১ বংশধর 16:29 - Chakma Bible

²⁹ তুমি স্বীগের্‌ গরঅ বেক্‌ বাঈনী পানাগান্ লগেপ্রভুর; উৎসর্বর পযাপিরানি লোইনে তা মুজুঙোত্‌ এজঅ। লগেপ্রভুর মহিমাবলা পবিত্রতাগান কধানি ভাবিনে তারে ভোক্তি গরঅ।

১ বংশধর 16:29 ပူးပေါင်းရင်းမြစ်များ

১ বংশধর 16:28

ও নানান্‌ জাদর্‌ বেক্‌ গুট্টিগুন্‌, ইদোত্‌ তুলো বেক্‌ বাঈনী গরানা আর খেমতা লগেপ্রভুর্‌।

১ বংশধর 16:30

পিত্‌থিমীর বেক্‌ মানুচ্চুন্‌, তুমি তা মুজুঙোত্‌ গির্‌গিরে উদো। পিত্‌থিমীগান গমেডালে থিদেবর্ অলঅ, সিয়েন্‌ কনদিনঅ ন-লুরিবো।

২ বংশধর 20:21

যিহোশাফটে মানুচ্চুনো লগে সল্লা গুরিনে লগেপ্রভুর নাঙে গান্‌ আর তার্‌ মহিমাবলা পবিত্রগানর বাঈনী গুরিবাত্তে মানুচ্চুনোরে নেযেল যেনে তারা সৈন্যদলুনোর আগে আগে এ কধাগান কোই কোই যান্‌, “লগেপ্রভুরে ভালেদি জানঅ, কিত্তে তার্‌ কোচ্‌পানাগান উমরত্তে থিদেবর্ গোজ্যে।”

গীতসংহিতা 100:4

তারে ভালেদি জানাদে জানাদে তা গেট্টোন্দি চোমেয়ো, তার্ বাঈনী গত্তে গত্তে তা উদোনত্ চোমেয়ো; তারে ভালেদি জান, তার বাঈনী গরঅ।

গীতসংহিতা 110:3

যুদ্ধোত্ তঅ মানুচ্চুনে নিজে যুদ্ধো গুরিবাত্তে এবাক্; পবিত্রগুরি সাজিসাজাই বেন্যেপোত্যে যেবাবোত্যে শিরোপানি, সেদোক্ক্যেন্ তইদু তঅ গাবুজ্যেগুনে।

গীতসংহিতা 29:1

ও স্বর্গদূত্‌তুন্, তুমি লগেপ্রভুর বাঈনীগান ফগদাং গরঅ, ফগদাং গরঅ লগেপ্রভুর বাঈনীগান্ আর বল্।

গীতসংহিতা 29:2

তুমি লগেপ্রভুর বাঈনীগান্ ফগদাঙ্ গরঅ; তার্ মহিমাবলা পবিত্র কধানি ভাবিনে তারে শ্রদ্ধা জান।

গীতসংহিতা 50:2

সিয়োনত্তুন, দোল্ ভরপুনং জাগানত্তুন্, গোজেনর পহ্‌রান্ ছিদি পোজ্যে।

গীতসংহিতা 72:10

তর্শীশ আর দ্বিব্‌পুনোর রাজাগুনে তারে খাজানা দেদোক্; শিবা আর সবা দেজর রাজাগুনেয়ো তার পাইদ্যে বক্‌শিজ্‌ছান তারে দেদোক্।

গীতসংহিতা 72:15

তে ভালোক্ দিন বাঁজি থোক্; শিবা দেজর সোনাগানি তাইদু এজোক্। নিত্য তাত্তে তবনা গোরোদোক্; সারা দিন্নো তা উগুরে আশিদ্‌বাদ পোড়োক্।

গীতসংহিতা 95:2

আঢঅ, আমি ভালেদি জানাদে জানাদে তা মুজুঙোত্ যেই, গীদ্ গেইনে তার নাঙে রঙ্গ-ফুত্তি গুরিই।

গীতসংহিতা 96:6

তারেই ঘিরি আগেদে বাঈনী আর মহিমাগানে; তার সুদ্ধো-সাংগ ঘরানত্ আগেদে খেমতা আর দোল।

গীতসংহিতা 96:7

ও নানান্ জাদর বেক গুট্টিগুন, স্বিগের্ গরঅ বাঈনী আর খেমতা লগেপ্রভুর।

গীতসংহিতা 96:9

লগেপ্রভুর মহিমাবলা পবিত্রগানর কধা ভাবিনে তারে শ্রদ্ধা জানঅ; পিত্‌থিমীর বেক মানুচ্চুন্, তুমি তা মুজুঙোত্ গির্‌রে উদো।

যিশাইয় 52:1

ও সিয়োনান্, উঠ্, উঠ্, তঅ খেমতাগান ফগদাং গর্। ও সুদ্ধো-সাংগ শঅর্ যিরূশালেম, তর্ জোগ্‌জোগ্যে কাবড়ানি উর্। সুন্নত ন-গোজ্যে আর অসিজি মান্‌জ্যে তঅ ভিদিরে আর্ সোমেই ন-পারিবাক্।‍‍

যিশাইয় 6:3

তারা একজন আর একজনরে ডাগিনে কদন্, বেগত্তুন্ খেমতাবলা লগেপ্রভু পবিত্র, পবিত্র, পবিত্র; তা মহিমালোই পুরো পিত্‌থিমীগান্ ভর্‌পুনং।

যিহিষ্কেল 24:25

লগেপ্রভু মরে আরঅ কলঅ, “ও মান্‌‌‌‌‌‌‌‌‌‌‌‌জ্যর পুয়োবো, যেদিন্যে মুই তারার্ সেই খেমতার অহংকার, তারার্ হুজি আর বাঈনী গরানা, তারার্ চোগোর্ সুগ, তারার মনর্ চাওয়া আর তারার্ ঝি-পুয়োগুনোরেয়ো নেযেম,

যিহিষ্কেল 7:20

তারার্ দোল্ সোনানিলোই তারা বাড়্‌বো গুরিদাক্ আর সিয়েনিলোই তারার্ জঘন্য মূত্তি আর মূত্তিগুন বানেদাক্। সেনত্তে মুই তারাত্তে সিগুন অসিজি গুরি দিম্।

ফগদাং পেইয়্যে 7:12

“আমেন। নাঙ্ গিনেনা, বাঈনী গরানা, জ্ঞান, ভালেদি জানানা, সর্মান, খেমতা আর বল্ উমরত্যে আমা গোজেনরই ওক্‌। আমেন।”

১ শমূয়েল 6:5

যে টিউমার পিড়েগান তমার কিয়্যেত্‌ দেগা দিয়্যে আর যে উন্দুরুনে তমার দেজচান্‌ ভস্ত গুরি দেদন্‌ তুমি সিগুনোর মূত্তিগুন বানঅ আর ইস্রায়েলীয়গুনোর গোজেনর বাঈনী গরঅ। সালে অয়ত তে তমা উগুরেত্তুন আর তমার দেবেদাগুনোত্তুন আর দেজর উগুরেত্তুন তার দরঅ আত্তান্‌ সোরেই নেযেব।