১ বংশধর 17:24 - Chakma Bible

²⁴ সেক্কে মর্‌ বংশবো থিদেবর্ অবঅ আর উমরত্তে তর্‌ যচ্ অবঅ। সেক্কে মানুচ্চুনে কবাক্‌, ‘বেগত্তুন্‌ খেমতাবলা গিরোজ্‌ লগেপ্রভু ইস্রায়েলীয়গুনোর গোজেন, যদবদে ইস্রায়েলীয়গুনোর গোজেন’! আর তঅ চাগর্‌ দায়ূদোর্ বংশ তঅ মুজুঙোত্‌ অদেঅদে থেবঅ।

১ বংশধর 17:24 ပူးပေါင်းရင်းမြစ်များ

১ বংশধর 17:23

“ইক্কিনে ও লগেপ্রভু, মর্‌ আর মর্‌ বংশবো পৌইদ্যেনে তুই যে এগেমান্‌ গোজ্যস্‌ সিয়েন উমরত্তেই রোক্ষ্যে গর্‌। তর্‌ এগেম্ মজিম সিয়েন্‌ রোক্ষ্যে গর্‌।

১ বংশধর 17:25

ও মর্‌ গোজেন, তুয়ই মইদু এ পৌইদ্যেনে ফগদাঙ্‌ গুরি কোইয়োচ্‌, তুই মঅ মাধ্যমে এক্কো বংশ তুলিবে। সেনত্তে তইদু এ তবনাগান গুরিবাত্তে মঅ মনত্‌ সাহস ওইয়্যে।

২ বংশধর 6:33

সেক্কে তর্‌ থাইদে জাগা স্বর্গত্তুন্‌ তুই সিয়েনি শুনিচ্‌। তে যিয়েন্‌ চায় তাত্তেই সিয়েন্‌ গুরিচ্‌ যেনে পিত্‌থিমীর বেক্‌ মানুচ্চুনে তরে জানি পারন্‌ আর তর্‌ নিজোর্‌ মানুচ্‌ ইস্রায়েলীয়গুনো ধোক্ক্যেন তারায়ো তরে ভোক্তিপূর্ণ দোরেই পারন্‌ আর জানি পারন্‌, মর্‌ বানেয়্যে এ ঘরান্‌ তর্‌ ঘর্‌।

গীতসংহিতা 21:13

ও লগেপ্রভু, তর্ বল্লোই তুই ফগদাং অ; আমি তর্ খেমতাগানরে নাঙ্ গিনিবোং আর গান গেবং।

গীতসংহিতা 72:19

জিংকানিবর্ তার মহিমাবলা নাঙানির্ নাং গিনে ওক্; পুরো দুনিয়াগান তার মহিমালোই পূরোন ওক্। আমেন, আমেন।

গীতসংহিতা 90:17

আমা প্রভু গোজেনর দোয়্যে আমা উগুরে থোক্; আমা বেক্ কামানি তুই ফোলেই দে, অয়, আমা বেক্ কামানিত্ তুই ভালেদি দান গর্।

যিরমিয় 31:1

লগেপ্রভু কোইয়্যেদে, “সে অক্তত্ মুই ইস্রায়েলর বেক গুট্টিগুনোর গোজেন ওম্, আর তারা মর্ মানুচ্ অবাক্।”

যিরমিয় 38:17

সেক্কে যিরমিয় সিদিকিয়রে কলঅ, “ইস্রায়েলর গোজেন বেগত্তুন্ খেমতাবলা লগেপ্রভু কোইয়্যেদে, ‘তুই যুনি বাবিল রাজার সেনাপতিবো ইধু ঊদি যানা স্বিগের্ গরচ্ সালে তঅ পরানান্ বাঁজিবো আর এ শঅরান পুড়ি দিয়্যে ন-অবঅ; তুই আর তঅ গিরিবো বাঁজিবো।

মথি লেখ্যে গম্ হবর্ 6:13

আমারে তুই পোরোক্ষ্যেত্ পড়িবাত্তে ন-দিস্, মাত্তর্ শদান আঢত্তুন্ রোক্ষ্যে গর্।

মথি লেখ্যে গম্ হবর্ 6:9

ইয়েনত্তে তুমি এবাবোত্যেগুরি তবনা গরঅ: ও আমার স্বর্গর্ বাবা, তঅ নাঙান্ পবিত্র বিলিনে মানা ওক্।

যোহন 12:28

বাবা, তঅ মহিমাগান্ ফগদাং গর্।” স্বর্গত্তুন্ সেক্কে এ কধাগান্ শুনো গেলঅ, “মুই মঅ মহিমাগান্ ফগদাং গোজ্যং আহ্ আরঅ সিয়েন্ ফগদাং গুরিম।”

যোহন 17:1

এই বেক্‌ কধানি কনার্ পরেদি যীশু স্বর্গ ইন্দি রিনি চেইনে কলঅ, বাবা, সময় এচ্চ্যে। তঅ পুয়োবোর্ মহিমাগান্ ফগদাং গর্ যেন পুয়োবোয়ো তঅ মহিমাগান্ ফগদাং গুরি পারে।

ফিলিপীয় 2:11

আর বাবা গোজেনর্ বাঈনী গুরিবাত্যে স্বিগের্ গরঅ যে, যীশু খ্রীষ্টই প্রভু।

ইব্রীয় 11:16

মাত্তর্ তারা আরঅ গম এক্কান দেজর্, অত্তাৎ স্বর্গগানরে তগাদন্। সেনত্যে গোজেনে নিজোরে তারার্ গোজেন কধে ন-লাজায়, কিয়া তে তারাত্যে এক্কান শঅর্ বানেয়্যে।

ইব্রীয় 8:10

প্রভু আরঅ কয়, “যেরেদি মুই ইস্রায়েলীয়গুনোত্যে যে বেবস্থাগান থিদেবর্ গুরিম। সিয়েন অলঅ, মর্ আইন-কানুনানি মুই তারার্ মন ভিদিরে থোম্ আর তারার্ রিবেঙত্অ সিয়েনি লিগি রাগেম। মুই তারার্ গোজেন ওম্, আর তারা মঅ মানুচ্‌ অবাক্।

১ পিতর 4:11

যুনি কেঅ ফগদাং গরে সালে তে এবাবোত্যে গুরি ফগদাং গোরোক যেন তে গোজেনর্ নিজোর্ মুয়ো কধা কর্। যুনি কেঅ সেবা গরে সালে তে গোজেনর্ দিয়্যে বল্লোই সেবা গোরোক্, যেন যীশু খ্রীষ্টর্ মাধ্যমে বেক্কানিত্ গোজেনর্ বাঈনী পায়। বাঈনী আর খেমতা উমরত্যে তার্। আমেন।

ফগদাং পেইয়্যে 21:3

সে পরেদি মুই একজনরে সেই সিংহাসনত্তুন্ জোরে এ কধাগান কধে শুনিলুং, “ইক্কিনে মান্‌জ্য ভিদিরে গোজেনর্ থেবার জাগা ওইয়্যে। তে মান্‌জ্য সমারে থেবঅ আর তারা তা মানুচ্‌ অবাক্। তে নিজেই মান্‌জ্য সমারে থেবঅ আর তারার্ গোজেন অবঅ।