১ বংশধর 16:19 - Chakma Bible

¹⁹ তারা জনেন্দি যেক্কেনে কম্‌ এলাক্‌, অমকদ কম্‌ এলাক্‌, আর তারা সিদু বিদেশী এলাক্‌,

১ বংশধর 16:19 ပူးပေါင်းရင်းမြစ်များ

পত্থম 34:30

যাকোবে পরেদি শিমিয়োন্‌ আর লেবিরে কলঅ, “তুমি এ দেজ মানুচ্চুনো মুজুঙোত, বিশেজ্ গুরি কনানীয় আর পরিষীয়গুনো মুজুঙোত্‌ জগন্য কাম্‌ গুরিনে দজাদ্‌ ফেলেয়্য। মঅ মানুচ্চুনে জনেদি কম। তারা এগত্তর্‌ ওইনে মরে হাম্‌লা গুরিবাক্, আর সেক্কে পরিবার্‌ সুমুত্তো মুই মুরি যেম্‌।”

১ বংশধর 16:20

তারা যেক্কেনে সিদু নানান্‌ জাদ ভিদিরে আর নানান্‌ রেজ্য ভিদিরে ঘুরি বেড়েদাক্‌,

প্রেরিত্‌ 7:5

নিজোর অধিকারত্যে গোজেনে অব্রাহামরে সিয়েনত্ কিচ্চু ন-দিলো, এক্কান ঠেং রাগাইদ্যে ধোক্ক্যেন ভূইয়ো নয়। মাত্তর্ গোজেনে তাইধু এগেম্ গোজ্যেদে যে, তারে আর সে পরেদি তা গুট্টিগুনোত্ত্যে অধিকার ইজেবে তে সেই দেশ্‌চান দিবো। মাত্তর্ সেক্কে অব্রাহামর কনঅ পুয়ো-ছা ন-এলঅ।

দ্বি’লম্বর বিররণ 7:7

অন্য জাদত্তুন্‌ তমার মান্‌জ্যর সোংখ্যেগুন বেশ্‌ মনে গুরিনে যে লগেপ্রভু তমা সমারে নিজোরে কোচ্‌পানার্‌ সুদোলোই বাঁন্যে বা তমারে বেঈ নেযেয়্যে সিয়েন্‌ নয়, কিত্যে অন্য বেক্‌ জাদত্তুন্‌ তমার মান্‌জ্যর সোংখ্যেগুন কম।

ইব্রীয় 11:13

এই মানুচ্চুনে বিশ্বেজ্ গুরিনে জিংকানি কাদেইনে মুরি যেইয়োন। গোজেনে তারারে যিয়েন দিবার এগেম্ গোজ্জ্যে সিয়েন তারা ন-পান্, মাত্তর্ দূরোত্তুন্ সিয়েন দেক্ক্যন আর হুজিয়ো ওইয়োন। এই পিত্‌থিমীত্ যে তারা বিদেশী আর পরদেজত্ বজত্তি গুরিয়্যে সিয়েন তারা স্বীগের্‌অ গোজ্জ্যন্।