১ বংশধর 11:14 - Chakma Bible

¹⁴ মাত্তর্‌ সে তিন্নো বীরে ক্ষেদ সংমোধ্যে যেইনে থিয়্যেলাক্‌। তারা সে ক্ষেত্‌তান রোক্ষ্যে গুরিলাক্‌ আর পলেষ্টীয়গুনোরে শেজ্‌ গুরি দিলাক্‌। সেদিন্যে লগেপ্রভু তারারে রোক্ষ্যে গুরিলো আর জিদেই দিলো।

১ বংশধর 11:14 ပူးပေါင်းရင်းမြစ်များ

২ শমূয়েল 23:10

মাত্তর্‌ ইলিয়াসরে যুদ্ধোর জাগানত্‌ থিয়্যেনেই পলেষ্টীয়গুনোরে আঘাত্‌ গরা ধুরিলো। যেরেন্দি তা আত্তান্‌ বল্‌পোজ্যে ওইনে লাম্বা ছুরিগানর্‌ লগে বাজেয়্যে এলঅ। সেদিন্যে লগেপ্রভু দাঙর্ জিদেনাগান্ দান গুরিলো। সৈন্যগুনে ইলিয়াসর ইদু যেক্কে ফিরি এলাক্ সেক্কে মরামানুচ্চুনো ইত্তুন্‌ লুদোনা বাদে তারার্‌ আর কিচ্ছু গুরিবার ন-এলঅ।

২ রাজাবলী 5:1

নামানে এলদে অরামর রাজার সৈন্যদলর সেনাপতি। তা গিরোজ্‌সোর্‌ চোগোত্‌ তে এলদে এক্কো দাঙর্‌ আর সর্মানিত মানুচ্‌, কিত্তে তারে দিইনে লগেপ্রভু অরামরে জিদেই দিয়্যে। তে এলদে এক্কো বীর যোদ্ধা, মাত্তর্‌ তা কিয়্যেত্‌ এলদে ফারাঙিরুগ্‌।

১ বংশধর 11:13

পলেষ্টীয়গুনে যেক্কে যুদ্ধোত্তে পস্‌-দম্মীমোত্‌ এগত্তর্‌ ওইয়োন্‌ সেক্কে ইলিয়াসরে দায়ূদ সমারে এলঅ। এক্কান্‌ জাগাত্‌ ধান্‌দোই ভোজ্যে এক্কান্‌ ক্ষেদত্‌ ইস্রায়েলীয় সৈন্যগুনে পলেষ্টীয়গুনো মুজুঙোত্তুন্‌ ধেই গেলাক্‌।

১ বংশধর 11:15

একপল্লা তিন্নো বীরো ভিদিরেত্তুন্‌ তিনজনে অদুল্লম গাঢ কায়কুরে যে দাঙর্‌ পাত্তর্‌বো এলঅ সিয়েনত্‌ দায়ূদ ইদু এলাক্‌। সেক্কে একদল পলেষ্টীয় সৈন্য রফায়ীম কিজিঙোত্‌ তাম্বুল ফেলেলাক্‌।

গীতসংহিতা 144:10

তুই দঅ রাজাগুনোরে জিদেই দি থাচ্; তঅ চাগর দায়ূদোরে ফাড়া দজা তলোয়ার আঢত্তুন্ রোক্ক্যে গুরি থাচ্।

গীতসংহিতা 18:50

লগেপ্রভু তার্ রাজাবোরে ভালোকবার জিদেই দিয়্যে; অয়, তার্ অভিষেগ্ গোজ্যে মানুচ্চো উগুরে, দায়ূদ আর তার গুট্টিগুনো উগুরে, তে উমরত্তে তার থুম্ ন-ওইয়্যে কোচ্‌‌‌পানাগান্ দেগায়।

গম্ উপদেজ্ 21:31

যুদ্ধোর্ দিনুনোত্তে ঘোড়াগুন যুক্কোল্ রাগা অয়, মাত্তর্ জিদেনা লগেপ্রভু উগুরে নির্ভর গরে।

১ শমূয়েল 14:23

এধোক্ক্যেনগুরি লগেপ্রভু সেদিন্যে ইস্রায়েলীয়গুনোরে উদ্ধোর্ গুরিলো, আর বৈৎ-আবন পার ওইনেয়ো যুদ্ধো গরা ধুরিলাক্।

১ শমূয়েল 19:5

তে তার পরাণানরে নেযেইনে সেই পলেষ্টীয়গুনোরে মারে ফেলেয়্যে, আর লগেপ্রভু বেক্‌ ইস্রায়েলীয়গুনোরে জদবদে জিদেনাগান্ দান গোজ্যে; তুই দঅ সিয়েনি দেগিনে হুজি ওইয়োচ্‌। সালে ইক্কিনে তুই এনেবাদে দায়ূদোরে মারে ফেলেইনে কিত্তে একজন দুষ নেইয়্যে মান্‌জ্যর্‌ লো ঝোরেইনে তার বিরুদ্ধে পাপ গুরিবে?”