১ বংশধর 11:8 - Chakma Bible

⁸ তে মিল্লো ইদু শঅরান্‌ বানেল আর যোয়াব শঅরর্ বাদবাগি ভাগ্‌কান ঠিগ্‌ গুরিলো।

১ বংশধর 11:8 ပူးပေါင်းရင်းမြစ်များ

১ রাজাবলী 11:27

রাজার বিরুদ্ধে যারবিয়ামর উল্লোমির্‌ এক্কান্‌ কারন এলঅ। সে অক্তত্‌ শলোমনে মিল্লো ঘরান্‌ বানেয়্যে আর তা বাপ্পো দায়ূদোর শঅরর্‌ দেবালর ভাঙা ভাক্কান্‌ ঠিগ গোজ্যে,

১ রাজাবলী 9:15

রাজা শলোমনে লগেপ্রভুর ঘরান্‌, নিজোর্‌ রাজঘরান, মিল্লো, যিরূশালেমর্‌ দেবালান্‌, হাৎসোর, মগিদ্দো আর গেষরান বানেবাত্তে ভালোক্কুন মান্‌জ্যরে কাম্‌ গুরিবাত্তে জোড়্ গোজ্যে।

২ রাজাবলী 12:20

তা কামগুরিয়্যেগুনে তা বিরুদ্ধে কুজুরোমি গুরিনে সিল্লা যেবার্‌ পথ্‌তানত্‌ বৈৎ-মিল্লোদত তারে মারে ফেলেলাক্‌।

১ বংশধর 11:7

ইয়েনর্ পরেন্দি দায়ূদে সে তাম্বুালনত্‌ বজত্তি গরা ধুরিলো; সেনত্তে সিয়েনরে দায়ূদ-শঅর্‌ কুয়া অদঅ।

১ বংশধর 11:9

দায়ূদে দিন দিন আরঅ দরমর ওই উদিলো, কিত্তে বেগ্‌ খেমতাগানির গিরোজ্‌ লগেপ্রভু তা সমারে এলঅ।

নহিমিয় 4:2

তা লগে মানুচ্চুনোর্‌ মুজুঙোত্‌ আর শমরিয়ার সৈন্যদলুনোর্‌ মুজুঙোত্‌ তে কলঅ, “এ বল্‌পোজ্যে যিহূদীগুনে কি গত্তন্‌? তারা কি নিজেই এ কামান গুরিবাক্‌? গোজেনর্‌ বল্‌ পেবাত্তে তারা কি এ্যমান্‌ উৎসর্ব গুরিবাক্‌? এক দিনে কি দেবালান্‌ বানানা থুম্‌ গুরিবা? কট্টা কট্টা ওই পড়ি থেইয়্যে পাত্তরর্‌ কুড়োত্তুন্‌ কি তারা পাত্তরুনোরে দরমর গুরি তুলি পারিবাক্‌? সিগুন্‌ দঅ পুড়ি যেইয়োন।”

বিচের গুরিয়্যেগুন 9:20

মাত্তর্‌ সিয়েন যুনি তুমি ন-গুরিনে থাগঅ সালে অবীমেলক ভিদিরেত্তুন যেনে আগুন নিগিলি এইনে তমার, অত্তাৎ শিখিমোর আর বৈৎ-মিল্লোর মানুচ্চুনোরে পুড়ি ফেলায়; আর তমার্‌, অত্তাৎ শিখিমোর আর বৈৎ-মিল্লোর মানুচ্চুনো ভিদিরেত্তুনঅ যেনে আগুন নিগিলি এইনে অবীমেলকরে পুড়ি ফেলায়।”

বিচের গুরিয়্যেগুন 9:6

সে পরেন্দি শিখিম আর বৈৎ-মিল্লোর বেক মানুচ্চুনে এগত্তর্‌ ওইনে শিখিমোর থামর ইদু এলোন গাচ্ছো ইদু যেইনে অবীমেলকরে রাজা বানেলাক্‌।