১ বংশধর 16:43 - Chakma Bible

⁴³ ইয়েন পরেন্দি বেক্‌ মানুচ্চুনে যে যার্‌ ঘরন্দি আঢা মারিলাক্‌ আর দায়ূদে তা পরিবারর্‌ মানুচ্চুনোরে বর্‌ দিবাত্তে ঘরত্‌ ফিরি গেলঅ।

১ বংশধর 16:43 ပူးပေါင်းရင်းမြစ်များ

পত্থম 18:19

মুই লগেপ্রভু এ আশালোই তারে বেঈ নেযেয়োং যেনে তে তার পুয়ো আর ঘরর্‌ অন্য বেক্কুনোরে গম্‌ আহ্ দোল্ কাম্‌ গুরিনে মর্‌ আওজ্ মজিম মানি চুলিবার্‌ উবদেজ্ দে। যুদি তারা অব্রাহাম কধা শুনিনে সেধোক্ক্যেন গুরি চলন্‌, সালে মুই লগেপ্রভু অব্রাহাম পৌইদ্যেনে যিয়েনি কোইয়োং সিয়েনি বেক্কানি গুরিম্‌।”

১ রাজাবলী 8:66

তার্‌ কেল্যে রাজা মানুচ্চুনোরে বিদেয় দিলো। লগেপ্রভু তা চাগর্‌ দায়ূদ আর তা মানুচ্‌ ইস্রায়েলীয়গুনো উগুরে যেদক্কানি ভালেদি গোজ্যে সিয়েনত্তে অমকদ ফুত্তি আর হুজি ওইনে মানুচ্চুনে রাজারে ভালেদি জানেইনে ঘরত্‌ ফিরি গেলাক্।

১ বংশধর 17:1

রাজঘরত্‌ বজত্তি গুরিবার অক্তত্‌ একদিন্যে দায়ূদ ভাববাদী নাথনরে কলঅ, “মুই ইক্কিনে এরস গাজ ঘরত্‌ বজত্তি গরঙর্‌ মাত্তর্‌ লগেপ্রভুর সুদোম-সুন্দুক্কো রোইয়্যেদে এক্কান তাম্বুলো ভিদিরে।”

গীতসংহিতা 101:2

দোল্ জিংকানি কাদেবাত্তে মুই মনান্ দিম; কক্ক্যে তুই মইদু এবে? মঅ নিজো ঘরত্ মুই গম মনে থেম্।

যিহোশূয় 24:15

মাত্তর্‌ লগেপ্রভুর সেবা গুরিবাত্তে যুনি তমার মনত্ ন-পড়ে সালে যিবের্‌ সেবা তুমি গুরিবা সিয়েন ইক্কিনেই ঠিগ্‌ গুরি নেযঅ। তমা পূরেণিমানুচ্চুনে ইউফ্রেটিস গাঙর্‌ উইপারত্‌ থাগদে যিদুক্কুন দেব-দেবেদারে পূজো গুরিদাক্‌ তারারে সেবা গুরিবা, না কি যিগুনোর্‌ দেজত্‌ তুমি বজত্তি গরর্‌ সে ইমোরীয়গুনোর দেব-দেবেদাগুনোরে সেবা গুরিবা? মাত্তর্‌ মুই আর মঅ গিরির্‌ বেক্কুনে লগেপ্রভুরে সেবা গুরিবোং।”