১ বংশধর 15:19 - Chakma Bible

¹⁹ পিদোল করতাল বাজেবার্‌ ভারান্‌ পড়িলোদে গানগেইয়্যে হেমন, আসফ আর এথনর্ উগুরে।

১ বংশধর 15:19 ပူးပေါင်းရင်းမြစ်များ

১ রাজাবলী 4:31

বেক্‌ মানুচ্চুনোত্তুন্‌, এন্‌ কি, ইষ্রাহীয় এথন আর মাহোলর পূঅ হেমন, কল্‌কোল আর দর্দারত্তুন্‌অ তে বেশ্‌ জ্ঞানবলা এলঅ। তার নাঙান কায়-কুরে বেক্‌ জাদ্‌তুনো ইদু ছিদি পুরিলো।

১ বংশধর 13:8

দায়ূদ আর বেক্‌ ইস্রায়েলীয়গুনে লগেপ্রভুর মুজুঙোত্‌ তারার্‌ বেক্‌ বলান্‌ দিইনে নাজি নাজি গান গেইয়োন্‌ আর সুরবাহার, বীণা, খঞ্জনী, করতাল আর তূরী বাজেয়োন।

১ বংশধর 15:16

দায়ূদে লেবীয়গুনোর নেতাগুনোরে কলঅ, তারা যেনে বাদ্যযন্ত্র, অত্তাৎ বীণা, সুরবাহার আর করতাল বাজেইনে হুজির্‌ গান গেবাত্তে তারা গানগেইয়্যে ভেইয়ুনোরে ঠিগ্ গরন।

১ বংশধর 15:18

তারা সমারে নেযা অলঅ তারা বংশর দ্বিলম্বরর ধর্মগুরুগুনোরে। তারা অলাক্‌ সখরিয়, বেন, যাসীয়েল, শমীরামোৎ, যিহীয়েল, উন্নি, ইলীয়াব, বনায়, মাসেয়, মত্তিথিয়, ইলীফলেহূ, মিক্‌নেয় আর ওবেদ-ইদোম আর যিয়ীয়েল নাঙে দোরোর্‌ দ্বিজন চুগিদার্‌।

১ বংশধর 15:20

দাঙর্ রঅ গুরিনে বীণা বাজেবার্‌ ভারান্‌ পড়িলোদে সখরিয়, অসীয়েল, শমীরামোৎ, যিহীয়েল, উন্নি, ইলীয়াব, মাসেয় আর বনায় উগুরে।

১ বংশধর 16:42

গোজেন নাঙে গান গেবার্‌ অক্তত্‌ তূরী, ঝন্‌ঝনি আর অন্য বাজানা বাজেবাত্তে হেমন আর যিদূথূন উগুরে ভারান্‌ দিয়্যে অলঅ। যিদূথূনো গুট্টির মানুচ্চুনোরে রক্ষী ইজেবে নেযা অলঅ।

১ বংশধর 16:5

এ মানুচ্চুনো নেতা অলদে আসফ, দ্বিলম্বরত্‌ অলদে সখরিয়, সে পরেন্দি অলদে যিয়ীয়েল, শমীরামোৎ, যিহীয়েল, মত্তিথিয়, ইলীয়াব, বনায়, ওবেদ-ইদোম আর যিয়ীয়েল। ইগুনে বাজেদাক্‌ বাশি আর হার্‌মোনি আর আসফে বাজেদ ঝুরি;

১ বংশধর 25:1

তবনা-ঘরর্‌ সেবা-কামানি গুরিবাত্তে দায়ূদ আর সৈন্যদল সেনাপতিগুনে আসফ, হেমন আর যিদূথূন পুয়োগুনোরে ফারক্‌ গুরি নেযেলাক্‌ যেনে তারা হারমনি, বাশি আর ঝোন্‌ঝোনি লগে গানর্‌ মাধ্যমে গোজেন কধানি ফগদাং গুরি পারন্‌। যিগুনে এ কামান্‌ গুরিদাক্‌ তারা নাঙানি ইয়েনি:

১ বংশধর 25:6

গোজেন ঘরর সেবা-কামত্তে ইগুনে বেক্কুনে তারার্‌ বাব্‌ আসফ, যিদূথূন আর হেমন পরিচালনার্‌ অধীনোত্‌ এলাক্‌। তারা রাজার উগুমে ঝোন্‌ঝোনি, বাশি আর হার্‌মোনিলোই লগেপ্রভুর ঘরত্‌ গান-বাজনা গুরিদাক্‌।

২ বংশধর 20:19

সে পরেন্দি কহাতীয় আর কোরহীয় বংশর ভালোক্কুন্‌ লেবীয় উদি থিয়্যেইনে খুব্‌ দাঙর্‌ দাঙর্‌ গুরিনে ইস্রায়েলর গোজেন লগেপ্রভুর বাঈনি গরা ধুরিলাক্‌।

২ বংশধর 7:6

ধর্মগুরুগুনে তারা জাগানত্‌ যেইনে থিয়্যেলাক্‌ আর লেবীয়গুনেয়ো লগেপ্রভুর নাঙে বাজেবাত্তে বাজানাগুন্‌ লোইনে তারা জাগানত্‌ যেইনে থিয়্যেলাক্‌। লেবীয়গুনোর মুজুঙো-মুজুঙি থিয়্যেইনে ধর্মগুরুগুনে তারার্‌ তূরীগুন্‌ বাজেলাক্‌ আর ইস্রায়েলীয়গুনে বেক্কুনেই থিয়্যেই রলাক্‌। লেবীয়গুনোর এ বাজানাগুন্‌ রাজা দায়ূদে লগেপ্রভুর বাঈনী গুরিবাত্তে বানেয়্যে আর সিগুন যেক্কেনে বাজেদাক্‌ তে লগেপ্রভুরে নাঙ্‌ গিনিনে কদঅ, “তার্‌ কোচ্‌পানাগান্‌ উমরত্তে।”

গীতসংহিতা 150:5

দাঙর্ দাঙর্ রঅ গুরিনে করতাল বাজেইনে তারে নাঙ্ গিনো, ঝন্‌ঝন্ গোজ্যে ঝুরি বাজেইনে তারে নাঙ্ গিনো।

গীতসংহিতা 81:3

আমা পরব দিনোত্ আঙোস্যে আর পূর্ণিমাত্ শিংগা বাজঅ;