১ বংশধর 17:12 - Chakma Bible

¹² তর্‌ সে পুয়োবো মত্তেই এক্কান্‌ ঘর্‌ বানেব, আর তা সিংহাসনান্‌ মুই উমরত্তে থিদেবর্ গুরি দিম্‌।

১ বংশধর 17:12 ပူးပေါင်းရင်းမြစ်များ

১ রাজাবলী 5:5

সেনত্তে মুই মঅ গোজেন লগেপ্রভুর নাঙে এক্কান তবনা-ঘর বানেবাত্তে চাং। লগেপ্রভু মঅ বাপ্পো দায়ূদোরে কোইয়্যেদে, তর্‌ যে পূঅবো মুই সিংহাসনত্‌ তঅ জাগানত্‌ বোজেম্‌ তেয়ই মর্‌ নাঙে তবনা-ঘর বানেব।

১ রাজাবলী 8:19

মাত্তর্‌ ঘরান্‌ তুই ন-বানেবে, বানেবদে তঅ পুঅবো, যে তর্‌ নিজোর পূঅ। তেয়ই মত্তে সে ঘরান বানেব।

১ বংশধর 17:11

তঅ আয়ূগান্‌ শেজ্‌ অনার্‌ পরেন্দি যেক্কে তুই তর্‌ পূরোণি বুড়োবুড়িগুনো ইদু যেবেগোই সেক্কে মুই তঅ জাগানত্‌ তঅ বংশর একজনরে, তঅ নিজো পুয়োবোরে বোজেম্‌ আর তা রেজ্যগান্‌ ঠিগ্‌ রাগেম্‌।

১ বংশধর 17:13

মুই ওম্‌ তা বাপ্‌ আর তে অবঅ মর্‌ পুয়ো। মর্‌ কোচ্‌পানাগান মুই কনদিনঅ তা উগুরেত্তুন্‌ তুলি ন-নেযেম্‌, যেধোক্ক্যেন গুরি মুই তুলি নেযেয়োং তঅ আগেন্দি যে এলঅ তা উগুরেত্তুন্‌।

ইষ্রা 5:11

জোবত্ তারা আমারে কলাক্, “আমি স্বর্গ আর পিত্‌থিমীর্ গোজেনর্ দাস। আমি সেই উবোসনা-ঘরান আরঅ বানের্ যিয়েন ইস্রায়েলর এক্কো দাঙর্ রাজা ভালোক্ দিন আগেদি বানেইনে থুম্ গোজ্যে।

গীতসংহিতা 72:17

তার সুনাঙান জিংকানিবর থিদেবর্ ওক্; বেলানে যেদকদিন পহর্ দিবো সেদকদিন তার সুনাঙান্ অদে অদে থোক্। তা মাধ্যমে যেন বেক জাদ্‌তুনে আশিদ্‌বাদ পান; তারা তারে ভালেদি জানাদোক্।

গীতসংহিতা 89:29

মুই তা বংশবোরে উমর সং থিদেবর্ গুরিম; যেদকদিন্ আগাজ্‌ছান থেবঅ তা সিংহাসনান্‌অ সেদকদিন থেবঅ।

গীতসংহিতা 89:4

‘তর্ বংশবোরে মুই উমরত্যে থিদেবর্ গুরিম; বংশর পর বংশ ধুরি তর্ সিংহাসনান ঠিগ্ রাগেম।’ ”

গীতসংহিতা 89:5

ও লগেপ্রভু, স্বর্গর বেক্কানি তর্ দোল্ দাঙর কামানি নাঙ্ গিনিনে, পবিত্র দূত্‌তুনে তর্ বিশ্বেজর বাঈনী গরন্।

যিশাইয় 9:7

তার শাজন্ খেমতা বাড়ানা আর শান্তির্ থুম্ ন-অবঅ। তে দায়ূদোর সিংহাসন আর তা রেজ্যগান উগুরে রাজাগিরি গুরিবো; তে সেই সময়ত্তুন্ ধুরি উমরত্তে ন্যায়বিচের্ আর সততালোই সিয়েন থিদেবর্ গুরিবো আর সিয়েন থির্ গুরিবো। বেগত্তুন্ খেমতাবলা লগেপ্রভু গভীন্ আওজে ইয়েনি গুরিবো।

দানিয়েল 2:44

“সেই বেক রাজাগুনোর অক্তত্ স্বর্গর্ গোজেনে এমন এক্কান রেজ্য থিদেবর্ গুরিবো যিয়েন কনদিন্‌অ ভস্ত ন-অবঅ বা অন্য মান্‌জ্য আঢত্ ন-যেবঅ। সেই রেজ্যগানিয়ে উই বেক্ রেজ্যগানিরে ভস্ত গুরি শেজ্ গুরি দিবো মাত্তর্ সেই রেজ্যগান নিজে উমরত্যে থেবঅ।

১ করিন্হীয় 15:25

গোজেনে যেদক্ বিলোন সং খ্রীষ্টর্ বেক্‌ শত্রুগুনোরে তার্ টেঙ তলাত্ ন থবঅ সেদক্ বিলোন সং খ্রীষ্টর্ রাজাগিরি গরা পরিবো।

কলসীয় 2:9

গোজেনর্ বেক্‌ পরিপূরোনান্ খ্রীষ্ট ভিদিরে কিয়্যেলোই বজত্তি গরের্, আর খ্রীষ্ট লগে মিজেইনে তুমিয়ো সেই পরিপূরোণান্ পেইয়ো।

ফগদাং পেইয়্যে 11:15

যেরেদি সাত-লম্বর স্বর্গদূত্‌তো তা তূরীবো বাজেল। সেক্কে স্বর্গত্ দাঙর্ দাঙর্ গুরিনে কুয়ো অলঅ, “জগদর্ রেজ্যগান ইক্কিনে আমার প্রভু আর তার্ মশীহর ওইয়্যে।