১ বংশধর 11:20 - Chakma Bible

²⁰ যোয়াব ভেই অবীশয় অলদে সে তিনজন উগুরে আজল্লো। তে সেল্‌ মারিনে তিনশত্‌ মান্‌জ্যরে মারে ফেলেয়্যে আর তেয়ো সে তিনজন ধোক্ক্যেন নাঙ-গোজ্যে ওই উদিলো।

১ বংশধর 11:20 ပူးပေါင်းရင်းမြစ်များ

২ শমূয়েল 18:2

দায়ূদে তা সৈন্যদলুনোরে তিন ভাগ গুরিনে এধোক্ক্যেন গুরি পাধেই দিলো- যোয়াবর অধীনোত্‌ একভাগ, যোয়াবর ভেই, অত্তাৎ সরূয়ার পূঅ অবীশয়র অধীনোত্‌ একভাগ আহ্ গাতীয় ইত্তয়র অধীনোত্‌ একভাগ। রাজা সৈন্যগুনোরে কলঅ, “মুইয়ো হামাক্কায় তমা লগে যেম্‌।”

২ শমূয়েল 2:18

যোয়াব, অবীশয় আর অসাহেল নাঙে সরূয়ার তিন্নো পূঅ সিদু এলাক্। অসাহেলে ঝার্‌বো উরিঙো ধোক্ক্যেন্‌ জদবদে ধাবা দি পারিদো।

২ শমূয়েল 20:6

সেক্কে দায়ূদে অবীশয়রে কলঅ, “অবশালোমে আমারে যেত্তমান খোতি গোজ্যে তাত্তুনো বেশ্‌ ইক্কিনে ক্ষেতি গুরিবো এ বিখ্রির পূঅ শেবঃ। ইক্কিনে তুই মঅ মানুচ্চুনোরে নেযেইনে তা পিজেন্দি লোড়েই নেযা। ঢগেনলে তে কনঅ দেবাল্লোই ঘিজ্যে শঅর্‌ তোগেইনে আমা কায়-কুরেত্তুন্‌ ধেই যেবঅ।”

২ শমূয়েল 21:17

মাত্তর্‌ সরূয়ার পূঅ অবীশয় দায়ূদোরে রোক্ষ্যে গুরিলো। তে সে পলেষ্টীয়বোরে আঘাত্‌ গুরিনে মারে ফেলেল। সেক্কে দায়ূদো মানুচ্চুনে শমক্‌ গুরিনে দায়ূদোরে কলাক্, “তুই আর্ কনদিনঅ আমা লগে যুদ্ধোত্‌ ন-যেবে, ইস্রায়েলর চেরাক্কো মারেই ন-দিচ্‌।”

১ বংশধর 11:19

তে কলদে, “ও গোজেন, মুই যে এ পানিগান্‌ হেম্‌ সে কধাগান বাদ দে। এ মানুচ্চুনে, যিগুনে তারা পরাণর রিক্‌সোত্‌ নেযেয়োন্‌ তারার্‌ লো-গান্‌ কি মুই হেম্‌?” তারা তারার্‌ পরাণর রিক্‌সোত্‌ যেইনে সে পানিগান আন্যন্‌ বিলিনে দায়ূদে সিয়েন্‌ হেবাত্তে রাজী ন-অলঅ। সে তিন্নো নাঙ-গোজ্যে বীরো কামানি এলদে এধোক্ক্যেন।

১ বংশধর 11:21

তে সে তিনজনত্তুন্‌ বেশ্‌ আরঅ সর্মান পেইয়্যে। সেনত্তে সে তিনজন ভিদিরে তারে ধরা ন-অলেয়ো তে তারার্‌ সেনাপতি ওইয়্যে।

১ বংশধর 2:16

তারা বোনুন্‌ অলাক্ সরূয়া আর অবীগল। অবীশয়, যোয়াব আর অসাহেল এলদে সরূয়ার তিনজন পুয়ো।

১ শমূয়েল 26:6

দায়ূদে যেক্কে হিত্তীয় অহীলেমক আর সরূয়ার পূঅ যোয়াবর ভেই অবীশয়রে কলঅ, “সেই তাম্বুলো ভিদিরে শৌলর ইদু তুমি কন্না মঅ লগে যেবা?” অবীশয় কলঅ, “মুই যেম্‌।”