১ বংশধর 19:4 - Chakma Bible

⁴ হানূনে সেক্কে দায়ূদো মানুচ্চুনোরে ধুরিনে তারা দাড়িগানি মুড়েই দিলো আর লাম্বা সিলুমুনোর্‌ অদ্দেক্‌, অত্তাৎ কমর্‌ সং কাবি দিইনে তারারে বিদেয় গুরি দিলো।

১ বংশধর 19:4 ပူးပေါင်းရင်းမြစ်များ

১ বংশধর 19:3

মাত্তর্‌ অম্মোনীয় নেতাগুনে হানূনরে কলাক্কে, “তুই কি মনে গরচ্‌, দায়ূদে তঅ বাবরে সর্মান দেগেবাত্তে তরে বুঝেবাত্তে মানুচ্‌ পাদেয়্যে? তে তারারে তইদু পাদেয়্যে যেনে তারা এস্‌পাই ইজেবে দেজ হবর্‌ নেযেইনে পরেন্দি সিয়েন্‌ ভস্ত গুরি দি পারন্‌।”

১ বংশধর 19:5

কনঅ মানুচ্‌ এইনে দায়ূদোরে সে মানুচ্চুনোরে কি গরা ওইয়্যে সিয়েন্‌ জানেলে পরেন্দি তার্‌ পাদেয়্যে সে মানুচ্চুনোর লগে দেগা গুরিবাত্তে তে কয়েক্কো মানুচ্‌ পাধেই দিলো, কিত্তে সে মানুচ্চুনে অমকদ লাজত্‌ পোজ্যন্‌। রাজা তারারে কোই পাদেল, “তমা দাড়িগানি ন-উদোনা সং তুমি যিরীহোত্‌ থাগঅ; সে পরেন্দি তুমি ফিরি এচ্চ্য।”

২ বংশধর 36:16

মাত্তর্‌ গোজেনর পাদেয়্যে মানুচ্চুনোরে তারা ঘিনেদাক্‌, তা কধানি তুচ্ছো গুরিদাক্‌ আর তার্‌ ভাববাদীগুনোরে ঠাট্টা-তামাজা গুরিদো। যেরেন্দি লগেপ্রভুর রাগ্‌কান তার্‌ মানুচ্চুনোর্‌ বিরুদ্ধে জাগি উদিলো; তারার্‌ রোক্ষ্যে পেবার্‌ আর কনঅ পথ ন-এলঅ।

গীতসংহিতা 35:12

ভালেদির বদলে তারা মর্ অমংগল গোজ্যন্; হায়, কি দুর্ভাগ্যত্তে মুই!

যিশাইয় 15:2

মোয়াব মানুচ্চুনে কানিবাত্তে দীবোন মন্দিরোত্ আর পূজোর অজল্ জাগানত্ উদি যেয়োন। তারা নবো আর মেদবাত্তে আবিলেচ্ গত্তন্। তারার বেক্কুনোর্ মাঢাগুন্ মুড়ো ওইয়্যে আর দাড়িগানিয়ো কাবা ওইয়্যে।

যিশাইয় 20:4

ঠিগ সেধোক্ক্যেন্‌গুরি আসিরিয়ার রাজা মিসররে লাজত্ ফেলেবাত্তে মিসরীয় আর কূশীয় বন্দীগুনোর পুয়ো-বুড়ো বেক্কুনোরে লাংটা অবস্থায়, সুদো টেঙোই আর পিজেদি-খুলো অবস্থায় নেযেব।

যিরমিয় 48:37

দুঘ্‌কান ফগদাং গুরিবাত্তে বেক্কুনোর মাঢা মুড়োনা আর দাড়ি কাবি ফেলা ওইয়্যে; পত্তিজন আঢ্ আঙুর্ বিঙুর্ আর কমরত্ বস্তাফাদা পিনে ওইয়্যে।

লেবীয় 19:27

মাদাবোর্‌ দ্বিডাগেন্দি চুলানি কাবানা বা দাড়ির্‌ আগানি মুড়োনা ন-চলিবো।

মার্ক 12:4

পরেদি গিরোজ্‌সো আর এক্কো চাগররে তারা ইধু পাধেই দিলাক্। চাষাবলাগুনে তা মাঢাবোত্ আঘাত্ গুরিলাক্ আর তা লগে অমকদ ভান্ন্যেই বেবহার গুরিলাক্।