১ বংশধর 15:26 - Chakma Bible

²⁶ যে লেবীয়গুনে লগেপ্রভুর বেবস্থা-সুন্দুক্কো বুয়োই আন্যন্‌ গোজেনে তারারে পরিচালনা গোজ্যে বিলিনে সাত্‌তো বলদ্‌ আর সাত্‌তো ভেড়া ছাগল্‌ উৎসর্ব গরা অলঅ।

১ বংশধর 15:26 ပူးပေါင်းရင်းမြစ်များ

২ শমূয়েল 6:13

যিগুনে লগেপ্রভুর সুন্দুক্কো বুয়োই নেযাদন্‌ তারা ছয় পোইদে উজেই যাদে ন-যাদে দায়ূদে এক্কো বলদ গোরু আর এক্কো পক্তামক্তা গোরু ছঅ উৎসর্ব গুরিলো।

১ বংশধর 29:14

“মাত্তর্‌ ও প্রভু, মুই কন্না বা মর্‌ মানুচ্চুনে বা কন্না, আমি ইঙিরিনে হুজি ওইনে দান গুরি পারিই? বেক্কানি দঅ তত্তুন্‌ এজে। তঅ আদত্তুন্‌ যিয়েনি পেইয়োং মুই বানা তরে সিয়েনি দুয়োঙ্‌।

ইয়োব 42:8

সেনত্তে ইক্কিনে সাত্তো বলদ আর সাত্তো ভেড়া লোইনে মর্ চাগর্ ইয়োব ইদু যাহ্ আর নিজোত্তে পূজ্যে-উৎসর্বর অনুষ্ঠানান গর্। মর্ চাগর ইয়োবে তমাত্তে তবনা গুরিবো আর মুই সিয়েন মানি লোম, তমার্ বেদমা কাম মজিম্ ফল ন-দিম। মর্ চাগর ইয়োবে যেধোক্ক্যেন মঅ পৌইদ্যেনে ঠিগ্ কধা কোইয়্যে তুমি সেধোক্ক্যেন ন-কঅ।”

যিহিষ্কেল 45:23

পরবর্ সাত দিনোর্ পত্তি দিন তে লগেপ্রভুর নাঙে পূজ্যে-উৎসর্বত্তে তুদো নেইয়্যে সাত্‌‌‌তো গোরু আর সাত্‌‌‌তো ভেড়া দিবো আর পাপ-উৎসর্বত্তে এক্কো পাদা ছাগল দিবো।

গণাণা 23:29

সেক্কে বিলিয়মে কলঅ, “ইয়েনত্‌ মত্তে সাত্তো পূজো বানেচ্‌ আর সাত্‌তো বলদ গোরু আর সাত্‌তো ভেড়াছাগল উৎসর্ব গুরিবাত্তে যুক্কোল গুরিচ্‌।”

গণাণা 29:32

উৎসবর্ সাত দিনোত্‌ সাত্তো বলদ গোরু, দ্বিবে ভেড়াছাগল আর চৌদ্দোবো এক বোজোজ্যে ভেড়াছাগলর-ছঅ উৎসর্ব গরা পুরিবো। ইগুনোর এক এক্কো দাগ্‌দুগ্‌ নেইয়্যে ওয়া পুরিবো।

প্রেরিত্‌ 26:22

মাত্তর্ গোজেনে এচ্চ্যে সং মরে এজাল্ দি এজের্ আর সেনত্তে মুই ইয়েনত্ থিয়্যেইনে চিগোন্-দাঙর্ বেক্কুনো ইধু সাক্ষ্য দোঙর্। ভাববাদীগুনে আর মোশি যিয়েনি ঘুদিবার কধা কোই যেইয়োন্ সিয়েনির বারেদি মুই কিচ্চু ন-কঙর্।

২ করিন্হীয় 2:16

মাত্তর্ যিগুনে ভস্ত অদন্ তারা ইধু আমার্ তুম্বাজ্‌চান অলঅ মরণর্ বাচ্‌, যিয়েনর ফল অলঅ উমর্‌অ মরণ, আর যিগুনে উদ্ধোর্ পাদন্ তারা ইধু আমি জিংকানির বাচ্‌, যিয়েনর ফল অলঅ উমর্‌অ জিংকানি। এ কামর্ যগাজ্জ্যে কন্না?

২ করিন্হীয় 3:5

মাত্তর্ সিয়েনর্ অত্তগান ইয়েন নয় যে, আমার্ নিজোত্তুন্ কনঅ কিজু গুরিবার্ খেমতা আঘে বিলিনে আমি দাবী গুরি পারিই, বরং আমার সেই যোগ্যতাগান্ গোজেনত্তুন্ এজে।

১ শমূয়েল 7:12

শমূয়েলে সেক্কে এক্কো পাত্তর্‌ নেযেইনে মিস্পা আর শেন নাঙে এক্কান জাগার মধ্যে উজু গুরি রাগেল আর কলদে, “এচ্চ্যে সং লগেপ্রভু আমারে এজাল দিয়্যে।”ইয়েন কোইনে তে সিয়েনর নাঙ্‌ দিলো এবন্-এষর (যিয়েনর্ ভেদ্‌তান্ “এজালর পাত্তর্‌”)।