১ বংশধর 12:38 - Chakma Bible

³⁸ ইগুনে বেক্কুনে এলাক্‌ কাবিল্‌ যোদ্ধা। পুরো ইস্রায়েল উগুরে দায়ূদোরে রাজা বানেবাত্তে তারা পুরোপুরি মনান্‌ ঠিগ্‌ গুরিনে হিব্রোণত্‌ এচ্ছ্যন্‌। দায়ূদোরে রাজা গরানা পৌইদ্যেনে বাদবাগি ইস্রায়েলীয়গুনেয়ো একমনা ওইয়োন্‌।

১ বংশধর 12:38 ပူးပေါင်းရင်းမြစ်များ

১ রাজাবলী 11:4

শলোমনর্ বুড়ো বয়জত্‌ তা মোক্কুনে তা মনান্‌ দেব-দেবেদাগুনোর ইন্দি টানি নেযেয়োন্‌। সিয়েনত্তে তা বাপ্পো দায়ূদো ধোক্কেন্‌ তা মনত্‌ তার গোজেন লগেপ্রভু উগুরে এদক্‌ ভোক্তি ন-এলঅ।

১ রাজাবলী 8:61

এচ্চ্যে যেধোক্কেন্‌ লগেপ্রভুর সুদোম্ আর উঘুম মানিবাত্তে তমা মনানি পুরোপুরিভাবে আমা গোজেন লগেপ্রভুর ইন্দি আঘে সেধোক্কেন্‌ নিত্য থোক্‌।”

২ রাজাবলী 20:3

“ও লগেপ্রভু, তুই ইদোত্‌ তুলি চাহ্ মুই তঅ মুজুঙোত্‌ কেধোক্ক্যেন বিশ্বেজ্ গুরিনে আর পুরো মন ভোক্তিলোই চোল্যং আর তঅ চোগেন্দি যিয়েনি ঠিগ্‌ সিয়েনি গোজ্যং।” ইয়েন্‌ কোইনে হিষ্কিয় অমকদ কানা ধুরিলো।

১ বংশধর 12:33

সবূলূন-গুট্টির পঞ্চাশ আজার্ কাবিদ্যং সৈন্য। তারা নানান্‌ বাবোত্যে আত্যের্‌ লোইনে যুদ্ধো গুরি পারিদাক্‌। তারা গমেডালে বিশ্বেজ্ গুরিনে দায়ূদোরে বল্‌ দুয়োন্‌।

১ বংশধর 12:37

নানান্‌ বাবোত্যে আত্যের্‌ লোইনে যর্দন পূগেন্দিত্তুন্‌ এলাক্‌ এক লাখ্‌ কুড়ি আজার্ মানুচ্‌। ইগুনে এচ্ছ্যন্‌ রূবেণ, গাদ আর মনশিঃ-গুট্টির অদ্দেক্‌ মান্‌জ্যর ভিদিরেত্তুন্‌।

১ বংশধর 12:39

এ মানুচ্চুনে তিন দিন সং দায়ূদ সমারে থেইনে হানা-দানা গুরিলাক্‌। সিদুগোর্ মানুচ্চুনে তারার্‌ হানা-দানা বেবস্থা গোজ্যন্‌।

২ বংশধর 30:12

গোজেন আঢ্‌তান যিহূদার মানুচ্চুনো উগুরেয়ো এলঅ, সেনত্তে লগেপ্রভুর কধা মজিম্‌ রাজা আর তার্‌ কামগুরিয়্যেগুনোর উগুম্‌ পালেবাত্তে তে তারার্‌ মনান্‌ এক গুরিলো।

গীতসংহিতা 101:2

দোল্ জিংকানি কাদেবাত্তে মুই মনান্ দিম; কক্ক্যে তুই মইদু এবে? মঅ নিজো ঘরত্ মুই গম মনে থেম্।

গীতসংহিতা 110:3

যুদ্ধোত্ তঅ মানুচ্চুনে নিজে যুদ্ধো গুরিবাত্তে এবাক্; পবিত্রগুরি সাজিসাজাই বেন্যেপোত্যে যেবাবোত্যে শিরোপানি, সেদোক্ক্যেন্ তইদু তঅ গাবুজ্যেগুনে।

যিহিষ্কেল 11:19

মুই তারারে এমন মন দিম্ যিয়েন বানা মইন্দি আসক্ত থেবঅ, আর মুই তারা ভিদিরে নূয়ো আত্মা দিম; মুই তারার্ চিৎনপুজ্যে মনান্ সোরেইনে নরম মনানি দিম।