১ বংশধর 15:18 - Chakma Bible

¹⁸ তারা সমারে নেযা অলঅ তারা বংশর দ্বিলম্বরর ধর্মগুরুগুনোরে। তারা অলাক্‌ সখরিয়, বেন, যাসীয়েল, শমীরামোৎ, যিহীয়েল, উন্নি, ইলীয়াব, বনায়, মাসেয়, মত্তিথিয়, ইলীফলেহূ, মিক্‌নেয় আর ওবেদ-ইদোম আর যিয়ীয়েল নাঙে দোরোর্‌ দ্বিজন চুগিদার্‌।

১ বংশধর 15:18 ပူးပေါင်းရင်းမြစ်များ

২ শমূয়েল 6:10

লগেপ্রভুর সুন্দুক্কো তে দায়ূদ-শঅরত্‌ নিজোর কায়-কুরে অানিবাত্তে রাজী ন-অলঅ। তে সিবে নেযেইনে গাতীয় ওবেদ-ইদোমর ঘরত্‌ রাগেল।

২ রাজাবলী 7:10

সেনত্তে তারা যেইনে শঅর-গেদো চুগিদারুনোরে ডাগিনে কলাক্‌, “আমি অরামীয়গুনোর তাম্বুলোত্‌ যেইয়্যেই। সিদু এক্কো মানুচ্‌অ নেই, কারঅ রঅয়ো নেই; বানা ঘোড়া আর গাধাগুন্‌ বান্যে আগন্‌ আর তাম্বুলানি যেবাবোত্যে এলঅ সেবাবোত্যে গুরি রাগেইনে তারা যেইয়োন্‌।”

১ বংশধর 13:14

গোজেন সুন্দুক্কো তিন মাস ওবেদ-ইদোম ঘরত্‌ তা পরিবার ইদু রলঅ। সেক্কে লগেপ্রভু তা পরিবাররে আর তার্ বেক্কানিরে বর্ দিলো।

১ বংশধর 15:17

সেনত্তে লেবীয়গুনে যোয়েল পুয়ো হেমনরে আর তা বংশর মানুচ্চুনো ভিদিরেত্তুন্‌ বেরিখিয় পুয়ো আসফরে আর তারা গুট্টির-ভেই মরারীয়গুনো ভিদিরেত্তুন্‌ কূশায়া পুয়ো এথনরে ঠিগ্ গুরিলো।

১ বংশধর 15:19

পিদোল করতাল বাজেবার্‌ ভারান্‌ পড়িলোদে গানগেইয়্যে হেমন, আসফ আর এথনর্ উগুরে।

১ বংশধর 15:20

দাঙর্ রঅ গুরিনে বীণা বাজেবার্‌ ভারান্‌ পড়িলোদে সখরিয়, অসীয়েল, শমীরামোৎ, যিহীয়েল, উন্নি, ইলীয়াব, মাসেয় আর বনায় উগুরে।

১ বংশধর 15:21

চিগোন্‌ রঅ গুরিনে সুরবাহার বাজেবার্‌ ভারান্‌ পড়িলোদে মত্তিথিয়, ইলীফলেহূ, মিক্‌নয়, ওবেদ-ইদোম, যিয়ীয়েল আর অসসিয়র উগুরে।

১ বংশধর 16:38

তারারে বল্‌ দিবাত্তে তে ওবেদ-ইদোম আর তার্‌ আটষট্টিজন মান্‌জ্যরেয়ো থোই গেলঅ। যিদূথূন পুয়ো ওবেদ-ইদোম আর হোষা এলদে রক্ষী।

১ বংশধর 26:15

দোগিণেন্দি গেট্টোত্ চাম্বাত্ উদিলো ওবেদ-ইদোম নাঙে। ভান্ডাল-ঘরত্তে চাম্বাত্ উদিলো তাহ্ পুয়োগুনো নাঙে।

১ বংশধর 26:4

ওবেদ-ইদোমে অলদে বংশ-বাপ্‌। গোজেনে ওবেদ-ইদোমরে আস্‌তোবুয়ো পুয়ো দিইনে বর্‌ দিলো। তাহ্ পুয়োগুন অলাক্‌, পৌইল্যে শময়িয়, দ্বিলম্বরত্‌ যিহোষাবদ, তিন লম্বরত্‌ যোয়াহ, চের্‌ লম্বরত্‌ সাখর, পাজ্‌ লম্বরত্‌ নথনেল, ছয় লম্বরত্‌ অম্মীয়েল, সাত লম্বরত্‌ ইষাখর আর আস্‌তো লম্বরত্‌ পিয়ূল্লতয়।

১ বংশধর 26:8

ইগুনে বেক্কুনে অলাক্‌ ওবেদ-ইদোম বংশর মানুচ্‌। তারা, তারার্‌ পুয়োগুন আর বংশর মানুচ্চুনে এলাক্কে যোগাজ্যে আর খেমতাবলা। ওবেদ-ইদোম বংশর মানুচ্চুনে বেক্কুনে এলাক্‌ বাষোট্টি জন।