১ বংশধর 15:25 - Chakma Bible

²⁵ ইয়েন পরেন্দি দায়ূদে, ইস্রায়েল বুড়ো নেতাগুনে আর সৈন্যদলর আজার্ সৈন্যর সেনাপতিগুনে ফুত্তি গত্তে গত্তে ওবেদ-ইদোম ঘরত্তুন্‌ লগেপ্রভুর সেই বেবস্থা-সুন্দুক্কো আনিবাত্তে গেলাক্।

১ বংশধর 15:25 ပူးပေါင်းရင်းမြစ်များ

১ রাজাবলী 8:1

ইয়েনর্ পরেন্দি রাজা শলোমনে দায়ূদ-শঅর, অত্তাৎ সিয়োনত্তুন লগেপ্রভুর সুদোম-সুন্দুক্কো আনিবাত্তে ইস্রায়েলর বুড়ো নেতাগুনোরে, গুট্টির-সর্দারুনোরে আর ইস্রায়েলীয় বংশর আজল্‌ মানুচ্চুনোরে যিরূশালেমত্‌ তাইদু আঝিল্ গুরিলো।

২ বংশধর 1:4

খালিক্ গোজেন সুন্দুক্কো যিরূশালেমত্‌ এলঅ‌, কিত্তে দায়ূদে কিরিয়ৎ-যিয়ারীমত্তুন্‌ সিয়েন্‌ আনিনে তাত্তে যিরূশালেমত্‌ যে তাম্বুলান্‌ বানেয়্যে সিয়েনত্‌ রাগেয়্যে।

২ বংশধর 5:2

ইয়েন পরেন্দি শলোমনে দায়ূদ-শঅর্‌, অত্তাৎ সিয়োনত্তুন্‌ লগেপ্রভুর সুদোম-সুন্দুক্কো আনিবাত্তে ইস্রায়েলর বুড়ো নেতাগুনোরে, গুট্টির-মুরুব্বীগুনোরে আর ইস্রায়েলীয় বংশর আজল্‌ মানুচ্চুনোরে যিরূশালেমত্‌ ডাগিনে পাদেল।

ইষ্রা 6:16

সে পরেদি ইস্রায়েলীয়গুনে, অত্তাৎ ধর্মগুরুগুনে, লেবীয়গুনে আর বন্দীদজাত্তুন্ ফিরি এচ্চ্যে বাদবাগি মানুচ্চুনে হুজিয়ে-রাজিয়ে গোজেনর্ ঘরান্ থিদেবর্ গুরিলাক্।

মীখা 5:2

লগেপ্রভু কত্তে, “মাত্তর্, ও বৈৎলেহম-ইফ্রাথা, যুনিয়ো তুই যিহূদার আজার আজার আদামানি ভিদিরে চিগোন্, তো তঅ ভিদিরেত্তুন মর্ তপ্পে এমন এক্কো এবঅ যিবে অবঅ ইস্রায়েলর শাজন্‌গুরিয়্যে, যিবের্ আরাম্ভ আগ দিনোত্তুন্ ধুরি, শেজ্ কালত্তুন্ ধুরি।”

গণাণা 31:14

যিদুক্কুন সেনাপতি, অত্তাৎ যিদুক্কুন আজার উগুরে নেতা আর শত উগুরে নেতা যুদ্ধোত্তুন্‌ ফিরি এলাক্ মোশি তারা উগুরে রাগ গুরিনে পুযোর্‌ গুরিলো, তুমি সালে বেক্‌ মিলেগুনোরে বাঁজেই রাগেয়ো!

দ্বি’লম্বর বিররণ 1:15

সেনত্যেই মুই তমা গুট্টিত্তুন্‌ জ্ঞানীবলা আর অভিজ্ঞতাবলা সর্দারুনোরে নেযেইনে তমা উগুরে আজার উগুরে নেতা, শত উগুরে নেতা, পঞ্চাশ উগুরে নেতা, দশজন উগুরে নেতা আর অন্য কাম্‌গুরিয়্যে মানুচ্‌ নেযেয়োং।

