১ বংশধর 11:16 - Chakma Bible

¹⁶ সে অক্তত্‌ দায়ূদ ধূল্যেচর-চাগালাত্‌ তাম্বুলো ধোক্ক্যেন এক্কান্‌ জাগাত্‌ এলঅ আর পলেষ্টীয় সৈন্যদলুন বৈৎলেহমত্‌ এলাক্‌।

১ বংশধর 11:16 ပူးပေါင်းရင်းမြစ်များ

২ শমূয়েল 5:17

পলেষ্টীয়গুনে যেক্কে শুনিলাক্, ইস্রায়েল উগুরে দায়ূদোরে রাজপদথ্‌ অভিষেগ্ গরা ওইয়্যে সেক্কে তারা বেক্‌ সৈন্যগুন্‌ নেযেইনে তারে আক্রমণ গুরিবাত্তে তগা ধুরিলাক্। দায়ূদে সে কধাগান শুনিনে দুর্গ নাঙে মুড়োবোত্‌ গেলঅ।

১ বংশধর 11:17

এন্‌ সময়োত্‌ দায়ূদর অমকদ পানি তিরেস্‌ পেলঅ, সেনত্তে তে কলঅ, “আহ্‌, যুনি কনজনে বৈৎলেহম গেদো কায়কুরে কূয়োবোত্তুন্‌ মরে এক্কানা হেবার্‌ পানি আনি দিদাক্‌!”

গীতসংহিতা 142:1

মুই গুজুরি গুজুরি লগেপ্রভু ইদু কানঙর্; মুই রঅ ছাড়ি ছাড়ি লগেপ্রভু ইদু কোজোলী গরঙর্।

১ শমূয়েল 10:5

সে পরেন্দি তুই গিবিয়োৎ-হা-এলোহিম শঅরত্‌ যেবে। সিয়েনত পলেষ্টীয় সৈন্যগুনোর এক্কান তাম্বুল্ আঘে। শঅরত্‌ লুমোনার পরেন্দি এন্‌ এক ঝাক্‌ ভাববাদী সমারে তর্‌ দেগা অবঅ যিগুনে গোজেনর দিয়্যে কধা কদে কদে উবোসনার উজু জাগাত্তুন্ লামি এচ্ছোন। তারার দলর্‌ মুজুঙো মানুচ্চুনে বীণা, জুড়ি আর বাঁশি আর হার্‌মোনি বাজাদে বাজাদে আদিবাক্‌।

১ শমূয়েল 13:23

পলেষ্টীয়গুনোর তাম্বুলোর্ সৈন্যগুনে নিগিলিনে মিক্‌মসর গিরিপদথ্‌ যেইনে রলাক।

১ শমূয়েল 13:4

সেক্কে বেক্‌ ইস্রায়েলীয়গুনে শুনিলাক্, শৌল পলেষ্টীয়গুনোর সৈন্য-তাম্বুলানি আক্রমণ গোজ্যে আর পলেষ্টীয়গুনে ইস্রায়েলীয়গুনোরে ইংসের্‌ চোগেন্দি দেখ্যন্‌। সেক্কে ইস্রায়েলীয়গুনোরে ডাগা অলঅ যেনে তারা গিল্‌গলত যেইনে শৌল সমারে মিজেন্‌।

১ শমূয়েল 22:1

দায়ূদে গাৎত্তুন ধেই যেইনে অদুল্লমর্‌ ইদু এক্কো গাদত্‌ যেইনে আশ্রয় নেযেল। সে কধাগান শুনিনে তার ভেইয়ুনে আর তা বাবর্‌ বংশর মানুচ্চুনে তা ইদু গেলাক্।

১ শমূয়েল 22:4

সে পরেন্দি তে তা মা-বাবরে আনিনে মোয়াবর রাজা ইদু রাগেল। যেদকদিন সং দায়ূদে পৌল্যে থাইদ্যে জাগানত্ রলঅ সেদকদিন সং তারা মোয়াবর রাজা ইদু থেলাক্।

১ শমূয়েল 22:5

পরেন্দি গাদ নাঙে এক্কো ভাববাদী দায়ূদোরে কলঅ, “তুই দুর্গ মুড়োবোত আর ন-থেচ্‌, যিহূদা চাগালাত্‌ যাগোই।” সেক্কে দায়ূদে সে জাগায়ান ছাড়িনে হেরেৎ চাগালাত্‌ যে ঝারান্‌ এলঅ সিয়েনত্‌ গেলগোই।

১ শমূয়েল 23:25

শৌল আর তার মানুচ্চুনে দায়ূদোরে তোগেবাত্তে গেলাক্। দায়ূদে সে হবরান্ পেইনে সিয়োত্তুন্‌ মায়োন ধূল্যেচর-চাগালাত্‌ সিল্‌ পাত্তরর্‌-মুড়োবোত্‌ যেইনে রলঅ। শৌল সে হবরান পেইনে সিয়েনত্‌ যেইনে দায়ূদোর পিজে পিজে লোড়েল।