১ বংশধর 15:28 - Chakma Bible

²⁸ এধোক্ক্যেন গুরিনে বেক্‌ ইস্রায়েলীয়গুনে রঅ সারদে সারদে আর শিংগা, তূরী, করতাল, বীণা আর সুরবাহার বাজাদে বাজাদে লগেপ্রভুর বেবস্থা-সুন্দুক্কো যিরূশালেমত্‌ আনিলাক্।

১ বংশধর 15:28 ပူးပေါင်းရင်းမြစ်များ

২ শমূয়েল 6:15

এধোক্ক্যেনগুরি দায়ূদ আহ্‌ ইস্রায়েলীয়গুনে বেক্কুনে হুজিয়ে রঅ ছারদে ছারদে আর তূরী বাজাদে বাজাদে লগেপ্রভুর সুন্দুক্কো অানিলাক্।

২ শমূয়েল 6:5

দায়ূদ আর ইস্রায়েল জাদর্‌ বেক্‌ মানুচ্চুনে লগেপ্রভুর মুজুঙোত্‌ দেবদারু তক্তার বানেয়্যে বেক্‌ যন্ত্রগানি আর সুরবাহার, বীণা, খঞ্জনী, ঝুম্‌ঝুমি আর করতাল বাজেইনে ফুত্তি গত্তন্‌।

১ বংশধর 13:8

দায়ূদ আর বেক্‌ ইস্রায়েলীয়গুনে লগেপ্রভুর মুজুঙোত্‌ তারার্‌ বেক্‌ বলান্‌ দিইনে নাজি নাজি গান গেইয়োন্‌ আর সুরবাহার, বীণা, খঞ্জনী, করতাল আর তূরী বাজেয়োন।

১ বংশধর 15:16

দায়ূদে লেবীয়গুনোর নেতাগুনোরে কলঅ, তারা যেনে বাদ্যযন্ত্র, অত্তাৎ বীণা, সুরবাহার আর করতাল বাজেইনে হুজির্‌ গান গেবাত্তে তারা গানগেইয়্যে ভেইয়ুনোরে ঠিগ্ গরন।

১ বংশধর 15:27

সুন্দুক্‌ বোইয়্যে লেবীয়গুনে, গানগেইয়্যেগুনে আর গান দলর্‌ পরিচালক কননিয় মসীনার পাদল্‌ কাবড় পোজাগকান উজ্যে। দায়ূদেয়ো মসীনার পাদল্‌ কাবড় পোজাগকান আর মসীনার লাম্বা সুলুম্মো উজ্যে।

১ বংশধর 15:29

লগেপ্রভুর বেবস্থা-সুন্দুক্কো দায়ূদ-শঅরত্‌ সোমেবার্‌ সময়োত্‌ শৌল ঝি মীখলে জান্দালান্দি সিবে দেগিলো। রাজা দায়ূদোরে নাজদে আর ফুত্তি গত্তে দেগিনে তে মনে মনে দায়ূদোরে ঈচ্ গুরিলো।

১ বংশধর 25:1

তবনা-ঘরর্‌ সেবা-কামানি গুরিবাত্তে দায়ূদ আর সৈন্যদল সেনাপতিগুনে আসফ, হেমন আর যিদূথূন পুয়োগুনোরে ফারক্‌ গুরি নেযেলাক্‌ যেনে তারা হারমনি, বাশি আর ঝোন্‌ঝোনি লগে গানর্‌ মাধ্যমে গোজেন কধানি ফগদাং গুরি পারন্‌। যিগুনে এ কামান্‌ গুরিদাক্‌ তারা নাঙানি ইয়েনি:

নহিমিয় 12:27

যিরূশালেমর দেবালান্‌ গোজেনর নাঙে উৎসর্বর পরবোর্‌ সময়োত্‌ লেবীয়গুনে যিয়েনত্‌ বজত্তি গুরিদাক্‌ সিয়েনত্তুন্‌ তারারে যিরূশালেমত্‌ যিরূশালেমত্‌ আনা অলঅ যেনে তারা ঝোন্‌জোনি, বীণা আর হার্‌মোনি বাজেইনে আর ভালেদির্‌ গান্‌ গেইনে হুজিয়্যে রাজিয়্যে সে মেট্‌বানান্‌ পালেই পারন্‌।

গীতসংহিতা 47:6

গোজেনর নাঙে নাঙ্ গিনেদে গান গঅ, নাঙ্ গিনেদে গান গঅ; আমা রাজার নাঙে নাঙ্ গিনেদে গান গঅ, নাঙ্ গিনেদে গান গঅ।

গীতসংহিতা 68:25

পত্তমে যাদন্ গীদ্ গেইয়্যেগুনে, তারার্ পিজেন্দি যাদন বাজনা বাজেয়্যেগুনে; ঝোন্‌যোনি-বাজেয়্যে মিলেগুনোর সংমধ্যে তারা যাদন্।