১ বংশধর 17:21 - Chakma Bible

²¹ তঅ ইস্রায়েল জাদ্‌তুনো ধোক্ক্যেন পিত্‌থিমীত্‌ আর কনঅ জাত্‌ নেই, যিবেরে তুই তর্‌ নিজো মানুচ্‌ বানেবাত্তে উদ্ধোর্‌ গোজ্যস্‌। তুই তারারে মিসর দেজত্তুন্‌ উদ্ধোর্‌ গুরিনে তারা মুজুঙোত্তুন্‌ অন্য জাদ্‌তুনোরে ধাবেই দুয়োচ্‌। তর্‌ নিজো যচ্ছান ফগদাঙ্‌ গুরিবাত্তে মহৎ আর দর্‌গরেপারা কাম ভিদিরেন্দি তুই সিয়েন্‌ গোজ্যস্‌।

১ বংশধর 17:21 ပူးပေါင်းရင်းမြစ်များ

১ বংশধর 17:20

ও লগেপ্রভু, তঅ ধোক্ক্যেন আর কনজন্‌ নেই আর তুই বাদে কনঅ গোজেন নেই; আমি নিজো কানেন্দি এ কধাগান্‌ শুন্যেই।

১ বংশধর 17:22

তঅ মানুচ্‌ ইস্রায়েলীয়গুনোরে তুই নিজো নাঙে জিংকানিবর্‌ তর্‌ নিজো মানুচ্‌ বানেয়োচ্‌, আর তুই, ও লগেপ্রভু, তুই তারার্‌ গোজেন ওইয়োচ্‌।

নহিমিয় 9:10

ফরৌণ, তার্‌ বেক্‌ কামগুরিয়্যেগুনোরে আর তা দেজর্‌ বেক্‌ মানুচ্চুনোরে তুই বোউত্‌ চিহ্নো আর আমক্‌ অবার্‌ কাম্‌ দেগেয়োচ্‌, কিত্যে তুই হবর্‌ পেদে আমা পূরোণিমানুচ্চুনোর্‌ লগে মিসরীয়গুনোর্‌ বেবহার্‌ এলদে বার্‌বোলোই ভরা। এ কামানি গুরিনে তুই তর্‌ সুনাঙ্‌ রোক্ষ্যে গোজ্যস্‌, যিয়েনি এজঅ আঘে।

গীতসংহিতা 107:2

লগেপ্রভুর উদ্ধোর্ গোজ্যে মানুচ্চুনে এ কধাগান কোদোক্, কিত্তে তে বিপক্কগুনোর আঢত্তুন্ তারারে উদ্ধোর্ গোজ্যে;

গীতসংহিতা 111:9

তা মানুচ্চুনোত্তে তে উদ্ধোরর্ বেবস্তা গোজ্যে; তে উগুম দিইনে উমরত্তে তার সুদোমান্ থিদেবর্ গোজ্যে। তে পবিত্র; তে দর্ আর ভোক্তি জাগায়।

গীতসংহিতা 147:20

অন্য কনঅ জাদত্তে তে সিয়েনি ন-গরে; তার আইন-কানুনানি তারা হবর্ ন-পান। লগেপ্রভুরে নাঙ্ গিনে ওক্।

গীতসংহিতা 65:5

ও আমার উদ্ধোর্ গুরিয়্যে গোজেন, তর্ ন্যায্য ভোক্তিবলা দর্‌বুক লাগাইদ্যে কাম্বোই তুই আমা ডাগনিলোই শমক্ দিবে। পিত্‌থিমীর বেক্ মানুচ্চুন, এমন কি, বেগত্তুন দূরোত্ আর দূরো গাঙ পাড়র মানুচ্চুনেয়ো তঅ উগুরে বিশ্বেজ্ গরন।

