১ বংশধর 15:15 - Chakma Bible

¹⁵ লগেপ্রভু আর মোশি উগুম্‌ মজিম লেবীয়গুনে গোজেনর সুন্দুক্কো বুয়োই নেযেবার্‌ লুদিক্কো কানা উগুরে তুলিনে সিবে আনিলাক্‌।

১ বংশধর 15:15 ပူးပေါင်းရင်းမြစ်များ

২ শমূয়েল 6:12

রাজা দায়ূদে শুনিলোদে গোজেনর্‌ সুন্দুক্কো ওবেদ-ইদোমর ঘরত্‌ থানার কারনে লগেপ্রভু তা ঘরর্‌ বেক্কুনোরে আহ্ তার্‌ বেক্কানিত্‌ বর্ দিয়্যে। সেক্কে দায়ূদে যেইনে ওবেদ-ইদোমর ঘরত্তুন্‌ ফুত্তি গত্তে গত্তে গোজেনর্‌ সুন্দুক্কো দায়ূদ-শঅরত্‌ নেযেল।

২ শমূয়েল 6:13

যিগুনে লগেপ্রভুর সুন্দুক্কো বুয়োই নেযাদন্‌ তারা ছয় পোইদে উজেই যাদে ন-যাদে দায়ূদে এক্কো বলদ গোরু আর এক্কো পক্তামক্তা গোরু ছঅ উৎসর্ব গুরিলো।

১ রাজাবলী 8:8

এ লুদিক্কুন্‌ এদক্‌ লাম্বা এলাক্কে, সিগুনোর মাঢাগুন ভিদিরে গুদিগুনোর মুজুঙেন্দি আজল্‌ গুদিগুন, অত্তাৎ পবিত্র জাগাত্তুন্‌ দেগা যেদঅ, মাত্তর্‌ পবিত্র জাগানর বারেত্তুন্‌ দেঘা ন-যেদঅ। সিগুন এজঅ সিদু আগন্‌।

১ বংশধর 13:10

ইয়েন্দোই উষ উগুরে লগেপ্রভু রাগে জুলি উদিলো। সুন্দুক্কোত্‌ আত্‌ দেনার্‌ কারনে তে তারে আঘাত্‌ গুরিলো। সেক্কে তে গোজেন মুজুঙোত্‌ সিদু মুরি গেলঅ।

২ বংশধর 5:9

সুন্দুক্কোর্‌ এ লুদিক্কুন্‌ এদক্‌ লাম্বা এলাক্কে, সিগুনোর্‌ মাদাগুন্‌ ভিদিরে গুদিগুনোর্‌ মুজুঙোত্ আজল্‌ কামারাবোত্‌, অত্তাৎ সুদ্ধো-সাংগ জাগানত্তুন্‌ দেগা যেদঅ, মাত্তর্‌ সুদ্ধো-সাংগ জাগানর বারেত্তুন্‌ দেগা ন-যেদঅ। সিগুন্‌ এজঅ সিদু রোইয়োন্‌।

যাত্রা 40:20

সে পরেদি মোশি সাক্ষ্য-আরুগ্ দ্বিবে নেযেইনে সুন্দুগো ভিদিরে রাগেল আর সুন্দুক্কোত্‌ দিয়্যে লুদিক্কুন্ লাগেল আর সিবে উগুরে রাগেল তার্‌ ঢাগনিগান।

গণাণা 4:15

“হারোণ আর তার্‌ পূঅগুনে যেক্কে এই বেক্‌ পবিত্র পজা-পিরানি আর পবিত্র তাম্বুলোর পজা-পিরানি নাঢি দেনা শেজ্ গুরিবাক আর মানুচ্চুনে তাম্বুলান বুদিনে যেবাত্তে যুক্কোল্‌ অবাক্‌ সেক্কে কহাতীয়গুনে এই বেক্কানি বুয়োই নেযেবাত্তে এবাক। মাত্তর্‌ কনঅ পবিত্র জিনিজোত্‌ তারার্‌ আত্‌ বাজেই ন-পারিবাক্। বাজেলে তারা মুরি যেবাক। মিলন-তাম্বুলোত্‌ যেদক্কানি জিনিস থেবঅ কহাতীয়গুনোর্‌ সিয়েনি বুয়োই নেযা পুরিবো।

গণাণা 7:9

মোশি কহাতীয়োগুনোরে কিচ্ছু ন-দিলো, কিত্যে সুদ্ধো-সাংগ জিনিস্‌চানির্‌ দেগাশুনোর্‌ ভারান এলঅ তারা উগুরে আর সিগুনোই এলাক তারার্‌ কাঁনাদ্‌ গুরি বুয়োই নেযেবার্‌ কধা।

দ্বি’লম্বর বিররণ 10:8

সে অক্তত্‌ লগেপ্রভু তার বেবস্থা-সুন্দুক্কো বুয়োই নেযেবাত্তে আর সেবা কামর্‌ নাঙে তা মুজুঙোত্‌ থিয়্যেবাত্তে আর তা নাঙে আশিদ্‌বাদ্ ফগদাং গুরিবাত্তে লেবীয়গুনোরে বেঈ লোইয়্যে। এ বেক্‌ কামানি তারা এজঅ গত্তন্‌।