১ বংশধর 18:5 - Chakma Bible

⁵ দামেস্কর অরামীয়গুনে যেক্কেনে সোবার রাজা হদদেষররে বল্‌ দিবাত্তে এলাক্‌ সেক্কে দায়ূদে তারার্‌ বেইশ্‌ আজার্ মান্‌জ্যরে মারে ফেলেল।

১ বংশধর 18:5 ပူးပေါင်းရင်းမြစ်များ

১ বংশধর 18:3

পরেন্দি সোবার রাজা হদদেষরে যেক্কে ইউফ্রেটিস গাঙান সং তা জাগায়ানিত্‌ আরঅ তার্‌ খেমতাগান থিদেবর্ গুরিবাত্তে গেলঅ সেক্কে দায়ূদে তা লগে যুদ্ধো গুরিবাত্তে হমাৎ সং গেলঅ।

১ বংশধর 18:4

দায়ূদে তার্‌ এক আজার্ রথ, সাত আজার্ ঘোড়াবাহিনী আর কুড়ি আজার্ পদাতিক সৈন্য আক্‌সোল। তারার্‌ একশত্‌তুয়ো রথর্ ঘোড়া রাগেইনে তে বাদবাগি বেক্‌ ঘোড়াগুনো টেঙ রক্‌কুন কাবি দিলো।

১ বংশধর 18:6

দায়ূদে অরাম রেজ্যর দামেস্কত্‌ সৈন্যদলুন্‌ রাগেল। সেক্কে অরামীয়গুনে তা অধীনোত্‌ ওইনে তারে কর্‌ দিয়্যে ধুরিলাক্‌। ইঙিরিনে দায়ূদে যে কনঅ জাগাত্‌ গেলে লগেপ্রভু সিদু তারে জিদেই দিদো।

১ বংশধর 19:6

অম্মোনীয়গুনে যেক্কে বুঝি পারিলাক্‌, তারা দায়ূদোর ইদু নিজোরে ফেলা যেইয়্যে মান্‌জ্য ধোক্ক্যেন গোজ্যন্‌, সেক্কে হানূনে আর অম্মোনীয়গুনে অরাম-নহরয়িম, অরাম-মাখা আর সোবাত্তুন্‌ রথ আর রথ চালেয়্যেগুনোরে ভাড়া গুরি আনিবাত্তে ঊনচোল্লিশ আজার্ কেজি রূবো পাধেই দিলো।

গীতসংহিতা 60:2

তুই দেজ উগুরে ভূজোল্ আন্যচ্, ফাদা মারা ধোরেই দুয়োচ্; তুই সিয়েনর ফাদামারাগান নাঢি দে, কিত্তেই দেজ্‌ছান তলে পড়ের্।

১ শমূয়েল 14:47

শৌল ইস্রায়েলীয়গুনোর রাজা অনার পরেন্দি দেজর্‌ চেরোকিত্তে বেক্‌ শত্রুগুনো সমারে, অত্তাৎ মোয়াবীয়, অম্মোনীয়, ইদোমীয়, সোবার রাজাগুনো সমারে আর পলেষ্টীয়গুনো সমারে যুদ্ধো গোজ্যে। তে যিন্দি যেদঅ সিন্দি অমহদ ক্ষোতি গুরিদো।