১ বংশধর 21:26 - Chakma Bible

²⁶ দায়ূদে সিদু লগেপ্রভুর নাঙে এক্কো ডালিপূজো বানেল আর পূজ্যে-উৎসর্ব আর উদোলোলি-উৎসর্বর পরব্‌ গুরিলো। তে লগেপ্রভু ইদু কোজোলি গুরিলো আর লগেপ্রভু পূজ্যে-উৎসর্বর ডালিপূজো উগুরে স্বর্গত্তুন্‌ আগুন্‌ পাধেইনে জোব্‌ দিলো।

১ বংশধর 21:26 ပူးပေါင်းရင်းမြစ်များ

১ রাজাবলী 18:24

সে পরেন্দি তারা তারার্‌ দেবেদাবোরে ডাগিবাক্‌ আর মুই ডাগিম্‌ লগেপ্রভুরে। যিবে আগুন্‌ পাদেইনে ইয়েনর জোব্‌ দিবো তেয়ই গোজেন।” এ কধাগান শুনিনে বেক্কুনে কলাক্‌, “তুই দোল্‌ কধা কোইয়োচ্‌।”

১ রাজাবলী 18:38

সেক্কে উগুরেত্তুন্‌ লগেপ্রভুর আগুনান্‌ পড়িনে উৎসর্বর য়েরানি, তক্তানি, পাত্তরুন আর মাদিগানরে পুড়ি ফেলেল আর নাল্লোর্‌ পানিগানঅ শুজি নিলো।

১ বংশধর 21:27

ইয়েন পরেন্দি লগেপ্রভু সে স্বর্গদূত্তোরে উগুম দিলো আর তে তা তলোয়ারান্‌ খৈল্যেবোত্‌ ভোরেই রাগেল।

২ বংশধর 3:1

শলোমনে যিরূশালেমত্‌ মোরিয়া মুড়োবোত্‌ লগেপ্রভুর ঘরান্‌ বানেবাত্তে আরাম্ভ গুরিলো। এ মোরিয়া মুড়োবোত্‌ যিবূষীয় অরৌণা খামারবোত্‌ লগেপ্রভু তা বাপ্পো দায়ূদোরে দেগা দিয়্যে। দায়ূদে এ জাগায়ান্‌ তবনা-ঘরত্তে ঠিগ্‌ গুরিনে ফেলে যেইয়্যে।

২ বংশধর 7:1

শলোমনর্ তবনাগান থুম্‌ অলে স্বর্গত্তুন্‌ আগুন্‌ লামি এইনে পূজ্যে আর অন্য উৎসর্বর জিনিসছানিরে পুড়ি ফেলেল আর উবোসনা-ঘরান লগেপ্রভুর্‌ মহিমায় পরিপূরণ অলঅ।

গীতসংহিতা 51:15

ও প্রভু, মর্ মুয়োন খুলি দে, মুই তর্ নাঙ্ গিনেনা ফগদাং গুরিম।

গীতসংহিতা 91:15

তে মরে ডাগিলে মুই তারে শমক্ দিম; দযাত্ মুই তা সমারে থেম্; তারে মুই রোক্ষ্যে গুরিম আর সর্মানর জাগা দিম্।

গীতসংহিতা 99:9

সেনত্তে আমা গোজেন লগেপ্রভুর বাঈনী গরঅ; তা পবিত্র মুড়োবোর মুজুঙোত্ তারে শ্রদ্ধা জানঅ, কিত্তে আমা গোজেন লগেপ্রভু পবিত্র।

গম্ উপদেজ্ 15:8

পাজিগুনোর উৎসর্বয়ানি লগেপ্রভু ঘিনেই, মাত্তর্ গম্ মানুচ্চুনোর তবনাগানি তে হুজি অয়।

যিশাইয় 65:24

তারা ডাগিবার আগেদি মুই সারা দিম্, তারা কধা কদে ন-কদে মুই শুনিম।

যিরমিয় 33:3

মরে ডাগ্, মুই তরে জোব্ দিম আর এমন মহৎ আর এমন গুমুরো কধা কোম্ যিয়েনি তুই হবর্ ন-পাজ্।

লেবীয় 9:24

লগেপ্রভুত্তুন্‌ আগুন্‌ নিগিলি এইনে পূজোবো উগুরে পুজ্যে-উৎসর্ব আর বেক্‌ তেলানি পুড়ি ফেলেল। এ বেপারান্‌ দেগিনে মানুচ্চুনে হুজি ওইনে রঅ‌ ছাড়িনে মাদিত্‌ আদুপাড়ি পড়িলাক্।

গণাণা 16:50

ভানাপিড়েগান্ থামেই যানার পরেদি হারোণে মিলন-তাম্বুলোর দোরানত্‌ মোশি ইদু ফিরি গেলঅ।

বিচের গুরিয়্যেগুন 13:20

আগুনোর জিলান্‌ যেক্কে পূজোবোত্তুন্‌ উগুরে আগাজ মোক্কে উদের্‌ সেক্কে লগেপ্রভুর দূত্তো সে আগুনোর জিলানত্‌ উদিনে গেলগোই। এই ঘটনাগান দেগিনেই মনোহ আর তা মোক্কো মাদিত্‌ আদু পাড়িনে পড়িলাক্‌,

বিচের গুরিয়্যেগুন 6:21

সেক্কে লগেপ্রভুর দূত্তো আঢত্‌ যে লুদিক্কো এলঅ সিবেলোই তে সেই য়েরাগান আর সদানেইয়্যে পিদেগানিত্‌ মিজেই দিলো। সেক্কে পাত্তর্‌বোত্তুন্‌ আগুন উদিনে সেই য়েরাগান আর পিদেগানি পুড়ি দিলো, আহ্‌ সেক্কে লগেপ্রভুর দূত্তো অদেগা ওই গেলঅ।