী অ।

২ তীমথিয় 2:1

মঅ পুয়োবো, খ্রীষ্ট যীশুর্ দোয়্যেই তুই বোলী অ।

যাকোব 2:8

পবিত্র বোইবোত্ লেগা আঘে, “তঅ পাড়াল্ল্যেগুনোরে নিজো ধোক্ক্যেন কোচ্‌পেবে।” তুমি যুনি সত্য গুরিনে খ্রীষ্ট রেজ্যর্ এ সুদোমান মানি চলঅ সালে গম গরর্।

যিহোশূয় 1:18

কনজনে যুনি তর্‌ কনঅ‌ উগুমোর বিরুদ্ধে যেইনে তর্‌ কধামজিম্‌ ন-চলন্‌ সালে তারে মারে ফেলা অবঅ‌। তুই বানা বলী অ আর সাহস্‌ গর্‌।”