১ বংশধর 17:20 - Chakma Bible

²⁰ ও লগেপ্রভু, তঅ ধোক্ক্যেন আর কনজন্‌ নেই আর তুই বাদে কনঅ গোজেন নেই; আমি নিজো কানেন্দি এ কধাগান্‌ শুন্যেই।

১ বংশধর 17:20 ပူးပေါင်းရင်းမြစ်များ

১ বংশধর 17:19

ও লগেপ্রভু, তঅ চাগর্‌বোত্তে তর্‌ আওজ্ মজিম এ মহৎ কামান্‌ তুই গোজ্যস্‌ আর তঅ চাগর্‌বোরে সিয়েন্‌ জানেয়োচ্‌।

১ বংশধর 17:21

তঅ ইস্রায়েল জাদ্‌তুনো ধোক্ক্যেন পিত্‌থিমীত্‌ আর কনঅ জাত্‌ নেই, যিবেরে তুই তর্‌ নিজো মানুচ্‌ বানেবাত্তে উদ্ধোর্‌ গোজ্যস্‌। তুই তারারে মিসর দেজত্তুন্‌ উদ্ধোর্‌ গুরিনে তারা মুজুঙোত্তুন্‌ অন্য জাদ্‌তুনোরে ধাবেই দুয়োচ্‌। তর্‌ নিজো যচ্ছান ফগদাঙ্‌ গুরিবাত্তে মহৎ আর দর্‌গরেপারা কাম ভিদিরেন্দি তুই সিয়েন্‌ গোজ্যস্‌।

গীতসংহিতা 44:1

ও গোজেন, ভালোক্ দিন আগে আমা পুরোণি মানুচ্চুনোর সময়োত্ তুই যিয়েনি গোজ্যস্ সে পৌইদ্যেনে তারার কধানি আমি নিজোর কানন্দি শুন্যেই।

গীতসংহিতা 86:8

ও প্রভু, দেবেদাগুনো ভিদিরে তঅ ধোক্ক্যেন্ কনজন নেই; তঅ কামানির সমারে অন্য কনঅ কামর তুলনা ন-অয়।

গীতসংহিতা 89:6

স্বর্গ ইদু এন্ কন্না আঘে যিবেরে লগেপ্রভুর লগে সং গুরি পারে? স্বর্গদূত্‌তুনো ভিদিরে কন্না লগেপ্রভুর সং সং?

গীতসংহিতা 89:8

ও লগেপ্রভু, বেগত্তুন খেমতাবলা গোজেন, কন্না আগে তঅ ধোক্ক্যেন খেমতাবলা, ও লগেপ্রভু? তর্ বিশ্বেজ্‌ছানে তরে ঘিরি আঘে।

গীতসংহিতা 97:9

ও লগেপ্রভু, তুই বেক দুনিয়েগানর দাঙর্ গোজেন; বেক দেবেদাগুনোত্তুন্ ভালোদ্দুর্ উগুরে তর্ জাগায়ান।

যাত্রা 15:11

“ও লগেপ্রভু, দেবেদাগুনো ভিদিরে কন্না আঘে তঅ‌ ধোক্ক্যেন্? কন্না আঘে তঅ ধোক্ক্যেন এমন্‌ পবিত্রতালোয় দাঙর্ আর মহিমালোই দর্‌‌‌‌গরেপারা? এধোক্ক্যেন আমক্‌ কাম গুরিরার্‌ বল্‌ কার্‌ আঘে?

যাত্রা 18:11

সেনত্তে মুই ইক্কিনে বুঝি পারঙত্তে, বেক্‌ দেবেদাগুনোত্তুন্‌ লগেপ্রভুই‌ দাঙর্‌, কিত্তে দেবেদাগুনে যেদক্কানি পৌইদ্যেনে ইস্রায়েলীয়গুনো বিরুদ্ধে বার্‌বো গুরিদাক্‌ সেদক্কানি পৌইদ্যেনে লগেপ্রভুই দাঙর্‌।”

যাত্রা 8:10

জোবত্‌ ফরৌণে কলঅ, “সালে সিয়েন কেল্যে ওক্‌।” মোশি কলঅ, “সিয়েনই অবঅ। সেক্কে তুই বুঝি পারিবে, আমা গোজেন লগেপ্রভু ধোক্ক্যেন কনজন্‌ নেই।

যাত্রা 9:14

ইয়েন পরেদি তমা উগুরে আর তমা কামগুরিয়েগুন্‌ আর মানুচ্চুনো উগুরে মুই মর্‌ নানান বাবোত্যে আঘাত পাধেই দিম। সেক্কে তুই বুঝি পারিবেদে, গোদা পিত্‌থিমীয়ানত্‌ মঅ ধোক্ক্যেন কনঅ জন নেই।

যিশাইয় 40:18

মাত্তর্ কা সমারে তুমি গোজেনর্ তুলনা গুরিবে? তুলনা গুরিবে কিয়োর্ লগে?

