১ বংশধর 16:24 - Chakma Bible

²⁴ নানান্‌ জাদ ভিদিরে তার্‌ মহিমাগান্ ফগদাঙ্‌ গরঅ; বেক্‌ মানুচ্চুনো ইদু তার্‌ বেক্‌ আমক্‌ অইদে কামর্ কধানি ফগদাঙ্‌ গরঅ।

১ বংশধর 16:24 ပူးပေါင်းရင်းမြစ်များ

২ রাজাবলী 19:19

ইক্কিনে ও আমা গোজেন লগেপ্রভু, আসিরিয়ার রাজা আঢত্তুন্‌ তুই আমারে রোক্ষ্যে গর্‌ যেনে পিতথিমীর্‌ বেক্‌ রেজ্যগানিয়্যে কোই পারে, তুয়ই, ও লগেপ্রভু, বানা তুয়ই গোজেন।”

১ বংশধর 16:23

পিত্‌থিমীর বেক্‌ মানুচ্চুন্‌, তুমি লগেপ্রভুর নাঙে গীত্ গঅ; তার্‌ দিয়্যে উদ্ধোর কধানি দিনকে দিন ফগদাঙ্‌ গরঅ।

১ বংশধর 16:25

লগেপ্রভু দাঙর্‌ আর বেক্কুনো উগুরে নাঙ্‌গিনেদে ধোক্ক্যেন; বেক্‌ দেব-দেবেদাগুনোত্তুন্‌ তে বেশ্‌ দর্‌বুগ্‌ জাগেই দে।

১ বংশধর 16:9

তা নাঙে গান গঅ, তারে নাঙ্‌ গিনেদে গান্‌ গঅ; তার্‌ বেক্‌ আমক্‌ অবার্‌ কামানি কধা কঅ।

গীতসংহিতা 22:27

পিত্‌‌থিমীর শেজ্ দুযির্ মানুচ্চুনেয়ো মন ফিরেইনে লগেপ্রভুর ইদু এবাক্; অন্য জাদর্ বেক্ গুট্টিগুনে তারে শ্রদ্ধা জানেবাক্।

গীতসংহিতা 26:7

যেনে রঅ ছাড়িনে মুই তরে ভালেদি জানেই পারং, আর তর্ বেক্ আমক্ অইদে কামর্ কধানি কোই পারং।

যিশাইয় 66:19

লগেপ্রভু আরঅ কত্তে, “মুই তারা ইদু এক্কান চিহ্নো থিদেবর্ গুরিম আর যিগুনে বাঁজি থেবাক্ তারা ভিদিরেত্তুন্ কয়েকজনরে মুই জাদ্‌তুনো ইদু পাদেম্-তর্শীশ, পূল আর নাঙ্-গোজ্যে ধনুবলা লূদ, তূবল আর গ্রীস ইদু আর যেদক্কানি দূরো দেজ্ মর্ সুনাঙান ন-শুনে আর মর্ মহিমায়ো ন-দেগন্ তারা ইদু পাদেম্। তারা জাদ্‌তুনো ভিদিরে মর্ মহিমার কধাগান ফগদাং গুরিবাক্।‌‌‌‍‌‌‌‍