১ বংশধর 12:22 - Chakma Bible

²² এধোক্ক্যেন গুরিনে দিনকে দিন্‌ মানুচ্চুনে দায়ূদরে বল্‌ দিবাত্তে এজা ধুরিলাক্‌। যেরেন্দি গোজেন সৈন্যদল ধোক্ক্যেন তার্‌ এক্কো দাঙর্‌ সৈন্যদল্‌ উদিলো।

১ বংশধর 12:22 ပူးပေါင်းရင်းမြစ်များ

পত্থম 32:2

তারারে দেগিনে তে কলঅ, “ইয়েন্‌ গোজেনর্ ঘর্।” ইয়েনত্তে তে সেই জাগায়ান নাঙান রাগেল মহনয়িম (যিয়েনর্ ভেদ্‌তান্ “দ্বিয়েন ঘর”)।

২ শমূয়েল 3:1

শৌল আর দায়ূদো সৈন্যদল ভিদিরে ভালোক্‌ দিন সং যুদ্ধো অলঅ। দায়ূদে বোলী ওই উদিলো আর শৌল সৈন্যদলুনে বল্‌পোজ্যে ওই পোজ্যন্‌।

ইয়োব 17:9

মাত্তর্‌ খাটি মানুচ্চুনে তারার্‌ পধেদি উজেই যেবাক্‌, আর যিগুনো আঢ্‌তানি সিজি তারা দিনে দিনে বোলি অবাক্‌।

গীতসংহিতা 148:2

ও তার বেক্ স্বর্গদূত্তুন্, তারে নাঙ্ গিনো; ও তার বেক্ খেমতাবলা দলুন্, তারে নাঙ্ গিনো।

যিহোশূয় 5:13

যিরীহোর কায়কুরে যানার পরেন্দি যিহোশূয় খুলো তলোয়ার আদত্‌ এক্কো মান্‌জ্যরে তা মুজুঙোত্‌ থিয়্যেই থাদে দেগিলো। যিহোশূয় তাইদু যেইনে পুযোর্‌ গুরিলো, “তুই কা তপ্পের্‌ মানুচ্‌-আমার্‌, না আমা শত্রুগুনোর?”

যিহোশূয় 5:14

জোবত্‌ তে কলঅ‌, “মুই কারঅ‌ পক্ষর মানুচ্‌ নয়। মুই লগেপ্রভুর সৈন্যদলর সেনাপতি; ইক্কিনে মুই ইয়েনত্‌ এচ্চ্যং।” এ কধা শুনিনে যিহোশূয় মাটিত্‌ আদু পাড়ি পড়িনে তারে সালাম্‌ গুরিলো আর পুজোর্‌ গুরিলো, “মঅ গিরোজ্‌ তা চাগর্‌বোরে কি কিজু কবাত্তে চায়?”

১ শমূয়েল 29:10

সেনত্যেই তুই আর তর্‌ গিরোজর্‌ যিদুক্কুন্‌ মানুচ্‌ তর্‌ লগে এচ্চ্যন্‌ তুমি কেল্যে বেন্যে উদো আর পহর্‌ অনার লগে লগে যেয়োগোই।”

১ শমূয়েল 30:1

দায়ূদে তা মানুচ্চুনোরে নেযেইনে তিন দিনোত্‌ সিক্লগত্‌ যেইনে লুমিলো। মাত্তর্‌ এ ভিদিরে অমালেকীয়গুনে নেগেভত্‌ পলেষ্টীয়গুনোর চাগালাত্‌ আর সিক্লগত্‌ লুদেয়োন্‌। তারা সিক্লগ্‌কান্ আক্রমণ গুরিনে পুড়ি ফেলেই দিইনে সিদুুগোর্‌ বেক্‌ মিলেগুনোরে আর চিগোন-দাঙর্‌ বেক্কুনোরে বন্দী গুরি নেযেয়োন। মাত্তর্‌ কনজনরে তারা মারেই ন-ফেলান, বানা ফিরি যেবার্‌ অক্তত্‌ তারা সমারে নেযেলাক্।