১ বংশধর 16:16 - Chakma Bible

¹⁶ সে সুদোমানি তে অব্রাহামত্তে থিদেবর্ গুরি দিয়্যে আর ইস্‌হাক ইদু শমক্‌ গোজ্যে।

১ বংশধর 16:16 ပူးပေါင်းရင်းမြစ်များ

পত্থম 12:7

পরেদি লগেপ্রভু অব্রামরে দেগা দিইনে কলঅ,“এ দেজ্‌চান্‌ মুই তঅ বংশবোরে দিম্‌।” যিবে তারে দেগা দিয়্যে সে লগেপ্রভুর্ নাঙে অব্রামে সেক্কে সিয়েনত্‌ এক্কো ডালিপূজো বানেল।

পত্থম 15:18

লগেপ্রভু সেদিন্যে অব্রামত্তে ইয়ান্‌ কোইনে এক্কান্‌ সুদোম্‌ রোক্ষ্যে গুরিলো, “মিসর গাঙত্তুন্‌ ধুরি আরাম্ভ গুরিনে বড়্‌ গাঙ্‌ ইউফ্রেটিস সং বেক্‌ দেজ্‌ছান্‌ মুই তঅ বংশবোরে দিলুং।

পত্থম 17:2

তত্তে মুই মঅ সুদোমান উজু গোজ্যং আর তঅ বংশগুন বোউত্‌ বাড়েই দিম্‌।”

পত্থম 26:3

ইক্কিনে এ দেজত্‌ তুই কয়েক দিনোত্তে বজত্তি গুরিবে। মুই নিজে তঅ সমারে থেইনে তরে বর্ দিম। এ দেজ্‌ছানি মুই তরে আর তঅ বংশর্‌ মানুচ্চুনোরে দিম্‌। ইয়েন বাদে মুই তঅ বাব্‌ অব্রাহাম ইধু যে শমত্তান্‌ গোজ্যং সিয়েনঅ অদে অদে রাগেম্‌।

পত্থম 35:11

গোজেন তারে আরঅ কলঅ, “মুয়ই বেগত্তুন্‌ খেমতাবলা গোজেন। তুই ভালোক্কুন্‌ পুয়ো-ছার্ বাপ্‌ ওইনে জনেদি বাড়ি উদ্। তঅ ভিদিরেত্তুন্‌ এক্কো জাদ্ উদিবো, আর উদিবো এক্কো ভালোক্ গুট্টির্‌ জাদ্। তঅ বংশত্‌ ভালোক্কুন্‌ রাজার্‌ জর্ম অবঅ।

২ শমূয়েল 6:12

রাজা দায়ূদে শুনিলোদে গোজেনর্‌ সুন্দুক্কো ওবেদ-ইদোমর ঘরত্‌ থানার কারনে লগেপ্রভু তা ঘরর্‌ বেক্কুনোরে আহ্ তার্‌ বেক্কানিত্‌ বর্ দিয়্যে। সেক্কে দায়ূদে যেইনে ওবেদ-ইদোমর ঘরত্তুন্‌ ফুত্তি গত্তে গত্তে গোজেনর্‌ সুন্দুক্কো দায়ূদ-শঅরত্‌ নেযেল।

১ বংশধর 16:15

যে কধানি তে উগুম্‌ দিয়্যে আজার্ আজার্ বংশত্তে, তার্‌ সে সুদোম কধানি জিংকানিবর্‌ ইদোত্‌ রাগেয়ো।

নহিমিয় 9:8

তুই তার্‌ মনান্‌ বিশ্বেজি দেগিনে কনানীয়, হিত্তীয়, ইমোরীয়, পরিষীয়, যিবূষীয় আর গির্গাশীয়গুনোর্‌ দেজত্‌ তা বংশবোরে দিবাত্তে তাত্তেই এক্কান্‌ বেবস্থা থিদেবর্ গোজ্যস্‌। তুই গম্‌ বিলিনে তর্‌ এগেম্ তুই রোক্ষ্যে গোজ্যস্‌।

যাত্রা 3:15

তুই তারারে আরঅ কবেদে, তারার্‌ পুরোণি মানুচ্ অব্রাহাম, ইস্‌হাক আর যাকোবর্‌ গোজেন লগেপ্রভু তরে তারা ইধু পাদেয়্যে। মর্‌ উমরর্‌ নাঙান্‌ লগেপ্রভু। বংশর্‌ পর্‌ বংশ ধুরিনে মরে এ নাঙে মান্‌জে মনত্‌ রাগেবাক্।

প্রেরিত্‌ 3:25

আর তুমি দঅ সেই ভাববাদীগুনোর বংশধর। তমা পূরোণি মানুচ্চুনোত্তে গোজেনে যে সুদোমান গোজ্যে, তুমি দঅ তার্ ভাগিদার। গোজেনে অব্রাহামরে এ কধাগান কোইনে সেই সুদোমান থিদেবর্ গোজ্যে, ‘তঅ গুট্টির্ মাধ্যমে পিত্‌থিমীর বেক্‌ জাদ্‌‌তুনে বর্ পেবাক্।’

দ্বি’লম্বর বিররণ 7:8

তে সিয়েনি গোজ্যেদে তমা উগুরে তার্‌ অমকদ কোচ্‌পানাত্তে আর তমার পুরোণি মানুচ্চুনো ইদু তে যে শমক্‌ গোজ্যে সিয়েনি রোক্ষে গুরিবাত্তে। সেনত্যে তে খেমতাবলা আঢ্‌তানি বেবহার্‌ গুরিনে তমারে নিগিলেই আন্যে আর মিসরর্‌ রাজা ফরৌণর্‌ আঢত্তুন্‌ আর চাগর খাদানার্‌ দেজত্তুন্‌ তমারে উদ্ধোর্‌ গোজ্যে।