১ বংশধর 16:41 - Chakma Bible

⁴¹ তারা সমারে এলাক্‌ হেমন, যিদূথূন আর বাদবাগি মানুচ্চুনে, যিগুনো নাঙানি গিনিনে বেঈ নেযা ওইয়্যে যেনে তারা লগেপ্রভুর জিংকানিবর্‌ থুম্‌ ন-ওইয়্যে কোচ্‌পানাত্তে তারে ভালেদি জানে পারন্‌।

১ বংশধর 16:41 ပူးပေါင်းရင်းမြစ်များ

১ বংশধর 12:31

মনঃশি-গুট্টির অদ্দেক্‌ বংশ আদার আজার্ মানুচ্‌। এ মানুচ্চুনোরে নাঙ্‌ দিইনে কুয়া ওইয়্যেদে যেনে তারা এইনে দায়ূদোরে রাজা বানান্‌।

১ বংশধর 15:17

সেনত্তে লেবীয়গুনে যোয়েল পুয়ো হেমনরে আর তা বংশর মানুচ্চুনো ভিদিরেত্তুন্‌ বেরিখিয় পুয়ো আসফরে আর তারা গুট্টির-ভেই মরারীয়গুনো ভিদিরেত্তুন্‌ কূশায়া পুয়ো এথনরে ঠিগ্ গুরিলো।

১ বংশধর 16:34

তুমি লগেপ্রভুরে ভালেদি জানঅ, কিত্তে তে ভালেদিগান চায়; তার্‌ জদবদে কোচ্‌পানাগান উমরত্যে থিদেবর্‌।

১ বংশধর 16:37

পত্তিদিনো দরকার্‌ মজিম্‌ নিত্য সেবা-কামত্তে দায়ূদ লগেপ্রভুর সুদোম-সুন্দুক্কো ইদু আসফরে আর তা মানুচ্চুনোরে ফেলেই গেলঅ।

১ বংশধর 6:33

এ সেবা-কামত্‌ যিদুক্কুন্‌ মান্‌জ্যে আর তারা বংশধরুন নেযা ওইয়্যে তারা অলাক্‌: কহাতীয়গুনো ভিদিরে এলদে গানগেইয়্যে হেমনে। হেমন অলদে যোয়েলর পুয়ো, যোয়েল শমূয়েল পুয়ো,

২ বংশধর 20:21

যিহোশাফটে মানুচ্চুনো লগে সল্লা গুরিনে লগেপ্রভুর নাঙে গান্‌ আর তার্‌ মহিমাবলা পবিত্রগানর বাঈনী গুরিবাত্তে মানুচ্চুনোরে নেযেল যেনে তারা সৈন্যদলুনোর আগে আগে এ কধাগান কোই কোই যান্‌, “লগেপ্রভুরে ভালেদি জানঅ, কিত্তে তার্‌ কোচ্‌পানাগান উমরত্তে থিদেবর্ গোজ্যে।”

২ বংশধর 5:13

ধর্মগুরুগুনে যেক্কে বারেন্দি এলাক্‌ সেক্কে তূরী বাজেয়্যেগুনে আর গানগেইয়্যেগুনে একলগে এক সুরে লগেপ্রভুর বাঈনী গুরিলাক্‌ আর তারে ভালেদি জানেলাক্‌। তূরী, জোরি আর অন্য বাজানার লগে তারা দাঙর্‌ দাঙর্‌ গুরিনে লগেপ্রভুর নাঙে এ গান্নো গেলাক্‌, “তে মংগলময়, তার্‌ কোচ্‌পানা উমরত্তে।” সে সময়োত্‌ লগেপ্রভুর ঘরান্‌ মেঘে ঢাগি গেলঅ।

২ বংশধর 7:3

আগুনান্‌ লামি এত্তে দেগিনে আর তবনা-ঘর উগুরে লগেপ্রভুর মহিমা দেগিনে বেক্‌ ইস্রায়েলীয়গুনে পাত্তর্‌লোই বান্যে উদোনত্‌ আদু পাড়ি পড়িনে লগেপ্রভুরে তারার্‌ মন ভোক্তি জানেলাক্‌ আর ইয়েন্‌ কোইনে তারে নাঙ্ গিনিলাক্‌, “তে মংগলময়; তার্‌ কোচ্‌পানাগান্‌ উমরত্তে।”

