১ বংশধর 17:7 - Chakma Bible

⁷ ইক্কিনে তুই মঅ চাগর্‌ দায়ূদোরে কঅ, বেক খেমতার গিরোজ্ লগেপ্রভু এ কধাগান কোইয়্যেদে, মঅ মানুচ্চুনে ইস্রায়েলীয়গুনোর শাজন্‌গুরিয়্যে অবাত্তে মুই তরে য়েমান চোড়েবার্‌ বামত্তুন্‌, ভেড়া ছাগল পাল পিজেন্দিত্তুন্‌ আন্যং।

১ বংশধর 17:7 ပူးပေါင်းရင်းမြစ်များ

২ শমূয়েল 6:21

দায়ূদে মীখলরে কলঅ, “লগেপ্রভুর মুজুঙোত্‌ মুই সিয়েনি গোজ্যং। তে তাহ্ মানুচ্চুনোর উগুরে, অত্তাৎ ইস্রায়েলীয়গুনো উগুরে শাজন্‌গুরিয়্যে ইজেবে নেযেবাত্তে তঅ বাপ্পো বা তা ঘরর্‌ কাররে বেঈ ন-লোইনে মরে বেঈ লোইয়্যে। সেনত্তেই লগেপ্রভুর মজুঙোত্‌ মুই ফুত্তি গুরিম্।

২ শমূয়েল 7:8

ইক্কিনে তুই মঅ চাগর দায়ূদরে কঅ, বেগত্তুন্‌ খেমতাবান লগেপ্রভু এ কধাগান কত্তে, মঅ মানুচ্‌ ইস্রায়েলীয়গুনোর শাজন্‌গুরিয়্যে অবাত্তে মুয়ই তরে এ্যমান চোড়েবার্‌ হলাত্তুন্‌, ভেড়া পালর্‌ পিচ্ছোত্তুন্‌ অান্যং।

১ বংশধর 17:6

যিদুক্কুন্‌ মান্‌জ্য উগুরে মুই মঅ মানুচ্চুনোরে পালেবার্‌ ভারান্‌ দুয়োং, নানান্‌ জাগাত্‌ ইস্রায়েলীয়গুনো সমারে ঘুরি বেড়েবার্‌ অক্তত্‌ মুই সে নেতাগুনোরে কি কনঅ সময় কোইয়োং, তারা কিত্তেই মত্তে এরস গাজ ঘর্‌ ন-বানান্‌?

১ বংশধর 17:8

তুই যেদক্কানি চাগালাত্‌ যেয়োচ্‌ মুয়ো সিদু তঅ সমারে যেয়োং আর তঅ মুজুঙোত্তুন্‌ তর্ বেক্‌ শত্রুগুনোরে শেজ্‌ গুরি দুয়োং। মুই তঅ নাঙান্‌ পিত্‌থিমীর নাঙ্‌গোজ্যে মানুচ্চুনো নাঙানি ধোক্ক্যেন ইদোত্‌ থাই পারা গুরি দিম্‌।

২ বংশধর 6:6

মাত্তর্‌ ইক্কিনে মর্‌ থেবার্‌ জাগা ইজেবে মুই যিরূশালেমানরে বেঈ লোইয়োং আর মর্‌ মানুচ্‌ ইস্রায়েলীয়গুনোরে শাজন্ গুরিবাত্তে দায়ূদোরে বেঈ লোইয়োং।

মথি লেখ্যে গম্ হবর্ 2:6

যিহূদা দেজর্ বৈৎলেহম, যিহূদা ভিদিরে তুই কনমতে চিগোন্ নয়, কিয়া তঅ ভিদেরেত্তুনই এমন এক্কো শাজন্‌‌গুরিয়্যে এবঅ যিবে মঅ ইস্রায়েল জাদরে পরিচালনা গুরিবো।”

লূকে লেখ্যে গম্ হবর্ 5:10

শিমোন বেবসার্ ভাগীদার্ যাকোব আর যোহন নাঙে সিবদিয়র্ দ্বিবে পুয়োও আমক্ অলাক্। সেক্কে যীশু শিমোনরে কলঅ, “ন-দোরেস্; ইক্কিনেত্তুন্ ধুরি তুই গোজেনত্তে মানুচ্ ধুরিবে।”

১ শমূয়েল 17:15

মাত্তর্‌ দায়ূদে শৌল ইদু থেদঅ, আরঅ তা বাপ্পোর ভেড়াছাগলুন চোড়েবাত্তে বৈৎলেহমতঅ যেদঅ।