১ বংশধর 18:11 - Chakma Bible

¹¹ ইয়েন আগেন্দি রাজা দায়ূদে ইদোমীয়, মোয়াবীয়, অম্মোনীয়, পলেষ্টীয় আর অমালেকীয়গুনো ইত্তুন্‌ সোনা আর রূবো আনিনে যেধোক্ক্যেন লগেপ্রভুর নাঙে যুদো গুরি রাগেয়োন্‌ সেধোক্ক্যেন ইয়েনিলোই তে সেধোক্ক্যেন গুরিলো।

১ বংশধর 18:11 ပူးပေါင်းရင်းမြစ်များ

১ রাজাবলী 7:51

এবাবোত্যেগুরি রাজা শলোমনে লগেপ্রভুর ঘরর বেক্‌ কামানি থুম্ গুরিলো। সে পরেন্দি তে তা বাপ্পো দায়ূদে যেদক্কানি পযাপিরা লগেপ্রভুর নাঙে যুদো গুরি রাগেয়্যে সিয়েনি আনিলো। সিয়েনি অলদে সনা, রূবো আর নানান বাবোত্যে পিলে। সিয়েনি তে লগেপ্রভুর ঘরর ধনভান্ডালত্‌ থোই দিলো।

২ রাজাবলী 12:18

সেক্কে যিহূদার রাজা যোয়াশে তার্‌ নিজোর্‌ আর তা পূরোণি মানুচ্চুনোর, অত্তাৎ যিহূদার রাজা যিহোশাফট, যিহোরাম আর অহসিয়োর দিয়্যে লগেপ্রভুর নাঙে যুদো গোজ্যে বেক্‌ পযাপিরানি অরামর রাজা হসায়েল ইদু পাধেই দিলো। ইয়েনিবাদে সে সমারে তে লগেপ্রভুর ঘর ধনভান্ডালত আর রাজঘর বেক্‌ সোনাগানিয়ো তাইদু পাধেই দিলো। সেক্কে হসায়েলে যিরূশালেমান্‌ ছাড়ি গেলগোই।

১ বংশধর 18:10

দায়ূদে হদদেষর লগে যুদ্ধোত্‌ জিত্যে বিলিনে তারে ভালেদি আর পাত্তুরু পাত্তুরু জানেবাত্তে তয়ি তার্‌ পুয়ো হদোরামরে রাজা দায়ূদো ইদু পাধেই দিলো। এ হদদেষর লগে তয়ির ভালোক্‌বার যুদ্ধো ওইয়্যে। হদোরামে দায়ূদোত্তে লগে গুরিনে সোনা, রূবো আর পিদলর নানান্‌ বাবোত্যে জিনিস আন্যে।

১ বংশধর 18:12

সরূয়ার পুয়ো অবীশয়ে নুন্‌-কিজিঙোত্‌ আটার আজার্ ইদোমীয়রে মারে ফেলেল।

১ বংশধর 22:14

“মুই বোউত্‌ দুগ্‌ গুরিনে লগেপ্রভু ঘরত্তে তিন আজার্ নয়শ টন সোনা আর ঊনচোল্লিশ আজার্ টন রূবো রাগেয়োং। ইয়েনিবাদে এদক্‌ বেশ্‌ পিদোল্‌ আর লুয়ো রাগেয়োং যিয়েনি মাবানা সম্ভব নয়, আর তক্তা আহ্‌ শিলঅ ঠিগ্‌ গুরি রাগেয়োং। হামাক্কাই ইয়েন সমারে তুয়ো কিজু দি পারিবে।

১ বংশধর 26:20

গোজেন ঘরর ধনভান্ডাল্‌ আর গোজেন নাঙে যুদো গোজ্যে পযাপিরার্‌ ধনভান্ডাল চেইচিদেনার্‌ ভারান্‌ এলদে বাদবাগি লেবীয়গুনো ভিদিরেত্তুন্‌ অহিয়োর উগুরে।

১ বংশধর 29:14

“মাত্তর্‌ ও প্রভু, মুই কন্না বা মর্‌ মানুচ্চুনে বা কন্না, আমি ইঙিরিনে হুজি ওইনে দান গুরি পারিই? বেক্কানি দঅ তত্তুন্‌ এজে। তঅ আদত্তুন্‌ যিয়েনি পেইয়োং মুই বানা তরে সিয়েনি দুয়োঙ্‌।

২ বংশধর 5:1

এধোক্ক্যেন গুরিনে শলোমনে লগেপ্রভুর ঘরর্‌ বেক্‌ কামানি থুম্‌ গুরিলো। সে পরেন্দি তে তা বাপ্পো দায়ূদে যেদক্কানি জিনিস লগেপ্রভুর নাঙে যুদো গুরি রাগেয়্যে সিয়েনি আনিলো। সিয়েনি এলদে সোনা, রূবো আর নানান্‌ বাবোত্যে পিলে। সিগুন্‌ তে গোজেন ঘরর ধনভান্ডালত্‌ থোই দিলো।

মীখা 4:13

লগেপ্রভু কত্তে, “ও সিয়োন-ঝিবো, তুই উদিনে শোজ্য মাড়্; মুই তরে লুয়োর্ শিং আর পিদোলর্ খুর্ দিম যেনে তুই ভালোক্ জাদরে চুরমার গুরি পারচ্। তুই তারার্ অন্যেয়গুরিনে পেইয়্যে পযাপিরা আর ধন-সোম্বোত্তিগানি মঅ নাঙে, বেক্ পিত্‌‌‌থিমীগানর্ প্রভুর নাঙে ভস্ত অনা অভিশাবর্ অধীন ইজেবে দি দিম‌।”

যিহোশূয় 6:19

বেক্‌ সনা, রূবো আহ্‌ পিদোল আর লুয়োর পযাবিরেনি লগেপ্রভুর নাঙে যুদো গরানা; সেনত্তেই সিয়েনি তার ধনভান্ডালত্‌ যেবঅ‌।”

যিহোশূয় 6:24

সে পরেন্দি তারা পুরো শঅ‌রান আর সিয়েন ভিদিরে বেক্কানি পুড়ি দিলাক্‌, মাত্তর্‌ সনা, রূবো আহ্‌ পিদলর আর লুয়োর্‌ পযাবিরেনি লগেপ্রভুর ঘরর ধনভান্ডালত্‌ জমা দিলাক্‌।

১ শমূয়েল 30:13

দায়ূদে মানুচ্চোরে পুযোর্‌ গুরিলো, “তুই কার্‌ মানুচ্? কুত্তুন্‌ এচ্ছোস্‌?” মানুচ্চো কলঅ, “মুই এক্কো মিসরীয় গাবুজ্যে, এক্কো অমালেকীয়গুনোর চাগর্‌। এচ্চ্যে তিন দিন অলঅ মর্‌ অসুখ ওইয়্যে, সেনত্যেই মর্‌ গিরোজ্‌সো মরে ফেলেই যেয়েগোই।

১ শমূয়েল 30:20

তে অমালেকীয়গুনোর বেক্‌ গোরু-ভেড়াগুনো নেযেল। তার্‌ মানুচ্চুনে সিগুনোরে অন্য য়েমানপালুনোর্‌ আগে আগে লোড়েইনে যাহ্ ধুরিলাক্। তারা কলাক্, “ইগুন দায়ূদোর্‌ লুদেয়্যে জিনিস।”