১ বংশধর 17:9 - Chakma Bible

^9-10 মঅ মানুচ্‌ ইস্রায়েলীয়গুনোত্তে মুই এক্কান্‌ জাগা ঠিগ্‌ গুরি সিয়েনত্‌ গাজঅ ধোক্ক্যেন তারারে বোজেই দিম্‌ যেনে তারা নিজো জাগা-জোমিত্‌ সুগে-শান্দিয়্যে বজত্তি গুরি পারন্‌ আর মঅ মানুচ্‌ ইস্রায়েলীয়গুনো উগুরে শাজন্‌গুরিয়্যে নেযেবার পরেত্তুন্‌ ধুরি বজং মানুচ্চুনে তারা উগুরে যে অত্যেচার্‌ গুরি এত্তন্‌ তারা যেনে আর সিয়েনি গুরি ন-পারন্‌। মুই তর্‌ বেক্‌ শত্রুগুনোরেয়ো দোঙেম্‌। “‘মুই আরঅ কঙর্‌, মুই লগেপ্রভু তঅ বংশবো উগুরে তুলি দিম্‌।

১ বংশধর 17:9 ပူးပေါင်းရင်းမြစ်များ

১ বংশধর 17:8

তুই যেদক্কানি চাগালাত্‌ যেয়োচ্‌ মুয়ো সিদু তঅ সমারে যেয়োং আর তঅ মুজুঙোত্তুন্‌ তর্ বেক্‌ শত্রুগুনোরে শেজ্‌ গুরি দুয়োং। মুই তঅ নাঙান্‌ পিত্‌থিমীর নাঙ্‌গোজ্যে মানুচ্চুনো নাঙানি ধোক্ক্যেন ইদোত্‌ থাই পারা গুরি দিম্‌।

গীতসংহিতা 44:2

তুই নিজোর আঢে অন্য জাদ্‌‌তুনোরে ধাবেই দিইনে সেই জাগানত্ আমা পুরোণি মানুচ্চুনোরে বোজেয়োচ্; তুই সেই মানুচ্চুনো উগুরে দজা আন্যচ্ আর আমা পুরোণিমানুচ্চুনোরে দাঙর্ অবাত্তে দুয়োচ্।

গীতসংহিতা 89:22

কনঅ শত্রু তা উগুরে উদি ন-পারিবো; কনঅ পাজি মান্‌জ্যে তারে অত্যেচার গুরি ন-পারিবো।

গীতসংহিতা 92:13

আমা গোজেন লগেপ্রভুর ঘরত্ যিগুনোর লাগা ওইয়্যে তারা তা উদোনত্ দাঙর্ অবাক্।

যাত্রা 2:23

ইয়েনর্ বোউত্‌ দিন পরেদি মিসর রাজাবো মুরি গেলঅ। ইন্দি ইস্রায়েলীগুনে তারার্‌ গোলামী খাদদে খাদদে অরান্ ওইনে কানা দোজ্যন্‌। ইয়েনত্তুন্‌ উদ্ধোর্‌ পেবাত্তে তারার্‌ এই কানা-কুদিগানি গোজেন ইধু যেইনে লুমিলো।

যিশাইয় 49:17

তঅ পুয়োগুনে ফিরি এবাত্তে তাড়াহুড়ো গত্তন্, আর যিগুনে তরে ভস্ত গুরিনে ফেলেই রাগেয়োন তারা তঅ মুজুঙেত্তুন্ যেবাক্কোই।

যিশাইয় 60:18

কনঅ ক্ষতি গুরিবার কধা আর তমা দেজত্ শুনো ন-যেবঅ, তঅ দুযি ভিদিরে শুনো ন-যেবঅ কনঅ ভস্ত বা বিনাশ কধা। তঅ দেবাল নাঙানি অবঅ উদ্ধোর আর তর্ গেট্‌তুনোর নাঙানি অবঅ নাঙ্ গিনেনা।‌‌‌‌‌‌‍‍

যিশাইয় 61:3

যেন সিয়োনত্ যিগুনে আবিলেচ্ গোজ্যন তারা মাঢা উগুরে মুই ছেইয়োর বদলে দোল্ মুকুট দি পারং; যেন মুই আবিলেচর্ বদলে হুজির্ তেল আর হতাশার্ বদলে নাঙ্ গিনিবার পোজাক্ দি পারং। তারারে কুয়ো অবঅ সততার এলোন গাজ্; লগেপ্রভু সিগুন লাগেয়্যেদে যেন সিগুনোর মাধ্যমে তারে বাঈনী গরানাগান ফগদাং পায়।

যিরমিয় 24:6

মুই তারার ভালেদিত্তে তারা উগুরে খিয়েল্ রাগেম আর এ দেজত্ তারারে ফিরেই আনিম। মুই তারারে গড়েই তুলিম, ভাঙি ন-ফেলেম; মুই তারারে লাগেই দিম, তুলি ন-ফেলেম।

যিরমিয় 32:41

মুই হুজি মনে তারারে ভালেদি গুরিম আর মর্ বেক মনান্-পরানান্ দিইনে এ দেজত্ হামাক্কায় তারারে চারা ধোক্ক্যেন লাগেই দিম।

যিহিষ্কেল 28:4

তর্ জ্ঞান আর বুদ্ধিলোই তুই নিজোত্তে ধন-সোম্বোত্তি পেইয়োচ্ আর তর্ ধন-ভান্ডালত্ সোনা আর রূবো থুবেয়োচ্।

যিহিষ্কেল 34:13

মুই নানান্ জাদ আর দেজ ভিদিরেত্তুন্ তারারে নিগিলেই আনিম আর তারার্ নিজো দেজত্ তারারে এগত্তর্ গুরিম। ইস্রায়েলর্ মুড়ো-মুড়ি উগুরে, গাঙ পারত্ আর দেজর্ বেক বজত্তি গুরিবার জাগায়ানিত্ মুই তারারে চোরেম্।

যিহিষ্কেল 37:25

যে দেজ্‌‌‌‌চান মুই মঅ চাগর্ যাকোবরে দুয়োং, যে দেজত্ তারার্ পুরোণি মানুচ্চুনে বজত্তি গুরি যেইয়োন সিয়েনত্ তারা বজত্তি গুরিবাক্। তারা, তারার্ পুয়ো-ছাগুনে আর নাদিন্ পুদিনুনে সিয়েনত্ জিংকানিবর্ বজত্তি গুরিবাক্ আর মর্ চাগর্ দায়ূদে উমরত্যে তারার্ রাজা অবঅ।

আমোষ 9:15

মুই ইস্রায়েলীয়গুনোরে তারার্ নিজো দেজত্ গাজ ধোক্ক্যেন লাগেই দিম; যে দেজ্‌‌‌‌চান মুই তারারে দুয়োং সিয়েনত্তুন্ আর তারারে কনদিন্‌অ উগুড়েই ফেলা ন-অবঅ।” এ কধাগান তমা গোজেন লগেপ্রভু কত্তে।

ইফিষীয় 5:6

মিজে কধাবাত্তালোই যেন কেউ তমারে ভুল্ পধেদি ন-নেযায়, কিয়া যিগুনে অবাধ্য ওইনে সেবাবোত্যে কাম্ গরন গোজেন সাজা তারা উগুরে লামি এজে।

ফগদাং পেইয়্যে 21:4

তে তারার্ চোগো পানি পুজি দিবো। মরণ আর ন-অবঅ; দুঘ্, কানানা, আর পীড়ে আর্ ন-থেবঅ, কিয়া আগর্ বেক্কানি থুম্ ওই যেয়্যে।”