১ বংশধর 18:12 - Chakma Bible

¹² সরূয়ার পুয়ো অবীশয়ে নুন্‌-কিজিঙোত্‌ আটার আজার্ ইদোমীয়রে মারে ফেলেল।

১ বংশধর 18:12 ပူးပေါင်းရင်းမြစ်များ

২ শমূয়েল 10:10

বাদবাগি সৈন্যগুনোরে তে তার্‌ ভেই অবীশয়র অধীনোত্‌ অম্মোনীয়গুনোর বিরুদ্ধে সাজেল।

২ শমূয়েল 10:14

অরামীয়গুনোরে ধেই যাদে দেগিনে অম্মোনীয়গুনেয়ো অবীশয়র মুজুঙোত্তুন্‌ ধেই যেইনে শঅর ভিদিরে যেইনে সোমেলাক্। সেনত্তেই যোয়াবে অম্মোনীয়গুনো সমারে আর যুদ্ধো ন-গুরিনে যিরূশালেমত্‌ ফিরি গেলাক্।

২ শমূয়েল 20:6

সেক্কে দায়ূদে অবীশয়রে কলঅ, “অবশালোমে আমারে যেত্তমান খোতি গোজ্যে তাত্তুনো বেশ্‌ ইক্কিনে ক্ষেতি গুরিবো এ বিখ্রির পূঅ শেবঃ। ইক্কিনে তুই মঅ মানুচ্চুনোরে নেযেইনে তা পিজেন্দি লোড়েই নেযা। ঢগেনলে তে কনঅ দেবাল্লোই ঘিজ্যে শঅর্‌ তোগেইনে আমা কায়-কুরেত্তুন্‌ ধেই যেবঅ।”

২ শমূয়েল 21:17

মাত্তর্‌ সরূয়ার পূঅ অবীশয় দায়ূদোরে রোক্ষ্যে গুরিলো। তে সে পলেষ্টীয়বোরে আঘাত্‌ গুরিনে মারে ফেলেল। সেক্কে দায়ূদো মানুচ্চুনে শমক্‌ গুরিনে দায়ূদোরে কলাক্, “তুই আর্ কনদিনঅ আমা লগে যুদ্ধোত্‌ ন-যেবে, ইস্রায়েলর চেরাক্কো মারেই ন-দিচ্‌।”

২ শমূয়েল 23:18

সরূয়ার পূঅ যোয়াব ভেই অবীশয় অলদে সে তিনজন উগুরে অাজল্লো। তে সেল্‌ মারিনে তিনশঅ মান্‌জ্যরে মারে ফেলেয়্যে আর তেয়ো সে তিনজন ধোক্ক্যেন্ নাঙ্-গোজ্যে ওই উদিলো।

২ শমূয়েল 7:13

তর্‌ সে পূঅবোই মঅ গম্ নাঙানত্তে এক্কান ঘর বানেব। তার রাজ-সিংহাসনান্ মুই জিংকানিবর্‌ থিদেবর্ গুরিম।

১ রাজাবলী 11:15

দায়ূদে যেক্কে ইদোম দেজর্‌ বিরুদ্ধে যুদ্ধো গরের্‌ সেক্কে তার সেনাপতি যোয়াবে মরা মানুচ্চুনোরে গোর্ দিবাত্তে ইদোমত্‌ গেলঅ। সিদু থেবার্‌ সলাবোত্‌ তে ইদোমীয় বেক্‌ মরদত্তুনোরে মারে ফেলেল।

২ রাজাবলী 14:7

অমৎসিয় নুন-কলগত্ দশ আজার ইদোমীয়রে মারে ফেলেল আর যুদ্ধো গুরিনে সেলা গজক্ গুরিনে তা নাঙান্‌ রাগেল যক্তেল; সে নাঙান্‌ এজঅ আঘে।

১ বংশধর 11:20

যোয়াব ভেই অবীশয় অলদে সে তিনজন উগুরে আজল্লো। তে সেল্‌ মারিনে তিনশত্‌ মান্‌জ্যরে মারে ফেলেয়্যে আর তেয়ো সে তিনজন ধোক্ক্যেন নাঙ-গোজ্যে ওই উদিলো।

১ বংশধর 18:11

ইয়েন আগেন্দি রাজা দায়ূদে ইদোমীয়, মোয়াবীয়, অম্মোনীয়, পলেষ্টীয় আর অমালেকীয়গুনো ইত্তুন্‌ সোনা আর রূবো আনিনে যেধোক্ক্যেন লগেপ্রভুর নাঙে যুদো গুরি রাগেয়োন্‌ সেধোক্ক্যেন ইয়েনিলোই তে সেধোক্ক্যেন গুরিলো।

১ বংশধর 18:13

তে ইদোম কয়েক্কান্‌ জাগাত্‌ সৈন্যদল রাগেল আর সেক্কে বেক্‌ ইদোমীয়গুনে দায়ূদো অধীনোত্‌ অলাক্‌। দায়ূদে যে কনঅ জাগাত্‌ গেলে লগেপ্রভু সিদু তারে জিদেই দিদো।

১ বংশধর 19:11

বাদবাগি সৈন্যগুনোরে তে তার্‌ ভেই অবীশয় অধীনোত্‌ রাগেল; সেক্কে তারা অম্মোনীয়গুনোর বিরুদ্ধে যুদ্ধোত্তে নিজোরে সাজেলাক্‌।

১ বংশধর 2:16

তারা বোনুন্‌ অলাক্ সরূয়া আর অবীগল। অবীশয়, যোয়াব আর অসাহেল এলদে সরূয়ার তিনজন পুয়ো।

২ বংশধর 25:11

অমৎসিয় মনত্‌ সাহস নিইনে নুন্‌ কিজিঙোত্‌ তার্‌ সৈন্যদল্লোরে পরিচালনা গুরিলো। সিয়েনত্‌ তে সেয়ীরোর্‌ দশ আজার মান্‌জ্যরে মারে ফেলেল।

গীতসংহিতা 60:1

ও গোজেন, তুই আমারে এলাফেলা গোজ্যস্, আমারে গুড়ি গোজ্যস্; তুই অমকদ বেজার্ ওইয়োচ্, মাত্তর্ এবেরা তুই আমারে আগ অবস্‌তাদ্ ফিরেই আন।

গীতসংহিতা 60:2

তুই দেজ উগুরে ভূজোল্ আন্যচ্, ফাদা মারা ধোরেই দুয়োচ্; তুই সিয়েনর ফাদামারাগান নাঢি দে, কিত্তেই দেজ্‌ছান তলে পড়ের্।

১ শমূয়েল 26:6

দায়ূদে যেক্কে হিত্তীয় অহীলেমক আর সরূয়ার পূঅ যোয়াবর ভেই অবীশয়রে কলঅ, “সেই তাম্বুলো ভিদিরে শৌলর ইদু তুমি কন্না মঅ লগে যেবা?” অবীশয় কলঅ, “মুই যেম্‌।”

১ শমূয়েল 26:8

এ অবস্থা দেগিনে অবীশয় দায়ূদোরে কলঅ, “গোজেনে এচ্চ্যে তর্‌ শত্রুবোরে তঅ আঢত্‌ তুলি দিয়্যে। অনুমতি দে, মঅ সেল্‌লোলোই এক্কু আঘাতে তারে মাদিত্ গাড়ে ফেলাং। মত্তুন্‌ দ্বিবার আঘাত গরা ন-পুরিবো।”