১ বংশধর 16:6 - Chakma Bible

⁶ ধর্মগুরু বনায় আর যহসীয়েল গোজেন সে সুদোমর-সুন্দুক্কো মুজুঙোত্‌ অক্ত মজিম্‌ তূরী বাজেদাক্‌।

১ বংশধর 16:6 ပူးပေါင်းရင်းမြစ်များ

১ বংশধর 15:18

তারা সমারে নেযা অলঅ তারা বংশর দ্বিলম্বরর ধর্মগুরুগুনোরে। তারা অলাক্‌ সখরিয়, বেন, যাসীয়েল, শমীরামোৎ, যিহীয়েল, উন্নি, ইলীয়াব, বনায়, মাসেয়, মত্তিথিয়, ইলীফলেহূ, মিক্‌নেয় আর ওবেদ-ইদোম আর যিয়ীয়েল নাঙে দোরোর্‌ দ্বিজন চুগিদার্‌।

১ বংশধর 16:5

এ মানুচ্চুনো নেতা অলদে আসফ, দ্বিলম্বরত্‌ অলদে সখরিয়, সে পরেন্দি অলদে যিয়ীয়েল, শমীরামোৎ, যিহীয়েল, মত্তিথিয়, ইলীয়াব, বনায়, ওবেদ-ইদোম আর যিয়ীয়েল। ইগুনে বাজেদাক্‌ বাশি আর হার্‌মোনি আর আসফে বাজেদ ঝুরি;

১ বংশধর 16:7

সেদিন্যে দায়ূদে পত্তমে লগেপ্রভুর নাঙে ভালেদি জানেবার এ গান্নো গেবার্‌ ভারান্‌ আসফ আর তা মানুচ্চুনো উগুরে দিলো:

২ বংশধর 13:12

গোজেনে আমা লগে আঘে; তেয়ই আমার্‌ নেতা। তা ধর্মগুরুগুনে তারার্‌ তূরীগুন্‌ বাজেইনে তমা বিরুদ্ধে যুদ্ধোর্‌ ডাক্‌ দিবাত্তে আমা লগে আগন। ও ইস্রায়েলর মানুচ্চুন্‌, তমা পূরোণি মানুচ্চুনোর্‌ গোজেন লগেপ্রভুর বিরুদ্ধে তুমি যুদ্ধো ন-গোজ্য, কিত্তে সিয়েনত্‌ তুমি ফোলেই ন-পারিবা।”

গণাণা 10:8

“এই বাঁশিবো বাজেবাক্‌ হারোণর্‌ পূঅগুনে, অত্তাৎ ধর্মগুরুগুনে। ইবে অবঅ তমার্‌ আর তমার বংশধরুনোত্তে এক্কো থিদেবর্ গোজ্যে সুদোম।