১ বংশধর 17:8 - Chakma Bible

⁸ তুই যেদক্কানি চাগালাত্‌ যেয়োচ্‌ মুয়ো সিদু তঅ সমারে যেয়োং আর তঅ মুজুঙোত্তুন্‌ তর্ বেক্‌ শত্রুগুনোরে শেজ্‌ গুরি দুয়োং। মুই তঅ নাঙান্‌ পিত্‌থিমীর নাঙ্‌গোজ্যে মানুচ্চুনো নাঙানি ধোক্ক্যেন ইদোত্‌ থাই পারা গুরি দিম্‌।

১ বংশধর 17:8 ပူးပေါင်းရင်းမြစ်များ

পত্থম 28:15

মুই তঅ লগে লগে আগং; তুই যিয়োদোই যেদে সাৎ মুই তরে রোক্ষ্যে গুরিম্‌। এ দেজত্ আরঅ মুই তরে ফিরেই আনিম। মুই তরে যিয়েনি কোইয়োং সিয়েনি পূরোণ ন-গরানা সং মুই তরে ছাড়ি ন-যেম্‌।”

২ শমূয়েল 22:1

লগেপ্রভু যেক্কে দায়ূদোরে শৌল আর তার অন্য শত্রুগুনোর্‌ আঢত্তুন্‌ উদ্ধোর্ গুরিলো সেক্কে তে লগেপ্রভুর নাঙে এ গান্নো গেইয়্যে:

২ শমূয়েল 7:9

তুই যেদক্কানি জাগাত্‌ যেইয়োচ্‌ মুইয়ো সিদু তঅ লগে যেইয়োং আর তঅ মুজুঙোত্তুন্‌ তর্‌ বেক্‌ শত্রুগুনোরে শেজ্‌ গুরি দুয়োং। মুই তঅ নাঙান্‌ পিত্তিমীর্ নাঙ্‌গিন্যে মানুচ্চুনোর নাঙানি ধোক্ক্যেন্‌ নাঙ্ তাই পাড়া গুরিম্।

২ শমূয়েল 8:6

দায়ূদে অরাম রেজ্যর্‌ দম্মেশকত্‌ তার সৈন্যদলুন্‌ রাগেল। সেক্কে অরামীয়গুনে তা অধীনোত্‌ তারে খাজানা দিয়্যে ধুরিলাক্। এধোক্ক্যেনগুরি দায়ূদে যে কনঅ জাগাত্‌ গেলে লগেপ্রভু সিয়োদোই তারে জিদেই দিদো।

২ শমূয়েল 8:8

বেটহ আর বেরোথা নাঙে হদদেষরর দ্বিয়েন শঅরত্তুন রাজা দায়ূদে ভালোক্কানি পিদল্‌অ অানিলো।

১ বংশধর 14:17

এধোক্ক্যেন গুরিনে দায়ূদো সুনাঙান্‌ বেক্‌ দেজ্‌ছানিত্‌ ছিদি পড়িলো, আর লগেপ্রভু বেক্‌ জাত্‌তুনো ইদু তা পৌইদ্যেনে এক্কান্‌ দর্ দর্ মনভাব জাগেই দিলো।

১ বংশধর 17:17

ও গোজেন, ইয়েন তঅ চোগেন্দি যদবদে ন-অয়; ইয়েন লগে তঅ চাগরুনো বংশর আগাম কধায়ো তুই কোইয়োচ্‌। ও গোজেন লগেপ্রভু, মুই যেনে এক্কো দাঙর্‌ মানুচ্‌ সে চোগেন্দি তুই মরে দেখ্যচ্‌।

১ বংশধর 17:2

জোবত্‌ নাথনে দায়ূদোরে কলঅ, “তঅ মনানে যিয়েন্‌ চায় তুই সিয়েন গর্‌; গোজেনে তঅ সমারে আঘে।”

