১ বংশধর 16:35 - Chakma Bible

³⁵ তুমি কঅ, “ও আমার্‌ উদ্ধোর্‌ গুরিয়্যে গোজেন্‌, আমারে উদ্ধোর্‌ গর্‌; অন্য জাত্‌তুনো ভিদিরেত্তুন্‌ তুই আমারে এক জাগাত্‌ আন আমারে রোক্ষ্যে গর্‌, যেনে আমি তর্‌ পবিত্রতাগান নাঙে ভালেদি জানেই পারি আর তর্‌ গুণগান গেই পারিই বিলিনে বার্‌ গুরি পারির্‌।

১ বংশধর 16:35 ပူးပေါင်းရင်းမြစ်များ

গীতসংহিতা 105:45

যেনে তারা তার সুদোমানি পালান্ আর তার রীদি-সুুদোমানি মানন্। লগেপ্রভুরে নাঙ্ গিনে ওক্।

গীতসংহিতা 14:7

ইস্রায়েলীয়গুনোর্ উদ্ধোরান সিয়োন ভিদিরেত্তুন্ এজোক্; লগেপ্রভু যেক্কেনে তা মানুচ্চুনোর্ অবস্থাগান ফিরেব সেক্কেনে যাকোবর বংশগুনে ফুত্তি গুরিবাক্- ইস্রায়েলীয়গুনে হুজি অবাক্।

গীতসংহিতা 44:8

গোজেনরে নিইনে আমি আমিঝে বার্‌বো গুরি এস্যেই; জিংকানিবর আমি তর্ বাঈনী গুরিবোং।

গীতসংহিতা 53:6

ইস্রায়েলীয়গুনোর উদ্ধোর সিয়োনর ভিদিরেত্তুন্ এজোক্। গোজেনে যেক্কে তা মানুচ্চুনোর অবস্থা ফিরেব সেক্কেনে যাকোবর বংশগুনে ফুত্তি গুরিবাক্- ইস্রায়েলীয়গুনে হুজি অবাক্।

যিশাইয় 43:21

সেই মানুচ্চুনোরে মুই নিজোত্তে বানেয়োং যেন তারা মরে বাঈনী গুরি পারন্।

যিশাইয় 45:25

মঅ ভিদিরে ইস্রায়েলর বেক বংশগুন নিদ্দুযি বিলি প্রমান অবাক্ আর তারা মরে বাঈনী গুরিবাক্।”

প্রেরিত্‌ 26:17

তর্ নিজো মানুচ্চুনোত্তুন্ আর অযিহূদীগুনো আঢত্তুন্ মুই তরে রোক্ষ্যে গুরিম। তারা চোগ্‌কুন্ মেলি দিবাত্যে আর আন্ধারত্তুন্ পহ্‌রত্ আহ্ শদান খেমতার্ আঢত্তুন্ গোজেন ইধু ফিরেই আনিবাত্যে মুই তরে তারা ইধু দিপাধাঙর্, যেন মঅ উগুরে বিশ্বেজর্ কারনে তারা পাপর্ ক্ষেমা পান্ আর গোজেন নাঙে যিগুনোরে যুদো গুরি থুয়ো ওইয়্যে তারা ইধু জাগা পান্।

১ করিন্হীয় 1:31

ইয়েনত্তে পবিত্র বোইবোর্ কধা মজিম, “যে দেমাগ্ গরে তে প্রভুরে নিইনে দেমাগ্ গোরোক্।”

ইফিষীয় 1:12

আমি যিগুনে আগেদি খ্রীষ্ট উগুরে আজা গোজ্জ্যেই, তেয়ই আমা মাধ্যমে যেন গোজেনর্ মহিমার্ বাঈনী গরা অয় সেনত্যে তে আমারে বেঈ লোইয়্যে।

দ্বি’লম্বর বিররণ 30:3

সেক্কে লগেপ্রভু বোন্দীদজাত্তুন উদ্ধোর্ গুরিনে তমারে ফিরেই আনিবো। তে তমা উগুরে দোয়্যে গুরিবো আর যিদুক্কুন জাদ ভিদিরে তমারে ছিদি দিবো তারা ভিদিরেত্তুন তে আরঅ তমারে তোগেই আনিবো।

১ পিতর 2:9

মাত্তর্ তুমি দঅ “বেঈ লোইয়্যে বংশ ওইয়ো; তমারে দিইনে বানা ওইয়্যেদে ধর্মগুরুগুনোর্ রেজ্যগান; তুমি গোজেনর্ নাঙে ফারগ্ গোজ্জ্যে জাদ্ আর তার্ নিজোর্ মানুচ্ ওইয়ো;” যেন আন্ধারত্তুন্ যিবে তমারে তার্ আমক্ অবার্ পহ্‌রত্ ডাগি আন্ন্যে তুমি তারে গুণগীত্ গঅ।