দ্বি’লম্বর বিররণ 12:18

তমার গোজেন লগেপ্রভুর বেঈ লোইয়্যে জাগানত্‌ তা মুজুঙোত্‌ ইয়েনি তমাত্তুন্‌ খা পুরিবো। তুমি, তমার ঝি-পূঅগুন, তমার চাগর-চাগরানীগুন আর তমার আদাম্মে আর শঅরর লেবীয়গুনে সিয়েনি হেই পারিবাক্ আর তমার কামর ফলুন নেযেইনে তমার গোজেন লগেপ্রভুর মুজুঙোত্‌ ফুত্তি গুরিবা।

দ্বি’লম্বর বিররণ 12:7

সিয়োদোই তমার গোজেন লগেপ্রভুর মুজুঙোত্‌ তুমি আর তমার পরিবারর মানুচ্চুনে হানা-দানা গুরিবাক্ আর তার আশিদ্‌বাদ মজিম পাওনা তমার কামর্‌ খেতখেত্তিলেই তুমি ফুত্তি গুরিবা।

দ্বি’লম্বর বিররণ 16:11

তমার গোজেন লগেপ্রভু নিজোরে ফগদাং গুরিবাত্তে তার থেবার জাগা ইজেবে যে জাগায়ান বেঈ নেযেব সিয়েনত তা মুজুঙোত্‌ তুমি, তমার ঝি-পূঅগুনে, তমার চাগর আর চাগরানীগুনে আর তমা ভিদিরে বজত্তি গোজ্যে লেবীয়গুনে, বিদেশী বাসিন্দাগুনে, নাঢা মান্‌জ্যর ঝি-পূঅগুনে আর রানিমিলেগুনে-তুমি বেক্কুনে ফুত্তি গুরিবা।

দ্বি’লম্বর বিররণ 16:15

তমার গোজেন লগেপ্রভু যে জাগায়ান বেঈ নেযেব সিয়োদোই তুমি তার নাঙে সাত দিন সং এই পরপ্পো পালন গুরিবা, কিত্যে তমার তুল্যে বেক্‌ খেদ্‌তানি আর বেক্‌ কামানিত্‌ তমার গোজেন লগেপ্রভু তমারে আশিদ্‌বাদ গুরিবো আর তমার ফুত্তিগানি পূরেব।

ফিলিপীয় 3:3

আমি ঘেচ্চ্যেকগুরি চুনু মাঢবোর চামান কাপ্যে মানুচ্‌, কিয়া আমি গোজেন আত্মার্ মাধ্যমে তার্ উবোসনা গুরিই আর খ্রীষ্ট যীশুরে নিইনে বার্ গুরিই আর চুনু মাঢা কাপ্যে উগুরে নির্ভর ন-গুরিই।

ফিলিপীয় 4:4

প্রভু সমারে মিজেয়ো বিলিনে তুমি নিত্য হুজি থাগঅ। মুই আরঅ কং, তুমি হুজী থাগঅ।

১ শমূয়েল 10:19

শমূয়েলে আরঅ কলঅ, “মাত্তর্‌ তমার গোজেন, যিবে বেক্‌ দযা আর দুর্দজাত্তুন্‌ তমারে উদ্ধোর গোজ্যে, এচ্চ্যে তারেই তুমি এলাফেলা গরর্‌ আর কর্‌, ‘আমা উগুরে এক্কো রাজা নেযা।’ সেনত্তেই ইক্কিনে তুমি যে যার গুট্টি আর বংশ মজিম্ লগেপ্রভুর মুজুঙোত্‌ আঝিল্ অ।”

১ শমূয়েল 22:7

তে তারারে কলঅ, “বিন্যামীন-গুট্টির মানুচ্চুন শুনো, যিশয়র পূঅবো কি তমারে বেক্কুনোরে জাগা-জোমি আর আংগুর ক্ষেত দিবো? তে কি তমারে বেক্কুনোরে আজার সৈন্য বা শত শত সৈন্য উগুরে সেনাপতি নেযেব?

১ শমূয়েল 8:12

তে নিজোত্তে কেওরে আজার সৈন্য উগুরে, কেওরে পঞ্চাশজন সৈন্য উগুরে সেনাপতি ইজেবে নেযেল। অন্যগুনোরে তে তার ভূইয়ো চাজঅ কামত্‌ আর ক্ষেত্‌-ক্ষেত্তি কাবিবার কামত্‌ আর যুদ্ধোর অাত্যেরানি আর রথর্ জিনস্‌চানি বানেবার কামত্‌ লাগেব।