যিশাইয় 40:25

সেই সুদ্ধো-সাংগ মানুচ্চো কোইয়্যেদে, “তুমি কা লগে মরে তুলনা গুরিবে? কন্না মর্ সং সং?”

যিশাইয় 43:10

লগেপ্রভু ইস্রায়েলীয়গুনোরে কোইয়্যেদে, “তুমিই মর্ সাক্ষি আর মর্ বেঈ লোইয়্যে চাগর্, যেন তুমি হবর্ পঅ আর মঅ উগুরে বিশ্বেজ্ গুরি পার আর বুঝি পার যে, মুয়ই তে। মঅ আগেদি কনঅ গোজেন বানা ন-অয় আর মঅ পরেদিয়ো অন্য কনঅ গোজেন ন-থেবঅ।

যিশাইয় 44:6

লগেপ্রভু, যিবে ইস্রায়েলর রাজা আর উদ্ধোরগুরিয়্যে, যিবে বেগত্তুন্ খেমতাবলা লগেপ্রভু, তে এ কধাগান কোইয়্যেদে, “মুয়ই পত্তম আর মুয়ই শেজ্; মুই বাদে আর কনঅ গোজেন নেই।

যিশাইয় 45:22

“ও পিত্‌থিমীর বেক্ শেজ্ দুযিগানি, মইন্দি ফিরো আর উদ্ধোর পহ্, কিত্তে মুয়ই গোজেন, আর কনঅ গোজেন নয়।‌

যিশাইয় 45:5

মুয়ই লগেপ্রভু, অন্য আর কনজন নেই; মুই বাদে অন্য গোজেন নেই। তুই মরে ন-চিনিলেয়ো মুই তরে বল্ দুয়োং,

যিশাইয় 63:12

যিবে মোশিরে সাহায্য গুরিবাত্তে তার বাঈনী গুরিবার খেমতাবলা মানুচ্চোরে দিয়্যে, যিবে নিজোর সুনাঙান্ উমরর্ গুরিবাত্তে তারা মুজুঙোত্ পানিগানরে দ্বিভাগ গোজ্যে,

ইফিষীয় 3:20

আমা মনত্ গোজেনর্ যে খেমতাগান কাম্ গরের্ সেই খেমতা অনুসারে তে আমার চানা আর চিন্তেত্তুন্‌অ বোউত্ বেশ্ গুরি পারে।

দ্বি’লম্বর বিররণ 3:24

ও প্রভু লগেপ্রভু, তুই যে কত্তমান্‌ দাঙর্‌ আর বোলী সিয়েন্‌ তর্‌ চাগর্‌বোরে দেগেবাত্তে আরাম্ভ গোজ্যস্‌। স্বর্গত্‌ বা পিত্‌থিমীত কনঅ দেবেদা আগন্‌ নাহি, তুই যেদক্কানি কাম্‌ গোজ্যস্‌ সিয়েনি গুরি পারন্‌ আর তুই যে বল্‌ দেগেয়োচ্‌ সিয়েনি দেগেই পারন?

দ্বি’লম্বর বিররণ 33:26

তে কোইয়্যেদে, “যিশুরূণর গোজেন ধোক্ক্যেন আর কনজন নেই। তর্‌ সাহায্যকারী অবাত্তে মেঘঅ উগুরে চড়িনে নিজোর মহিমায় তে আগাজ-পদেন্দি যায়।

দ্বি’লম্বর বিররণ 4:35

তুমি যেনে হবর্‌ পঅ, লগেপ্রভুই গোজেন আর তে বাদে আর কনঅ গোজেন নেই, সেনত্যে এ বেক্কানি তমারে দেগা ওইয়্যে।

দ্বি’লম্বর বিররণ 4:39

“এচ্চ্যে তুমি এ কধাগান্‌ জানি রাগেয়ো আর মনত্‌ রাগেয়ো, লগেপ্রভুই উগুরে স্বর্গর আর তলেন্দি পিত্‌থিমীর গোজেন, আর তে বাদে অন্য কনঅ গোজেন নেই।

১ শমূয়েল 2:2

লগেপ্রভু ধোক্ক্যেন পবিত্র আর কনজন নেই, কিত্যে তুই বাদে আর কনঅ গোজেন নেই; আমা গোজেন ধোক্ক্যেন ঝিরেবার-মুড়ো আর নেই।