গীতসংহিতা 77:15

তুই তর্ মানুচ্ যাকোব আর যোষেফ বংশধরুনোরে তর্ দরমর আঢ্‌তোই উদ্ধোর গোজ্যস্।

যাত্রা 6:6

সেনত্যে তুই ইস্রায়েলীয়গুনোরে কোইদে, লগেপ্রভু কত্তে, ‘মুই লগেপ্রভু। মিসরীয়গুনোর দিয়্যে জদবদে কামানিত্তুন্‌ তমারে নিগিলেই আনিম। তারার্‌ চাগর্‌ কাদানাত্তুন্‌ মুই তমারে উদ্ধোর গুরিম। আত্‌ বাড়েইনে তারারে জদবদে সাজা-দিইনে মুই তমারে উদ্ধোর গুরিম।

যিশাইয় 48:9

মর্ নিজো সুনাঙত্তেই মঅ রাগ্‌কানরে মুই দোঙেই রাগেয়োং; মরে বাঈনী গুরিবাত্তে মুই সিয়েন মানা গুরি রাগেয়োং যেনে তমারে শেজ্ গুরি ফেলা ন-অয়।

যিশাইয় 63:12

যিবে মোশিরে সাহায্য গুরিবাত্তে তার বাঈনী গুরিবার খেমতাবলা মানুচ্চোরে দিয়্যে, যিবে নিজোর সুনাঙান্ উমরর্ গুরিবাত্তে তারা মুজুঙোত্ পানিগানরে দ্বিভাগ গোজ্যে,

যিশাইয় 63:9

তারার বেক্ দুঘ্‌‌খানিত্ তেয়ো দুঘ্ পেলঅ আর তার্ হবর্ কোইয়্যেবো তারারে উদ্ধোর্ গুরিলো। তার কোচ্‌পানা আর দোয়্যেই তে তারারে উদ্ধোর্ গুরিলো; আগ কালত্ বেক্ দিনুনোত্ তে তারারে তুলিনে বুয়োই নিলো।‌‍‍‍‌‍‍‍

যিশাইয় 64:3

আমি যিয়েন আজা ন-গুরিই সেবাবোত্যে দর্ আর ভোক্তি জাগেয়্যে আমক্ কাম্ যেক্কে তুই গোজ্যস্ সেক্কে লামি এচ্চ্যস্ আর মুড়ো-মুড়িগুন তর্ নাঙে গির্‌‌গিরেয়োন।

যিরমিয় 32:21

তুই চিহ্নো আর আমক্ আমক্ কাম দেগেইনে আর দরমর আহ্ খেমতাবলা আঢ্‌তানি বাবেইনে অমকদ দর্‌‌‌গরেপারা গুরি তঅ মানুচ্ ইস্রায়েলরে সিয়োত্তুন নিগিলেই আন্যচ্।

দ্বি’লম্বর বিররণ 15:15

মনত্‌ রাগেয়ো, মিসর দেজত্‌ তুমিয়ো চাগর এলা আর তমার গোজেন লগেপ্রভু তমারে উদ্ধোর গোজ্যে। সেনত্যে এচ্চ্যে মুই তমারে এ উগুমান দুয়োঙর্।

দ্বি’লম্বর বিররণ 4:7

এধোক্ক্যেন আর কনঅ দাঙর্‌ জাদ আগন্‌ যিগুনোর্‌ দেব-দেবেদাগুনে তারার্‌ ইদু থান, যেধোক্ক্যেন গুরি আমা গোজেন লগেপ্রভুরে ডাগিলে তারে কায়-কুরে পাহ্ যায়?

তীত 2:14

যীশু খ্রীষ্ট আমাত্যে নিজো জিংকানিগান দিয়্যে, যেন বেক্‌ পাপ্‌পানিত্তুন আমারে উদ্ধোর্ গুরি পারে আর সিয়েন্দোই এমন্‌ এক দল মান্‌জ্যরে সিজি গুরি পারে যিগুনে বানা তা মানুচ্ অবাক্ আর যিগুনে অন্যগুনোরে উপকার গুরিবাত্যে আয়োজি অবাক্।

যিহোশূয় 10:42

এধোক্ক্যেনগুরি একবার যুদ্ধো গুরিবাত্তে নিগিলিলে যিহোশূয় এ বেক্‌ রাজাগুনোরে আর তারার দেজ্‌চানি জিদি নিলো, কিত্যে ইস্রায়েলীয়গুনোর গোজেন লগেপ্রভু তারার্‌ ওইনে যুদ্ধো গোজ্যে।