১ বংশধর 15:14 - Chakma Bible

¹⁴ সেক্কে ধর্মগুরুগুনে আর লেবীয়গুনে গোজেন নাঙে নিজোরে ফারক্‌ গুরি নিলাক্‌ যেনে তারা ইস্রায়েল গোজেন লগেপ্রভুর সুন্দুক্কো আনি পারন্‌।

১ বংশধর 15:14 ပူးပေါင်းရင်းမြစ်များ

১ বংশধর 15:12

তে তারারে কলঅ, “তুমি অলাদে লেবি-গুট্টির নানান্‌ বংশর নেতা; তুমি আর তমা সমাজ্যে লেবীয়গুনে গোজেন নাঙে নিজোরে ফারক্‌ গুরি নেযেবা, যেনে যে জাগায়ান্‌ মুই যুক্কোল্‌ গুরি রাগেয়োং সে জাগানত্‌ তুমি ইস্রায়েল গোজেন লগেপ্রভুর সুন্দুক্কো আনিনে রাগেই পারিবা।

১ বংশধর 15:15

লগেপ্রভু আর মোশি উগুম্‌ মজিম লেবীয়গুনে গোজেনর সুন্দুক্কো বুয়োই নেযেবার্‌ লুদিক্কো কানা উগুরে তুলিনে সিবে আনিলাক্‌।

২ বংশধর 29:15

তারা তারার্‌ লেবীয় ভেইয়ুনোরে এগত্তর্‌ গুরিনে লগেপ্রভুর নাঙে নিজোরে ফারগ্‌ গুরিলাক্‌। সে পরেন্দি লগেপ্রভুর কধামজিম্‌ রাজার্‌ উগুম্‌ মজিম তারা লগেপ্রভুর ঘরান্‌ সিজি গুরিবাত্তে ভিদিরে গেলাক্‌।

২ বংশধর 29:34

ধর্মগুরুগুনে কম্‌ অনায় তারা বেক্‌ পূজ্যে-উৎসর্বর য়েমান চামানি চুলি ন-পারিলাক্‌; সেনত্তে কাম্‌ থুম্‌ ন-অনা সং আর অন্য ধর্মগুরুগুনে সিজি ন-অনা সং তারার্‌ লেবীয় ভেইয়ূনে তারা কামত্‌ বল্‌ দিলাক্‌, কিত্তে নিজোরে সিজি গরানা পৌইদ্যেনে ধর্মগুরুগুনোত্তুন্‌ লেবীয়গুনে আরঅ বেশ্‌ মনযোগী এলাক্‌।

২ বংশধর 5:11

সে পরেন্দি বেক্‌ ধর্মগুরুগুনে সুদ্ধো-সাংগ জাগানত্তুন্‌ বারেন্দি এলাক্‌। সে ধর্মগুরুগুনে যে কনঅ দলত্‌ অদঅ সাৎ, বেক্কুনে নিজোরে সিজি গুরিলাক্‌।

নহিমিয় 12:30

ধর্মগুরু আর লেবীয়গুনে নিজোরে সিজি গুরিলাক্‌ আর মানুচ্চুনোরেয়ো সিজি গুরিলাক্‌; পরেন্দি গেট্‌তুন আর দেবালানি সিজি গুরিলাক্‌।

লেবীয় 10:3

সেক্কে মোশি হারোণরে কলঅ, “লগেপ্রভু কোইয়্যেদে, ‘যিগুনে মইদু এজন্‌ তারা যেন মরে পবিত্র বিলিনে মানন্‌। মানুচ্চুনোর্‌ চোগোত্‌ তারা যেন মর্‌ সর্মান্‌ তুলি ধরন।’ ” হারোণে জুরো গুরি রলঅ।