১ বংশধর 17:2 - Chakma Bible

² জোবত্‌ নাথনে দায়ূদোরে কলঅ, “তঅ মনানে যিয়েন্‌ চায় তুই সিয়েন গর্‌; গোজেনে তঅ সমারে আঘে।”

১ বংশধর 17:2 ပူးပေါင်းရင်းမြစ်များ

২ শমূয়েল 7:3

জোবত্‌ নাথনে রাজারে কলঅ, “তঅ মনত্‌ যিয়েনি আঘে তুই সিয়েনি গর্‌। লগেপ্রভু তা সমারে আঘে।”

১ রাজাবলী 8:17

ইস্রায়েলীয়গুনোর্ গোজেন লগেপ্রভুত্তে এক্কান ঘর বানেবার আওজ্ মঅ বাপ্পো দায়ূদোর মনত্‌ এলঅ।

১ বংশধর 17:1

রাজঘরত্‌ বজত্তি গুরিবার অক্তত্‌ একদিন্যে দায়ূদ ভাববাদী নাথনরে কলঅ, “মুই ইক্কিনে এরস গাজ ঘরত্‌ বজত্তি গরঙর্‌ মাত্তর্‌ লগেপ্রভুর সুদোম-সুন্দুক্কো রোইয়্যেদে এক্কান তাম্বুলো ভিদিরে।”

১ বংশধর 17:3

সে রেদোত্‌ গোজেন কধানি নাথন ইদু লুমিলো; তে কলদে,

১ বংশধর 22:7

দায়ুদ শলোমনরে কলঅ, বাবা, মর্‌ গোজেন লগেপ্রভুত্তে এক্কান্‌ ঘর্‌ বানেবার আওজ্ মঅ মনত্‌ এলঅ।

১ বংশধর 28:2

পরেন্দি রাজা দায়ূদে থিয়্যেইনে তারারে কলঅ, মর্‌ ভেইয়ূন আর মর্‌ মানুচ্চুন্‌, মঅ কধাগান্‌ গমেডালে শুনো। লগেপ্রভুর সুদোম-সুন্দুক্কোত্তে, অত্তাৎ আমা গোজেন টেঙ্‌ থবার্‌ জাগানত্তে এক্কান্‌ থিদেবর্ গোজ্যে ঘর্‌ বানেবার্‌ আওজ্ মঅ মনত্‌ এলঅ, আর মুই সিয়েন্‌ বানেবার্‌ যুক্কোলঅ গোজ্যং।

গীতসংহিতা 20:4

তর্ মনর্ আওজ্‌‌ছানি তে পূরোণ গোরোক্, তর্ বেক্ সল্লাগানি তে ফোলেই দুয়োক্।

সখরিয় 8:23

সেই সময়োত্ নানান্ ভাষা আর জাদর্ দশজন মান্‌জ্যে এক্কো যিহূদীর কাবড় কাজাত্ ধুরিনে কবাক্, ‘আঢ, আমি তমা লগে যেই, কিত্যে আমি শুন্যেইদে যে, গোজেনে তমা লগে আঘে।’ মুই বেগত্তুন্ খেমতাবলা লগেপ্রভু এ কধাগান কঙর্।”

লূকে লেখ্যে গম্ হবর্ 1:28

স্বর্গদূত্তো মরিয়ম ইধু এইনে তারে ভালেদি জানেইনে কলঅ, “প্রভু তঅ সমারে আঘে আর তরে বোউত্ বর্ দিয়্যে।”

১ করিন্হীয় 13:9

কিয়া আমি বেক্কানি পৌইদ্যেনে পুরোপুরিগুরি ন-জানিই, ভাববাদী ইজেবেয়ো পুরোপুরিগুরি কধা কোই ন-পারিই।

যিহোশূয় 9:14

ইস্রায়েলীয়গুনে তারার হানানি নেযেইনে চেলাক্‌ ঠিগ্ মাত্তর্‌ লগেপ্রভুর মতামত্তান্‌ পুজোর্‌ ন-গুরিলাক্‌।

১ শমূয়েল 10:7

এদক্কানি চিহ্নো ঘদানার পরেন্দি তর্‌ সেক্কে যিয়েনি গরানা উজিত্‌ তুই সিয়েনিই গুরিচ; গোজেনে তঅ লগে থেবঅ।

১ শমূয়েল 16:7

মাত্তর্‌ লগেপ্রভু শমূয়েলরে কলঅ, “তার চেঙারাগান কেধোক্ক্যেন বা তে কু্‌দ্দুর লাম্বা সিয়েন তুমি চেবাত্তে ন-যেয়ো, কিত্যে মুই তারে এলাফেলা গোজ্যং। মান্‌জ্যে যিয়েন দেগিদাক সাৎ সিয়েন্দোই কিচ্ছু ন-অবঅ, কিত্যে মান্‌জ্যে দেগন্দে বারেন্দি চেঙারাগান্‌ মাত্তর্‌ লগেপ্রভু চাইদে মনান্‌।”