ইষ্রা 3:11

লগেপ্রভুরে বাঈনী আর ভালেদির্ গীত্ গাদে গাদে তারা গেলাক্, তে ভালেদিগুরিয়্যে, ইস্রায়েল উগুরে তার্ কোচ্‌‌‌পানাগান্ উমরত্যে থিদেবর্ গোজ্যে। লগেপ্রভুর ঘরর গড়াগান্ থিদেবর্ গরা ওইয়্যে বিলিনে বেক্ মানুচ্চুনে অমকদ রঅ ছাড়িনে লগেপ্রভুরে বাঈনী গুরিলাক্।

গীতসংহিতা 103:17

মাত্তর্ যিগুনে লগেপ্রভুর ভক্ত, যিগুনে তার সুদোমানি মানি চলন্ আর তার সুদোম মজিম চলেদে ইন্দি খিয়েল রাগান্, তারা উগুরে তার অমকদ কোচ্‌পানা আর তার বিশ্বেজছান্ উমরত্যে থেবঅ, বংশর পর বংশ ধুরি থেবঅ।

গীতসংহিতা 106:1

লগেপ্রভুরে নাঙ্ গিনে ওক্। তুমি লগেপ্রভুরে ভালেদি জানঅ, কিত্তে তে ভালেদি গরে; তার কোচ্‌পানাগান উমরত্তে।

গীতসংহিতা 136:1

লগেপ্রভুরে ভালেদি জানঅ, কিত্তে তে গম্; -তার কোচ্‌পানাগান উমরত্তে থিদেবর্ গোজ্যে-

গীতসংহিতা 39:1

মুই কলুং, “মর্ আঢি যানা পৌইদ্যেনে মুই উজিয়ার থেম্, যেনে জিলান্দোই মুই পাপ ন-গরং; যেদক্কন্ পাজিগুনে মঅ মুজুঙোত্ থেবাক্ সেদক্কন্ সং মর্ মুয়োন্ মুই বানি রাগেম।”

গীতসংহিতা 77:1

মুই রঅ ছাড়িনে গোজেন মুজুঙোত্ কানঙর্; মুই গোজেন ইদু রঅ ছাড়ঙর্ যেনে তে সিয়েনি শুনিনে জোব্ দে।

যিহিষ্কেল 40:44

ভিদিরে উদোন সংমোধ্যে গেদো কায়কুরে গীদ্ গেইয়্যেগুনোত্তে তিন্নো এক কিত্তেদি খুলো গুদি এলঅ; দ্বিবে উত্তোর্-গেদো কায়কুরে দোগিণো মু আর এক্কো পূগ-গেদো কায়কুরে উত্তোরেদি মু।

গণাণা 1:17

লগেপ্রভু যিগুনোর্‌ নাঙানি কোইয়্যে মোশি আর হারোণে তারারে ডাগি নিলো আর সেই বজরর্‌ দ্বিমাজর্‌ পত্তম দিনোত্‌ তারা বেক্‌ ইস্রায়েলীয়গুনোরে এক সমারে এগত্তর্‌ গুরিলাক। ইস্রায়েলীয়গুনে বংশ আর পরিবারর্‌ নাঙানি কোইনে তারার্‌ পুরোণি মানুচ্চুনোর্ পরিচয় দিলাক্। কুড়ি আর তাত্তুন্‌ বেশ্‌ বয়জর্‌ মরত্তুনোর্‌ নাঙানি এক্কান্‌ এক্কান্‌ গুরি লিগি নেযা অলঅ।

লূকে লেখ্যে গম্ হবর্ 1:50

যিগুনে তারে ভোক্তি গরন্ তারা উগুরে তে দোয়্যে গরে, গুট্টির্ পর্ গুট্টি ধুরি গরে।