১ বংশধর 18:13 - Chakma Bible

¹³ তে ইদোম কয়েক্কান্‌ জাগাত্‌ সৈন্যদল রাগেল আর সেক্কে বেক্‌ ইদোমীয়গুনে দায়ূদো অধীনোত্‌ অলাক্‌। দায়ূদে যে কনঅ জাগাত্‌ গেলে লগেপ্রভু সিদু তারে জিদেই দিদো।

১ বংশধর 18:13 ပူးပေါင်းရင်းမြစ်များ

পত্থম 25:23

লগেপ্রভু তারে কলঅ, “তঅ পেদত্‌ দ্বিবে আলাদা জাদর্‌ আরম্ভ ওইয়্যে, জর্মত্তুন্‌ ধুরি তারা দ্বিবে আলাদা বংশ অবাক্‌। এক্কোত্তুন্‌ আরঅ এক্কো বেশ্‌ বোলী অবাক্, দাঙর্‌বো চিগোন্‌ ভেইবোর্‌ চাগর্‌ অবঅ।”

পত্থম 27:29

নানান্‌ জাতিয়ে তরে সেবা গোত্তোক্, আর বেক্‌ মানুচ্চুনে তরে জু জু জানাদোক। তঅ গুট্টির মানুচ্চুনো ইধু তুই নেতা অ, তারা তরে জু জু জানাদোক। যিগুনে তরে অভিশাব্‌ দিবাক্‌ তারা উগুরে অভিশাব্‌ পোড়োক; যিগুনে তরে বর্ দিবাক্ তারা উগুরে ভালেদি লামি এজোক্।

পত্থম 27:37

জোবত্‌ ইস্‌হাকে কলঅ, “চাহ্, মুই তারে তঅ গিরোজ্‌ বানেয়োং আর তা গুট্টির্‌ বেক্কুনোরে তা চাগর্‌ বানেয়োং। মুই তাত্তে ফসল আর আংগুর-রসর্‌ বেবস্থা গোজ্যং। ইয়েন পরেদি বাবা, মুই তত্তে আর কি গুরি পারং?”

পত্থম 27:40

তলোয়ারানই অবঅ তর্‌ জীংকানিকান, তুই তঅ ভেইয়ুনোর চাগর্‌ ওইনে থেবে। মাত্তর্‌ যেক্কে তুই অধৈর্য্য ওইনে উদিবে সেক্কে তুই তঅ কানাত্তুন্ তার্‌ জুঙোলান ঠিলিনে ফেলেই দিবে।”

২ শমূয়েল 23:14

সে অক্তত্‌ দায়ূদে ধূল্যেচর-চাগালাত্ তাম্বুলো ধোক্ক্যেন এক্কান জাগাত্‌ এলঅ আর পলেষ্টীয় সৈন্যদলুন বৈৎলেহমত্‌ এলাক্।

১ রাজাবলী 11:15

দায়ূদে যেক্কে ইদোম দেজর্‌ বিরুদ্ধে যুদ্ধো গরের্‌ সেক্কে তার সেনাপতি যোয়াবে মরা মানুচ্চুনোরে গোর্ দিবাত্তে ইদোমত্‌ গেলঅ। সিদু থেবার্‌ সলাবোত্‌ তে ইদোমীয় বেক্‌ মরদত্তুনোরে মারে ফেলেল।

১ বংশধর 18:12

সরূয়ার পুয়ো অবীশয়ে নুন্‌-কিজিঙোত্‌ আটার আজার্ ইদোমীয়রে মারে ফেলেল।

১ বংশধর 18:14

দায়ূদে গদা ইস্রায়েল দেজ উগুরে রাজাগিরি গরা ধুরিলো। তা মানুচ্চুনোরে তে গমেডালে বিচের্‌ আর শাজন্ গুরিদো।

১ বংশধর 18:6

দায়ূদে অরাম রেজ্যর দামেস্কত্‌ সৈন্যদলুন্‌ রাগেল। সেক্কে অরামীয়গুনে তা অধীনোত্‌ ওইনে তারে কর্‌ দিয়্যে ধুরিলাক্‌। ইঙিরিনে দায়ূদে যে কনঅ জাগাত্‌ গেলে লগেপ্রভু সিদু তারে জিদেই দিদো।

গীতসংহিতা 121:7

বেক্ ফি-গানিত্তুন্ লগেপ্রভু তরে রোক্ষ্যে গুরিবো; তে তঅ পরাণান্ রোক্ষ্যে গুরিবো।

গীতসংহিতা 144:10

তুই দঅ রাজাগুনোরে জিদেই দি থাচ্; তঅ চাগর দায়ূদোরে ফাড়া দজা তলোয়ার আঢত্তুন্ রোক্ক্যে গুরি থাচ্।

গণাণা 24:18

শত্রুগুনে ইদোমরে, অত্তাৎ সেয়ীররে গজক্ গুরিবাক, মাত্তর্‌ ইস্রায়েলীয়গুনে বীরো ধোক্ক্যেন কাম্‌ গুরিবাক।

২ করিন্হীয় 11:32

দামেস্কত্ রাজা আরিতার বেঈ লোইয়্যে শাসন গুরিয়্যেবো মরে ধুরিবাত্যে দামেস্কীয়গুনোর্ শঅরান্ চুগি দিবার্ উগুম দিয়্যে।

১ শমূয়েল 10:5

সে পরেন্দি তুই গিবিয়োৎ-হা-এলোহিম শঅরত্‌ যেবে। সিয়েনত পলেষ্টীয় সৈন্যগুনোর এক্কান তাম্বুল্ আঘে। শঅরত্‌ লুমোনার পরেন্দি এন্‌ এক ঝাক্‌ ভাববাদী সমারে তর্‌ দেগা অবঅ যিগুনে গোজেনর দিয়্যে কধা কদে কদে উবোসনার উজু জাগাত্তুন্ লামি এচ্ছোন। তারার দলর্‌ মুজুঙো মানুচ্চুনে বীণা, জুড়ি আর বাঁশি আর হার্‌মোনি বাজাদে বাজাদে আদিবাক্‌।

১ শমূয়েল 13:3

গেবাতদ্‌ পলেষ্টীয় সৈন্যগুনোর যে তাম্বুলানি এলঅ যোনাথনে সিয়েনি আক্রমণ গুরিলো আর পলেষ্টীয়গুনে সেই কধানি শুনিলাক্। সেক্কে শৌল দেজর বেক্‌ জাগানিত্‌ হেঙগরং বাজেইনে কলদে, “ইব্রীয়গুনে শুনোদোক্।”

১ শমূয়েল 14:1

ইন্দি শৌলর পূঅ যোনাথনে একদিনোত্‌ তার বন্দুক বোইয়্যে গাবুজ্যেবোরে কলদে, “আদিচ্‌, আমি উইপারত্‌ পলেষ্টীয়গুনোর তাম্বুলোত্‌ যেই।” মাত্তর্‌ কধাগান তে তা বাপ্পোরে ন-জানেল।

১ শমূয়েল 18:14

লগেপ্রভু সমারে এলঅ বিলিনে তে বেক্কানিত্‌ বুদ্ধির পরিচয় দিইনে সফলতা লাভ গরা ধুরিলো।