১ বংশধর 11:9 - Chakma Bible

⁹ দায়ূদে দিন দিন আরঅ দরমর ওই উদিলো, কিত্তে বেগ্‌ খেমতাগানির গিরোজ্‌ লগেপ্রভু তা সমারে এলঅ।

১ বংশধর 11:9 ပူးပေါင်းရင်းမြစ်များ

২ শমূয়েল 3:1

শৌল আর দায়ূদো সৈন্যদল ভিদিরে ভালোক্‌ দিন সং যুদ্ধো অলঅ। দায়ূদে বোলী ওই উদিলো আর শৌল সৈন্যদলুনে বল্‌পোজ্যে ওই পোজ্যন্‌।

২ শমূয়েল 5:10

তে দেক্কে দেক্কে আরঅ দরমর ওই উদিলো, কিত্যে বেগত্তুন্‌ খেমতাবান লগেপ্রভু তা লগে এলঅ।

১ বংশধর 11:8

তে মিল্লো ইদু শঅরান্‌ বানেল আর যোয়াব শঅরর্ বাদবাগি ভাগ্‌কান ঠিগ্‌ গুরিলো।

১ বংশধর 9:20

সে সময়োত্‌ ইলীয়াসর পুয়ো পীনহস উগুরে রোক্ষ্যে গুরিয়্যেগুনোর্‌ চেইচিদিবার্‌ ভারান্‌ এলঅ আর লগেপ্রভু তা লগে এলঅ।

ইষ্টের 9:4

মর্দখয়ে রাজঘরর্‌ বেগঅ দাঙর্‌বো অলঅ; তা নাঙান্‌ সে চাগালাত্‌ বেক্‌ জাগায়ানিত্‌ হবর্‌ পেলাক্‌ আর তে দিন দিন খেমতাবলা ওই উদিলো।

ইয়োব 17:9

মাত্তর্‌ খাটি মানুচ্চুনে তারার্‌ পধেদি উজেই যেবাক্‌, আর যিগুনো আঢ্‌তানি সিজি তারা দিনে দিনে বোলি অবাক্‌।

গীতসংহিতা 46:11

বেগত্তুন খেমতাবলা গিরোজ্ লগেপ্রভু আমা সমারে আঘে; যাকোবর গোজেনে আমা ঘর্।

গীতসংহিতা 46:7

বেগত্তুন খেমতাবান গিরোজ্ লগেপ্রভু আমা সমারে আঘে; যাকোবর গোজেনে আমা ঘর।

যিশাইয় 41:10

সেনত্তে তুই ন-দোরেচ্, মুই দঅ তঅ সমারে সমারে আগং; থির্ নেইয়্যে ন-ওইয়ো, কিত্তে মুই তর্ গোজেন। মুই তরে খেমতা দিম্ আর ঘেচ্চেকগুরি সাহায্য গুরিম আর মর্ ন্যায়র ডেন্ আঢ্‌তানিলোই তরে হামাক্কায় ধুরি রাগেম।‌‌

যিশাইয় 41:14

ও যাকোব, ও ইস্রায়েল, তুই যুনিয়ো পুগো ধোক্ক্যেন সামান্য তো ন-দোরেচ্; মুই নিজেই তরে সাহায্য গুরিম। মুই লগেপ্রভু তর্ উদ্ধোরগুরিয়্যে ইস্রায়েলর সেই সুদ্ধো-সাংগ মানুচ্চো এ কধাগান কঙর্।

যিশাইয় 9:7

তার শাজন্ খেমতা বাড়ানা আর শান্তির্ থুম্ ন-অবঅ। তে দায়ূদোর সিংহাসন আর তা রেজ্যগান উগুরে রাজাগিরি গুরিবো; তে সেই সময়ত্তুন্ ধুরি উমরত্তে ন্যায়বিচের্ আর সততালোই সিয়েন থিদেবর্ গুরিবো আর সিয়েন থির্ গুরিবো। বেগত্তুন্ খেমতাবলা লগেপ্রভু গভীন্ আওজে ইয়েনি গুরিবো।

রোমীয় 8:31

সালে এ বেপারানি আমি কি কবং? গোজেনে যেক্কে আমা পক্ষে আঘে সেক্কে আমারে ক্ষতি গুরিবার কন্না আঘে?