১ বংশধর 17:16 - Chakma Bible

¹⁶ এ কধানি শুনিনে রাজা দায়ূদে তাম্বুলান ভিদিরে গেলঅ আর লগেপ্রভু মুজুঙোত্‌ বোইনে কলঅ, ও গোজেন্‌ লগেপ্রভু, মুই বা কন্না, আর মঅ বংশবো বা কন্না, তুই মরে ইদ্দুর্‌ সং আন্যচ্?

১ বংশধর 17:16 ပူးပေါင်းရင်းမြစ်များ

পত্থম 32:10

তর্‌ এ চাগর্‌বোরে তুই যে দোয়্যে আর বিশ্বেজ্ দেগেয়োচ্‌ মুই তার যগাজ্যে নয়। বানা এক্কো লুদিক্‌ আদত্‌ নিইনে মুই এ যর্দন গাঙান্‌ পার্‌ ওইয়োং, মাত্তর্‌ ইক্কুনি মঅ সমারে আঘন্ দ্বিবে দাঙর্‌ দল।

২ শমূয়েল 7:18

এদক্কানি কধা শুনিনে রাজা দায়ূদে তাম্বুলো ভিদিরে গেলঅ আহ্ লগেপ্রভুর মুজুঙোত্‌ বোইনে কলঅ, ও প্রভু লগেপ্রভু, মুয়ই বা কন্না আহ্ মঅ বংশবোই বা কি, তুই মরে এত্তমান সং অান্যচ্‌।

২ রাজাবলী 19:14

হিষ্কিয় দূত্‌তুনো আঢত্তুন্‌ চিদিগান নেযেইনে পড়ি চেলঅ। সে পরেন্দি তে লগেপ্রভুর ঘরত্‌ যেইনে লগেপ্রভুর মুজুঙোত্‌ চিদিগান্‌ মিলিলো।

১ বংশধর 17:15

এ দেগা অনার বেক্‌ কধানি নাথন দায়ূদোরে কলঅ।

১ বংশধর 17:17

ও গোজেন, ইয়েন তঅ চোগেন্দি যদবদে ন-অয়; ইয়েন লগে তঅ চাগরুনো বংশর আগাম কধায়ো তুই কোইয়োচ্‌। ও গোজেন লগেপ্রভু, মুই যেনে এক্কো দাঙর্‌ মানুচ্‌ সে চোগেন্দি তুই মরে দেখ্যচ্‌।

১ বংশধর 29:14

“মাত্তর্‌ ও প্রভু, মুই কন্না বা মর্‌ মানুচ্চুনে বা কন্না, আমি ইঙিরিনে হুজি ওইনে দান গুরি পারিই? বেক্কানি দঅ তত্তুন্‌ এজে। তঅ আদত্তুন্‌ যিয়েনি পেইয়োং মুই বানা তরে সিয়েনি দুয়োঙ্‌।

২ বংশধর 1:8

জোবত্‌ শলোমনে গোজেনরে কলঅ, “তুই মঅ‌ বাপ্পো দায়ূদো উগুরে দোয়্যে-মেয়্যে দেগেয়োচ্‌ আর তা জাগানত্‌ মরে রাজা বানেয়োচ্‌।

গীতসংহিতা 144:3

ও লগেপ্রভু, মানুচ্ এদক্ কি ওয়োন্দে, তারা ইন্দি তুই খিয়েল্ গরচ্? মান্‌জ্য পুয়োগুন বা কন্না যে, তারা ইন্দি তুই মনান্ দুয়োচ্?

প্রেরিত্‌ 26:22

মাত্তর্ গোজেনে এচ্চ্যে সং মরে এজাল্ দি এজের্ আর সেনত্তে মুই ইয়েনত্ থিয়্যেইনে চিগোন্-দাঙর্ বেক্কুনো ইধু সাক্ষ্য দোঙর্। ভাববাদীগুনে আর মোশি যিয়েনি ঘুদিবার কধা কোই যেইয়োন্ সিয়েনির বারেদি মুই কিচ্চু ন-কঙর্।

২ করিন্হীয় 1:10

এক দর্‌‌গরেপারা মরণর্ আঢত্তুন্ তে আমারে রোক্ষ্যে গোজ্জ্যে আর এজঅ গরের্। আমি তা উগুরে এ আজাগান রাগেই যে, তে নিত্য আমারে রোক্ষ্যে গরানাত্ থেবঅ।

ইফিষীয় 3:8

গোজেনর্ বেক্‌ মানুচ্চুনো ভিদিরে মত্তুন্ তলে আর কেঅ নেই, তো খ্রীষ্টর্ যে সম্পদর কধা পুরোপুরি গুরি বুঝি পারা ন-যায়, অযিহূদীগুনো ইধু সেই সম্পদর গম্ হবরান জানেবার কামান্ গোজেনে দোয়্যে গুরিনে মরে দিয়্যে।

বিচের গুরিয়্যেগুন 6:15

গিদিয়োনে কলঅ, “মাত্তর্‌ ও মর্‌ প্রভু, মুই কেধোক্কেন্‌ গুরিনে ইস্রায়েলীয়গুনোরে উদ্ধোর গুরিম্‌। মনঃশি-গুট্টি ভিদিরে আমা বংশবো বেগত্তুন তলে, আর আমা গিরি ভিদিরে মর্‌ কনঅ দাম্‌ নেই।”

১ শমূয়েল 7:12

শমূয়েলে সেক্কে এক্কো পাত্তর্‌ নেযেইনে মিস্পা আর শেন নাঙে এক্কান জাগার মধ্যে উজু গুরি রাগেল আর কলদে, “এচ্চ্যে সং লগেপ্রভু আমারে এজাল দিয়্যে।”ইয়েন কোইনে তে সিয়েনর নাঙ্‌ দিলো এবন্-এষর (যিয়েনর্ ভেদ্‌তান্ “এজালর পাত্তর্‌”)।

১ শমূয়েল 9:21

জোবত্‌ শৌলে কলদে, “তুই কিত্তে মরে এই কধানি হর্‌? ইস্রায়েলীয়গুনোর বেক্‌ গুট্টিগুনো ভিদিরে বিন্যামীনেই অলদে বেগত্তুন্‌ চিগোন, আর আমি সেই গুট্টির মানুচ্‌। আরঅ বিন্যামীন-গুট্টিত্‌ যিদুক্কুন বংশ আগন্‌ তা ভিদিরে আমা বংশবো এক্কুবারে ধুরিবার বারেন্দি।”