১ বংশধর 11:18 - Chakma Bible

¹⁸ এ কধাগান শুনিনে সে তিন্নো বীর পলেষ্টীয় সৈন্যদল ভিদিরেন্দি যেইনে বৈৎলেহম গেদো কায় কূয়োবোত্তুন্‌ পানি তুলিনে দায়ূদো ইদু নেযেলাক্‌। মাত্তর্‌ দায়ূদে সিয়েন্‌ ন-হেলঅ; সিয়েন বদলে তে সে পানিগান্‌ লগেপ্রভুর নাঙে মাদিত্‌ ঢালি দিলো।

১ বংশধর 11:18 ပူးပေါင်းရင်းမြစ်များ

২ শমূয়েল 23:16

এ কধাগান শুনিনে সে তিন্নো বোলী মান্‌জ্যে পলেষ্টীয় সৈন্যগুনো ভিদিরেন্দি যেইনে বৈৎলেহমর গেদো কায়-কুরে কূয়োবোত্তুন্‌ পানি তুলিনে দায়ূদো ইদু নেযেলাক্। মাত্তর্‌ দায়ূদে সিয়েন ন-হেলঅ; সিয়েনর বদলে তে সে পানিগান লগেপ্রভুর নাঙে মাদিত্‌ ঢালি দিলো।

১ বংশধর 11:17

এন্‌ সময়োত্‌ দায়ূদর অমকদ পানি তিরেস্‌ পেলঅ, সেনত্তে তে কলঅ, “আহ্‌, যুনি কনজনে বৈৎলেহম গেদো কায়কুরে কূয়োবোত্তুন্‌ মরে এক্কানা হেবার্‌ পানি আনি দিদাক্‌!”

১ বংশধর 11:19

তে কলদে, “ও গোজেন, মুই যে এ পানিগান্‌ হেম্‌ সে কধাগান বাদ দে। এ মানুচ্চুনে, যিগুনে তারা পরাণর রিক্‌সোত্‌ নেযেয়োন্‌ তারার্‌ লো-গান্‌ কি মুই হেম্‌?” তারা তারার্‌ পরাণর রিক্‌সোত্‌ যেইনে সে পানিগান আন্যন্‌ বিলিনে দায়ূদে সিয়েন্‌ হেবাত্তে রাজী ন-অলঅ। সে তিন্নো নাঙ-গোজ্যে বীরো কামানি এলদে এধোক্ক্যেন।

পরমগীত 8:6

সীলমহ্‌র ধোক্ক্যেন্ গুরি তুই মরে তঅ মনত্ আর তঅ আঢত্ রাগা; কিত্তে কোচ্‌পানাগান্ মরণ ধোক্ক্যেন্ খেমতাবলা, পাওনা কোচ্‌‌‌‌পানার্ আওজ্‌‌‌চান মরণ জাগা ধোক্ক্যেন্ উদি ন-যায়।‌‌

প্রেরিত্‌ 20:24

মাত্তর্ মইধু মঅ পরাণানর্ কনঅ দাম নেই। মর্ ইয়েন বানা এক্কান আওজ্, যেন মুই থুম্ সং যেই পারং, অত্তাৎ প্রভু যীশু যে কামর্ ভারান্ মরে দিয়্যে সিয়েন শেজ্ গুরি পারং, সে কামান্ অলঅ গোজেনর্ দোয়্যের্ গম্ হবরান পৌইদ্যেনে সাক্ষি দেনা।

প্রেরিত্‌ 21:13

সেক্কে পৌলে কলঅ, “তুমি কানাকুদি গুরিনে মঅ মনানত্ দুঘ্ দুয়োর্ কিত্তে? প্রভু যীশুত্তে মুই যিরূশালেমত্ বানা বন্দী অবাত্তে নয়, মুরিবাত্তেয়ো যুক্কোল্ আগং।”

১ শমূয়েল 19:5

তে তার পরাণানরে নেযেইনে সেই পলেষ্টীয়গুনোরে মারে ফেলেয়্যে, আর লগেপ্রভু বেক্‌ ইস্রায়েলীয়গুনোরে জদবদে জিদেনাগান্ দান গোজ্যে; তুই দঅ সিয়েনি দেগিনে হুজি ওইয়োচ্‌। সালে ইক্কিনে তুই এনেবাদে দায়ূদোরে মারে ফেলেইনে কিত্তে একজন দুষ নেইয়্যে মান্‌জ্যর্‌ লো ঝোরেইনে তার বিরুদ্ধে পাপ গুরিবে?”

১ শমূয়েল 7:6

সেক্কে তারা বেক্কুনে মিস্পাদত্‌ এগত্তর্‌ অলাক। তারা পানি তুলিনে লগেপ্রভুর মুজুঙোত্‌ ঢালি দিইনে সেদিন্যে সিয়েনত্‌ উবোস থেলাক্ আর কলাক্কে, “আমি লগেপ্রভুর বিরুদ্ধে পাপ গোজ্যেই।” শমূয়েলে মিস্পাতত্তুন্‌ ইস্রায়েলীয়গুনোরে শাজন্ গুরিদো।