১ বংশধর 17:7

ইক্কিনে তুই মঅ চাগর্‌ দায়ূদোরে কঅ, বেক খেমতার গিরোজ্ লগেপ্রভু এ কধাগান কোইয়্যেদে, মঅ মানুচ্চুনে ইস্রায়েলীয়গুনোর শাজন্‌গুরিয়্যে অবাত্তে মুই তরে য়েমান চোড়েবার্‌ বামত্তুন্‌, ভেড়া ছাগল পাল পিজেন্দিত্তুন্‌ আন্যং।

১ বংশধর 17:9

মঅ মানুচ্‌ ইস্রায়েলীয়গুনোত্তে মুই এক্কান্‌ জাগা ঠিগ্‌ গুরি সিয়েনত্‌ গাজঅ ধোক্ক্যেন তারারে বোজেই দিম্‌ যেনে তারা নিজো জাগা-জোমিত্‌ সুগে-শান্দিয়্যে বজত্তি গুরি পারন্‌ আর মঅ মানুচ্‌ ইস্রায়েলীয়গুনো উগুরে শাজন্‌গুরিয়্যে নেযেবার পরেত্তুন্‌ ধুরি বজং মানুচ্চুনে তারা উগুরে যে অত্যেচার্‌ গুরি এত্তন্‌ তারা যেনে আর সিয়েনি গুরি ন-পারন্‌। মুই তর্‌ বেক্‌ শত্রুগুনোরেয়ো দোঙেম্‌। “‘মুই আরঅ কঙর্‌, মুই লগেপ্রভু তঅ বংশবো উগুরে তুলি দিম্‌।

ইষ্রা 4:20

খেমতাবলা রাজাগুনে ‍যিরূশালেমত্তুন্ ধুরি ইউফ্রেটিস গাঙর্ পোজিম্ পারর্ বেক জাগায়ানিত্ রাজাগিরি গুরি এচ্চ্যন্ আর সিদুগোর্ মানুচ্চুনে তারার্ খাজনা, কর্‌ আর শুল্ক দুয়োন্।

গীতসংহিতা 18:1

ও লগেপ্রভু, তুয়ই মর্ বল্, মুই তরে কোচপাং।

গীতসংহিতা 46:11

বেগত্তুন খেমতাবলা গিরোজ্ লগেপ্রভু আমা সমারে আঘে; যাকোবর গোজেনে আমা ঘর্।

গীতসংহিতা 46:7

বেগত্তুন খেমতাবান গিরোজ্ লগেপ্রভু আমা সমারে আঘে; যাকোবর গোজেনে আমা ঘর।

গীতসংহিতা 71:21

মুই চাং তুই যেনে মঅ সর্মানান বাড়েই দুয়োচ্, আরঅ মরে সুগ-শান্দি দুয়োচ্।

গীতসংহিতা 75:7

মাত্তর্ গোজেনে বিচের গরে; তে একজনরে তলে লামায় আর আর একজনরে উগুরে তুলে।

লূকে লেখ্যে গম্ হবর্ 1:52

সিংহাসনত্তুন্ রাজাগুনোরে তে লামেই দিয়্যে, মাত্তর্ সাধারন মানুচ্চুনোরে তুলি ধোজ্যে।

১ শমূয়েল 18:14

লগেপ্রভু সমারে এলঅ বিলিনে তে বেক্কানিত্‌ বুদ্ধির পরিচয় দিইনে সফলতা লাভ গরা ধুরিলো।

১ শমূয়েল 18:28

শৌল যেক্কে বুঝি পারিলো, লগেপ্রভু দায়ূদো সমারে আগে আর তার ঝি মীখলেয়ো দায়ূদোরে কোচ্‌পায়,

১ শমূয়েল 26:10

জেদা লগেপ্রভুর নাঙে কঙর্, লগেপ্রভু নিজেই তারে সাজা দিবো। অয় তে এমনে মুরি যেবঅ, নয়দ যুদ্ধোত্‌ যেইনে শেজ্‌ ওই যেবঅ।