১ বংশধর 12:20 - Chakma Bible

²⁰ দায়ূদে সিক্লগত্‌ ফিরি যেবার্‌ সময়োত্‌ মনঃশি-গুট্টির যে মানুচ্চুন দল্‌ ছাড়িনে তাইদু যেয়োন্‌ তারা অলাক্‌ অদ্‌ন, যোষাবদ, যিদীয়েল, মীখায়েল, যোষাবদ, ইলীহূ আর সিল্লথয়। ইগুন অলাক্‌ মনঃশি-গুট্টির্‌ এক আজার্ সৈন্য উগুরে সেনাপতি।

১ বংশধর 12:20 ပူးပေါင်းရင်းမြစ်များ

১ বংশধর 12:19

দায়ূদে যেক্কে পলেষ্টীয়গুনো লগে শৌল বিরুদ্ধে যুদ্ধো গুরিবাত্তে যার্‌ সেক্কে মনঃশি-গুট্টির কিজু মানুচ্‌ নিজো দল্‌ ছাড়িনে দায়ূদো ইদু যেইয়োন্‌। খালিক্ দায়ূদ আর তা মানুচ্চুনে পলেষ্টীয়গুনোরে বল্‌ ন-দুয়োন্‌, কিত্তে পলেষ্টীয় শাজন্‌গুরিয়্যেগুনে নিজো ভিদিরে কধা কনার্ পরেন্দি দায়ূদোরে বিদেয় গুরি দুয়োন্‌। তারা কোইয়োন্দে, “তে যুনি আমারে ছাড়ি তা গিরোজ্‌ শৌল সমারে যেইনে মিজেই সালে আমা মাদাগুন্‌ আরেবং।”

১ বংশধর 12:21

অন্য আক্রমণগুরিয়্যে দলুনো বিরুদ্ধে ইগুনে দায়ূদোরে বল্‌ দুয়োন্‌। ইগুনে বেক্কুনে বোলী যোদ্ধা আর দায়ূদ সৈন্যদল সেনাপতি।

যাত্রা 18:21

তুই বেক্‌ মানুচ্চুনো ভিদিরেত্তুন্‌ এন্ যগাজ্যে মানুচ্চুনোরে বেঈ নেযেবে যিগুনে গোজেনভক্ত, সত্যবাদী আর অন্যায়রে ঘিনেন্‌। তারারে তুই মানুচ্চুনোর্‌ নেতা ইজেবে নেযেবে-কয়েক জনরে আজার উগুরে, কয়েকজনরে শত উগুরে, কয়েক জনরে পঞ্চাজ উগুরে আর কয়েক জনরে দশ জন উগুরে।

দ্বি’লম্বর বিররণ 1:15

সেনত্যেই মুই তমা গুট্টিত্তুন্‌ জ্ঞানীবলা আর অভিজ্ঞতাবলা সর্দারুনোরে নেযেইনে তমা উগুরে আজার উগুরে নেতা, শত উগুরে নেতা, পঞ্চাশ উগুরে নেতা, দশজন উগুরে নেতা আর অন্য কাম্‌গুরিয়্যে মানুচ্‌ নেযেয়োং।

দ্বি’লম্বর বিররণ 33:17

তার মহিমাগান পত্তমে জর্মেয়্যে বলদ গোরু ধোক্ক্যেন, তা মাদাত্‌ আঘেদে ঝার্‌বো বলদ গোরুর শিং। সিগুন্‌দোই তে গুদেব দুনিয়ের বেক জাদরে, এন্‌ কি, ইয়েনর শেজ্‌ দুযিগানর্ জাদ্‌তুনোরেয়ো। এবাবোত্যে অবঅ ইফ্রয়িমর লাখ্ লাখ্ আর মনঃশির আজার আজার মানুচ্‌।”

১ শমূয়েল 29:11

সেনত্যেই দায়ূদ আর তার মানুচ্চুনে পলেষ্টীয়গুনোর দেজত্‌ ফিরি যেবাত্তে বেন্যেপোত্যে উদিলাক্, আর পলেষ্টীয়গুনে যিষ্রিয়েলত্‌ গেলাক্।

১ শমূয়েল 29:3

সিয়েন দেগিনে পলেষ্টীয় সেনাপতিগুনে পুযোর্‌ গুরিলাক্, “এ বেক্‌ ইব্রীয়গুনে ইয়েনত্‌ কিত্তে?” আখীশে কলঅ, “ইবে দঅ ইস্রায়েলীয়গুনোর রাজা শৌলর চাগর্‌ দায়ূদ। তে দ্বিএক বজর্‌ ধুরিনে মইদু আঘে। শৌলরে ফেলেই এজানার দিন্নোত্তুন্‌ ধুরিনে এচ্চ্যে সং মুই তাইদু কনঅ দুষ ন-পাং।”

১ শমূয়েল 29:4

এ কধাগান শুনিনে পলেষ্টীয় সেনাপতিগুনে আখীশো উগুরে রাগ গুরিনে কলাক্, “মানুচ্চোরে তুই ফেরৎ পাধেই দে। তুই তারে যে জাগায়ান দুয়োচ্‌ তে সিয়োদোই ফিরি যোক্‌। তে আমা লগে যুদ্ধোত্‌ যেই ন-পারিবো। সালে যুদ্ধোত্‌ যেইনে তে আমা বিপক্ষে যেবঅ। তার্ গিরোজ্‌সোরে হুজি গুরিবাত্তে অলে তারে দঅ আমা মানুচ্চুনোর মাঢাবোলোই সিয়েন গরা পুরিবো।