১ বংশধর 16:14 - Chakma Bible

¹⁴ তেয়ই আমা গোজেন লগেপ্রভু; পুরো দুনিয়েগান্‌ তা শাজনে চলের্‌।

১ বংশধর 16:14 ပူးပေါင်းရင်းမြစ်များ

পত্থম 17:7

এ সুদোমান বানা তর্‌ আর মঅ ভিদিরে চুলিবো সিয়েন নয়; সিয়েন্‌ চুলিবো তর্‌ পুয়ো-ছাগুনোর আর মঅ ভিদিরে বংশর পর্‌ বংশ ধুরি। ইবে অবঅ এক্কো উমরর্‌ সুদোম। এ সুদোমত্‌ মুই তর্‌ আর তঅ পরেদি তঅ বংশর্‌ মানুচ্চুনোরঅ গোজেন ওলুং।

১ বংশধর 16:12

ও তার্ চাগর্‌ ইস্রায়েল বংশধরুন্‌, তার্‌ বেঈ লোইয়্যে যাকোব পুয়োগুন্‌, তুমি তার্‌ দাঙর্‌ দাঙর্‌ কাম কধানি মনত্‌ রাগেয়ো; তার্‌ আমক্‌ অবার্‌ কাম কধানি আর বিচেরত্‌ সাজার্ কধানি তে কোইয়্যে সিয়েনি ইদোত্‌ রাগেয়ো।

১ বংশধর 16:15

যে কধানি তে উগুম্‌ দিয়্যে আজার্ আজার্ বংশত্তে, তার্‌ সে সুদোম কধানি জিংকানিবর্‌ ইদোত্‌ রাগেয়ো।

গীতসংহিতা 100:3

তুমি হরব পঅ লগেপ্রভুই গোজেন। তেয়ই আমারে বানেয়্যে, আমি তার্; আমি তার্ মানুচ্, তার চোরেয়্যে ভেড়া।

গীতসংহিতা 118:28

তুয়ই মর্ গোজেন, মুই তরে ভালেদি জানেম্; তুয়ই মর্ গোজেন, মুই তরে বাঈনী গুরিম।

গীতসংহিতা 63:1

ও গোজেন, তুই মর্ গোজেন, মুই আওজ্ গুরিনে তরে ডাগঙর্; এ শুগুনো পানিনেইয়্যে দেজত্, যিবের খেত-খেত্তি দিবার বলঅ ফুরেই যেইয়্যে, সিয়েনত তত্তেই মর্ পরাণান আওজ্ গরের্, তত্তেই মর্ কিয়্যেগান থিদেবর্ নেইয়্যে ওইয়্যে।

গীতসংহিতা 95:7

তেয়ই আমা গোজেন, আমি তা মানুচ্; তার চোড়েয়্যে মাদঅ ভেড়া ধোক্ক্যেন তে আমারে দেগাশুনো গরে। আহ্, এচ্চ্যে যুনি তুমি তা কধানি শুনো!

যাত্রা 15:2

লগেপ্রভুই মর্‌ বল্‌, তেয়ই মর্‌ গীদ্; মর্‌ উদ্ধোরান্ তা ভিদিরে আঘে। লগেপ্রভুই‌ মর্‌ গোজেন; মুই‌ তাঁরই‌ বাঈনী গরেদে-গীদ্ গেইম্। তে মর্‌ বাবার্‌ গোজেন; মুই তাঁর মহিমার্ গীদ্ গেইম্‌।

যিশাইয় 26:9

রেদোত্ মঅ পরাণানে তত্তেই কানের্; মঅ আত্মাগানে তত্তেই ওলোমোত্য অয়। পিত্‌‌থিমীত তর্ ন্যায়বিচেরান্ এলে পরেদি সংসার মানুচ্চুনে গম্ শিক্ষ্যে পেবাক্।