১ বংশধর 2:51 - Chakma Bible

⁵¹ শল্‌ম বানেয়্যেদে বৈৎলেহম আদামান আর হারেফ বানেয়্যেদে বৈৎ-গাদের আদামান।

১ বংশধর 2:51 ပူးပေါင်းရင်းမြစ်များ

পত্থম 35:19

রাহেলে মুরি যানার পরেদি ইফ্রাথত্‌, অত্তাৎ বৈৎলেহমত্‌ যেবার পদথ্‌ তারে গোর্ দিয়্যে অলঅ।

১ বংশধর 2:50

ইবে অলঅ কালেব বংশর কধা : ইফ্রাথা দাঙর্‌ পুয়ো হূর পুয়োগুনে অলাক্‌ শোবল, শল্‌ম আর হারেফ। শোবল কিরিয়ৎ যিয়ারীম নাঙে এক্কান্‌ আদাম বানেয়্যে;

১ বংশধর 2:52

কিরিয়ৎ-যিয়ারীম যে বানেয়্যে সে শোবল বংশর মানুচ্চুনে অলাক্‌ হরোয়া, মনূহোতীয়গুনোর অদ্দেক্‌ মানুচ্‌ আর কিরিয়ৎ-যিয়ারীমোর আদাম্মেগুন। কিরিয়ৎ-যিয়ারীমোর আদাম্মেগুন অলাক্‌ যিত্রীয়, পূথীয়, শূমাথীয় আর মিশ্রায়ীয়োগুন। ইগুনোত্তুন্‌ সরাথীয় আর ইষ্টায়োলীয় বংশর জর্ম ওইয়্যে।

১ বংশধর 4:4

পনূয়েল পুয়ো গাদোর আর এশর পুয়ো হূশ। তারা বেক্কুনে ইফ্রাথা দাঙর্‌ পুয়ো হূরো বংশর মানুচ্‌। হূর বৈৎলেহম আদামান্‌ বানেয়্যে।

মথি লেখ্যে গম্ হবর্ 2:1

যিহূদিয়া রেজ্যর্ বৈৎলেহম আদামত্ যীশুর জর্ম ওইয়্যে। সেক্কে রাজা এলদে হেরোদ। পূগেদি দেজত্তুন্ কয়েক্কো পন্ডিত যিরূশালেমত্ এইনে কলাক্,

মথি লেখ্যে গম্ হবর্ 2:6

যিহূদা দেজর্ বৈৎলেহম, যিহূদা ভিদিরে তুই কনমতে চিগোন্ নয়, কিয়া তঅ ভিদেরেত্তুনই এমন এক্কো শাজন্‌‌গুরিয়্যে এবঅ যিবে মঅ ইস্রায়েল জাদরে পরিচালনা গুরিবো।”

যোহন 7:42

পবিত্র বোইবো কি ন-কয়, দায়ূদে যে আদামত্ থেদঅ সেই বৈৎলেহমত্ আর তা বংশত্ মশীহ জোর্মেব?”

রূত 1:1

শাজন্‌গুরিয়্যেগুনোর শাজন আমলত ইস্রায়েলীয়গুনোর দেজত্‌ একপল্লা ভাদঅ‌ রাত্ দেগা দিলো। সেক্কে যিহূদা দেজর বৈৎলেহম আদামর এক্কো মান্‌জ্যে তা মোক্কো আর দ্বিবে পূঅরে নেযেইনে কয়েকদিনোত্তে মোয়াব দেজত্‌ বজত্তি গুরিবাত্তে গেলঅ‌।

রূত 1:19

ইয়েনর্ পরেন্দি সে দ্বিজনে আঢা মারিলাক্‌ আর শেজন্দি বৈৎলেহমত্‌ যেইনে লুমিলাক্‌। তারা বৈৎলেহমত্‌ লুমোনার পরেন্দি বেক্‌ আদামানিত্‌ এক্কান্‌ উরুসতুল্‌ পড়ি গেলঅ‌। আদামর্‌ মিলেগুনে কলাক্‌, “ইবে কি সেই নয়মী?”

রূত 2:4

এমন্‌ সময়োত্‌ বোয়সে বৈৎলেহমত্তুন এলঅ‌ আর যিগুনে ফসল কাবদন্‌ তারারে কলদে, “লগেপ্রভু তমা লগে থোগ্‌।” তারায়ো ফিরিনে তারে কলাক্‌, “লগেপ্রভু তরে বর্‌ দোক্‌।”

রূত 4:11

সেক্কে যিগুনে গেদোত্‌ বোই এলাক্‌ তারা আর সেই বুড়ো মুরুব্বীগুনে বেক্কুনে কলাক্, “অয়, আমি সাক্ষী অবং। যে মিলেবো তঅ ঘরত্‌ যার্‌ লগেপ্রভু বর্ দোক্ যেনে তে রাহেল আর লেয়া ধোক্ক্যেন অয়, যিগুনে ইস্রায়েল জাদ্‌তোরে দোল্ পদথ্‌ আন্যন। ইফ্রাথাত্‌ তুই ধন সোম্বোত্তি লাভ গুরিচ্‌ আর বৈথলেহমত বেক্কুনে তর্‌ নাঙান্‌ গিনোদোক্।