১ বংশধর 21:3 - Chakma Bible

³ মাত্তর্‌ যোয়াবে জোবত্‌ কলঅ, “লগেপ্রভু যেনে তার্‌ নিজো মানুচ্চুনোরে একশঅ গুণ্‌ বাড়েই দে। মর্‌ গিরোজ মহারাজ, ইগুনে বেক্কুনে কি তর্ চাগর্‌ নয়? সালে কিত্তে মঅ গিরোজ্‌সো ইয়েন্‌ গুরিবাত্তে চেইয়্যে? কিয়া তত্তে পুরো ইস্রায়েল জাদ্‌তুয়ো দুষি অবঅ?”

১ বংশধর 21:3 ပူးပေါင်းရင်းမြစ်များ

পত্থম 20:9

সেক্কে অবীমেলকে অব্রাহামরে ডাগিনে কলঅ, তুই আমা লগে ইয়েন্‌ কেধোক্ক্যেন বেবহার গুরিলে? মুই তইধু কি দুজ্‌ গোজ্যং, তুই মরে আর মঅ রেজ্যগানরে এদক্‌ পাপত্‌ ফেলেয়োচ্‌? এধোক্ক্যেন বেবহার গরানা তর্‌ উচিত্‌ ন এলঅ।

১ রাজাবলী 14:16

যারবিয়ামে নিজে যেদক্কানি পাপ গোজ্যে আর ইস্রায়েলর্‌ মানুচ্চুনোরে দিইনে গোজ্যে তাত্তেই লগেপ্রভু তারারে ছাড়ি যেবঅ।”

২ রাজাবলী 12:7

সেনত্তে রাজা যোয়াশে ধর্মগুরু যিহোয়াদা আর অন্য ধর্মগুরুগুনোরে ডাগিনে পাদেল আর পুযোর্‌ গুরিলো, “তুমি উবোসনা-ঘরর ভাঙা জাগানি ঠিগ্‌ ন-গরঅ কিত্তে? তুমি তমার্‌ মানুচ্চুনোত্তুন্‌ টেঙা লোইনে আর নিজো ইদু ন-রাগেবা বরং তবনা-ঘরর্‌ ঠিগ্‌ গরেদে কামত্‌ সিয়েনি দি দিবা।”

১ বংশধর 19:13

সাহস গরঅ; আমা মানুচ্চুনোত্তে আর আমা গোজেন শঅরানিত্তে এজঅ, আমি সাহস নিইনে যুদ্ধো গুরিই। লগেপ্রভুর চোগেন্দি যিয়েন্‌ গম্‌ তে সিয়েনোই গোরোক্‌।”

১ বংশধর 21:4

মাত্তর্‌ যোয়াব ইদু রাজার উগুমান্‌ অদেঅদ্ রলঅ; সেনত্তে যোয়াবে যেইনে পুরো ইস্রায়েল দেজ্‌ছান ঘুরিনে যিরূশালেমত্‌ ফিরি এলঅ।

গীতসংহিতা 115:14

লগেপ্রভু তমার আর তমা পুয়ো-ছাগুনোর গুট্টিগুন বাড়েই দোক্।

যাত্রা 30:12

“ইস্রায়েলীয়গুনোর্‌ মান্‌জ্যর সোংখ্যেগুন্‌ জানিবাত্তে যেক্কে মানেইয়ুনোরে গোণা অবঅ‌ সেই অক্তত্‌ পত্তি জনত্তুনোই লগেপ্রভুরে রূবো দিইনে তার্‌ জীংকানিগান-দাম্‌ দিয়্যে পুরিবো। সেক্কে মানেই গুণিবার্‌ কারনে যে দজাগান্‌ এবার্‌ কধা সিয়েন্‌ তারা উগুরে ন-এবঅ‌।

যাত্রা 32:21

তে হারোণরে কলঅ‌, “সেই মানুচ্চুনে তরে কি গোজ্যন্‌দে, তুই তারারে এবাবোত্যেগুরি অমহদ পাপর্‌ কামত্‌ টানি আনিলে?”

গম্ উপদেজ্ 14:28

মানুচ্ বেশ্ অলে রাজার বাঈনী অয়, মাত্তর্ প্রজা কম্ থেলে রাজার দজা অয়।

যিশাইয় 26:15

ও লগেপ্রভু, তুই এ জাদ্‌তোরে দাঙর্ গোজ্যস্; এ জাদ্‌তোরে দাঙর্ গুরিনে তুই বাঈনী পেইয়োচ্; তুই দেজর্ বেক দুযিগান্ বাবেই দুয়োচ্।

যিশাইয় 48:19

ইয়েনিবাদে তমা বংশধরুনে ধূল্যে ধোক্ক্যেন অদাক্ আর তমা ঝি-পুয়োগুনে অদাক্ ধূল্যেচর ধোক্ক্যেন গুণি ন-পুরেইয়্যে। তারা নাঙানি মঅ মুজুঙোত্তুন্ কনদিন্অ ফুজি ফেলা ন-অদঅ বা তারারে ভস্ত গরা ন-অদঅ।”

দ্বি’লম্বর বিররণ 1:11

তমার পূরোণি মানুচ্চুনোর গোজেন লগেপ্রভু তমা মানুচ্চুনোরে আরঅ আজার্‌ গুণ বাড়েই দুয়োক্‌ আর তার্‌ এগেম্ মজিম তে তমারে আশিদবাদ্‌ গোরোক্।

যিহোশূয় 22:15

তারা গিলিয়দত্‌ রূবেণ আর গাদ-গুট্টির মানুচ্চুনোরে আর মনঃশি-গুট্টির অদ্দেক্‌ মান্‌জ্য ইদু যেইনে কলাক্‌,

১ শমূয়েল 2:24

নাদে, নাদে, মর্‌ পূঅগুন, লগেপ্রভুর মানুচ্চুনোর যেদক্কানি কধা কুয়ো কি গত্‌‌তে শূন্যং সিয়েনি গম্‌ নয়।