১ বংশধর 16:30 - Chakma Bible

³⁰ পিত্‌থিমীর বেক্‌ মানুচ্চুন্‌, তুমি তা মুজুঙোত্‌ গির্‌গিরে উদো। পিত্‌থিমীগান গমেডালে থিদেবর্ অলঅ, সিয়েন্‌ কনদিনঅ ন-লুরিবো।

১ বংশধর 16:30 ပူးပေါင်းရင်းမြစ်များ

১ বংশধর 16:23

পিত্‌থিমীর বেক্‌ মানুচ্চুন্‌, তুমি লগেপ্রভুর নাঙে গীত্ গঅ; তার্‌ দিয়্যে উদ্ধোর কধানি দিনকে দিন ফগদাঙ্‌ গরঅ।

১ বংশধর 16:25

লগেপ্রভু দাঙর্‌ আর বেক্কুনো উগুরে নাঙ্‌গিনেদে ধোক্ক্যেন; বেক্‌ দেব-দেবেদাগুনোত্তুন্‌ তে বেশ্‌ দর্‌বুগ্‌ জাগেই দে।

১ বংশধর 16:29

তুমি স্বীগের্‌ গরঅ বেক্‌ বাঈনী পানাগান্ লগেপ্রভুর; উৎসর্বর পযাপিরানি লোইনে তা মুজুঙোত্‌ এজঅ। লগেপ্রভুর মহিমাবলা পবিত্রতাগান কধানি ভাবিনে তারে ভোক্তি গরঅ।

১ বংশধর 16:31

আগাজ্‌ছানে হুজি ওক্‌, পিত্‌থিমীগানে হুজি ওক্‌; নানান্‌ জাদ ইদু তারা ফগদাঙ্‌ গোত্তোক্‌, “লগেপ্রভু রাজাগিরি গরে।”

গীতসংহিতা 33:9

কিত্যে তে কলঅ আর বেক্কানি বানা অলঅ; তে উগুম দিলো আর বেক্কানি থিদেবর্ অলঅ।

গীতসংহিতা 76:8

স্বর্গত্তুন্ তুই তর্ বিচেরর রায় শুনেলে; ও গোজেন, তুই উদিলে বিচের গুরিবাত্যে; আর পিত্‌থিমীর অত্যেচার ওইয়্যে মানুচ্চুনোরে রোক্ক্যে গুরিবাত্যে; সেক্কে পিত্‌থিমীগান দরে অলর্ অলঅ।

গীতসংহিতা 93:1

লগেপ্রভু রাজা; তে জোল্‌জোল্যে রাজ্‌পোজাক উজ্যে, তে বল্লোই কমর্‌বো বান্যে; পিত্‌থিমীগান দরমরগুরি থিদেবর্ ওইয়্যে; সিয়েন কনদিন্‌অ ন-লুড়িবো।

গীতসংহিতা 96:9

লগেপ্রভুর মহিমাবলা পবিত্রগানর কধা ভাবিনে তারে শ্রদ্ধা জানঅ; পিত্‌থিমীর বেক মানুচ্চুন্, তুমি তা মুজুঙোত্ গির্‌রে উদো।

গীতসংহিতা 99:1

লগেপ্রভুই রাজা; বেক জাদ্‌তুনে গির্‌গিরে উদোদোক্। তে স্বর্গদূত্‌তুনো উগুরে সিংহাসনত্ বুজি আঘে; পিত্‌থিমীগান টলমল গোরোক্।

যিশাইয় 49:8

লগেপ্রভু কোইয়্যেদে, “দোয়্যে দেগেবার অক্তত্ মুই তমা তবনাগানির জোব্ দিম আর উদ্ধোর্ পেবার দিনোত্ তরে বল্ দিম। মুই তরে রোক্ষ্যে গুরিম আর তঅ মাধ্যমে মানুচ্চুনোত্তে এক্কান সুদোম্ থিদেবর্ গুরিম, যেনে তুই দেজ অবস্থাগান ফিরেই পারচ্ আর খালি পড়ি থেইয়্যে জাগায়ানি আরঅ মানুচ্চুনোর গজগত্ আনি পারচ্।

যিরমিয় 10:12

লগেপ্রভু নিজোর খেমতালোই পিত্‌‌‍‌‍‍থিমীগান বানেয়্যে, তারা জ্ঞানান্দোই সংসারান থিদেবর্ গোজ্যে আর বুদ্ধিলোই আগাজ্‌চান বিজেই দিয়্যে।‌‍‌‍‍

কলসীয় 1:17

তেয়ই বেক্কানির্ আগে এলঅ আর তার্ মাধ্যমে বেক্কানি আঘে।

ইব্রীয় 1:3

গোজেনর্ বেক্‌ গুণানি সেই পুয়োবো ইধু আঘে; পুয়োবোই গোজেনর্ পুরো ফোটু ধোক্ক্যেন। পুয়োবো তার্ খেমতাবলা কধালোই বেক্কানি ধুরি রাগেইনে পরিচালনা গরে। মান্‌জ্যর পাপ্পানি দূর্ গরানার্ পরে পুয়োবো স্বর্গত্ মহান গোজেনর্ ডেন্ ধাগেদি বজিলো।

ফগদাং পেইয়্যে 11:15

যেরেদি সাত-লম্বর স্বর্গদূত্‌তো তা তূরীবো বাজেল। সেক্কে স্বর্গত্ দাঙর্ দাঙর্ গুরিনে কুয়ো অলঅ, “জগদর্ রেজ্যগান ইক্কিনে আমার প্রভু আর তার্ মশীহর ওইয়্যে।