১ বংশধর 12:19 - Chakma Bible

¹⁹ দায়ূদে যেক্কে পলেষ্টীয়গুনো লগে শৌল বিরুদ্ধে যুদ্ধো গুরিবাত্তে যার্‌ সেক্কে মনঃশি-গুট্টির কিজু মানুচ্‌ নিজো দল্‌ ছাড়িনে দায়ূদো ইদু যেইয়োন্‌। খালিক্ দায়ূদ আর তা মানুচ্চুনে পলেষ্টীয়গুনোরে বল্‌ ন-দুয়োন্‌, কিত্তে পলেষ্টীয় শাজন্‌গুরিয়্যেগুনে নিজো ভিদিরে কধা কনার্ পরেন্দি দায়ূদোরে বিদেয় গুরি দুয়োন্‌। তারা কোইয়োন্দে, “তে যুনি আমারে ছাড়ি তা গিরোজ্‌ শৌল সমারে যেইনে মিজেই সালে আমা মাদাগুন্‌ আরেবং।”

১ বংশধর 12:19 ပူးပေါင်းရင်းမြစ်များ

পত্থম 43:23

সে সদ্দার্‌বো কলঅ, “বেক্কানি ঠিগ্‌ আঘে, ন-দোরেয়ো। তমার্‌ আর তমা বাপ্পোর্‌ গোজেনে সেই দানুন্‌ তমা বস্তাগুনোত্‌ থোই দিয়্যে। তমা টেঙাগুন্‌ মুই পেইয়োং।” ইয়েন্‌ কোইনে তে শিমিয়োনরে নিগিলেনে তারা মুজুঙোত্‌ আনিলো।

২ শমূয়েল 17:25

অবশালোম তা সৈন্যদলুনোর উগুরে যোয়াবর বদলে অমাসারে নেযেল। অমাসা অলদে যিথ্র নাঙে এক্কো ইস্রায়েলর পূঅ। যিথ্র নাহশর পূঅ অবীগলরে ললঅ। অবীগলে অলদে যোয়াবর মা সরূয়ার বোন।

১ বংশধর 12:20

দায়ূদে সিক্লগত্‌ ফিরি যেবার্‌ সময়োত্‌ মনঃশি-গুট্টির যে মানুচ্চুন দল্‌ ছাড়িনে তাইদু যেয়োন্‌ তারা অলাক্‌ অদ্‌ন, যোষাবদ, যিদীয়েল, মীখায়েল, যোষাবদ, ইলীহূ আর সিল্লথয়। ইগুন অলাক্‌ মনঃশি-গুট্টির্‌ এক আজার্ সৈন্য উগুরে সেনাপতি।

বিচের গুরিয়্যেগুন 6:34

সেক্কে লগেপ্রভুর আত্মাগানে গিদিয়োনরে বোলী বানেল। গিদিয়োনে শিংগা বাজেল আর অবীয়েষ্রীয়োগুনে তা পিজেন্দি এগত্তর্‌ অলাক্‌।

১ শমূয়েল 29:10

সেনত্যেই তুই আর তর্‌ গিরোজর্‌ যিদুক্কুন্‌ মানুচ্‌ তর্‌ লগে এচ্চ্যন্‌ তুমি কেল্যে বেন্যে উদো আর পহর্‌ অনার লগে লগে যেয়োগোই।”