১ বংশধর 10:4 - Chakma Bible

⁴ শৌল সেক্কে তা আত্যের্ বোইয়্যে মানুচ্চোরে কলঅ, “তঅ ধামাগান্‌ নিগিলেনে মঅ কিয়্যেগান্‌ এফুড়্‌-উফুড়্‌ গুরি দে। সেধোক্ক্যেন ন-গুরিলে সে সুন্নত ন-গোজ্যে মানুচ্চুনে এইনে মরে অগমান্‌ গুরিবাক্‌।” মাত্তর্‌ তা আত্যের্‌ বোইয়্যে মানুচ্চো সিয়েন্‌ গুরিবাত্তে রাজী ন-অলঅ, কিত্তে তে অমকদ দোরেইয়্যে। সেক্কে শৌল তা নিজো তলোয়ারান্দোই নিজে সিয়েন উগুরে পড়িলো।

১ বংশধর 10:4 ပူးပေါင်းရင်းမြစ်များ

২ শমূয়েল 1:20

তুমি গাতদ্ এ হবরান্‌ ন-দুয়ো, আর অস্কিলোনর পধে পধে ফগদাং ন-গোজ্য; সিয়েনি গুরিলে পলেষ্টীয়গুনোর্‌ মিলেগুনে ফুত্তি গুরিবাক্, সেই সুন্নত ন-গোজ্যে মানুচ্চুনোর্‌ মিলেগুনে রঙ্গ-ফুত্তি গুরিবাক্।

২ শমূয়েল 1:6

গাবুজ্যেবো তারে কলঅ, “মুই সে অক্তত্‌ গিল্‌বোয় মুড়োবোত্‌ এলুং আর শৌল সেক্কে তা সেল্‌লো উগুরে ভর্‌ দিইনে থিয়্যেই এলঅ। সে অক্তত্‌ রথ আর ঘোড়াচালেইয়্যেগুনে পেরায়্‌ তা মাঢা উগুরে লুম্মোন্দি।

২ শমূয়েল 17:23

অহীথোফলে যেক্কে দেগিলো, তা সল্লা মজিম্‌ কাম গরা ন-অলঅ সেক্কে তে তা গাধাবো উগুরে গদিবো চাবিনে তা নিজো আদাম ঘরত্‌ গেলঅ। তা ঘরর্‌ বেক্কানি বেবস্থা গুরিনে তে গত্তনাত্‌ ধুরি বানিনে মুরিলো। তা বাব গোরবোত্‌ তারে গোর্ দিয়্যে অলঅ।

১ রাজাবলী 16:18

শঅরান গজক্ গরা ওইয়্যে দেগিনে সিম্রি রাজঘরর্‌ তাম্বুলোত্‌ গেলঅ আর আগুন্‌ বাজেই দিইনে গোদা রাজঘরান্‌ পুড়ি দিলো। সে অক্তত্‌ তে নিজেয়ো পুড়ি গেলঅ।

১ বংশধর 10:3

সে পরেন্দি শৌল বিরুদ্ধে আরঅ জদবদে যুদ্ধো চলিলো। ধনুবলা সৈন্যগুনে তারে দেগিনে আঘাত্‌ গুরিলাক্‌।

১ বংশধর 10:5

শৌল মুরি যেইয়্যে দেগিনে তা আত্যের্‌ বোইয়্যেবোয়ো নিজো তলোয়ারান উগুরে পড়িনে মুরি গেলঅ।

প্রেরিত্‌ 1:18

ভান্ন্যেই কাম্বোই যিহূদা যে টেঙাগুন্ পেয়্যে সিগুনদোই তে এক্কেনা ভুই কিনিলো আর সিয়েনত্ পড়িনে তা পেট্‌তো ফাদি গেলঅ আর আদুড়ি নিগিলি গেলঅ।

প্রেরিত্‌ 16:27

জেল-চুগিদার্‌বো জাগি উদিলো আর জেলোর্ দোরানি খুলো দেগিনে ছুরি নিগিলেনেই নিজোরে খুন্ গুরিবাত্যে চেলঅ। তে মনে গোজ্জ্যেদে বেক্‌ বন্দীগুন্ ধেই যেইয়োন্।

বিচের গুরিয়্যেগুন 15:18

ইয়েনর্ পরেন্দি শিম্‌শোনর অমহদ পানি তিরেচ্‌ পেলঅ। তে লগেপ্রভুর ইদু তবনা গুরিনে কলঅ, “তুই তঅ চাগরবোরে দাঙর্‌ যচ্‌ দান গোজ্যচ্‌। ইক্কিনে কি মত্তুন্‌ পানি তিরেচে মুড়িনে এ সুন্নত ন-গোজ্যে মানুচ্চুনোর আঢত্‌ পড়া পুরিবো?”

বিচের গুরিয়্যেগুন 16:21

সেক্কে পলেষ্টীয়গুনে তারে ধুরিনে চোখ দ্বিবে খুয়োই দিলাক্‌ আর তারে গাজাত্‌ নেযেলাক্‌। তারা তারে পিদলর শিগোললোই বানিলাক্‌ আর আজদত্‌ তারে দিইনে চড়্‌গা কল ঘুরোনি কামত্‌ লাগেলাক্‌।

বিচের গুরিয়্যেগুন 9:54

অবীমেলকে যাদিমাদি তার আত্যার্‌-বোইয়্যে গাবুজ্যেবোরে কলঅ, “তঅ তলোয়ারান নিগিলেনেই মরে মারে ফেলা যেনে তারা কোই ন-পারন্‌, ‘এক্কো মিলে আঢত্‌ তে মারা পোজ্যে।’” সেনত্তেই সে গাবুজ্যেবো তারে তলোয়ারান্দোই এফুড়-উফুড় গুরি দিলো আর সেক্কে তে মুরি গেলঅ।

১ শমূয়েল 14:6

যোনাথনে তার বন্দুক বোইয়্যে গাবুজ্যেবোরে কলদে, “আদঅ, আমি উই পারত্‌ সেই চুনুগুলোবো তনা ন-গোজ্যে মানুচ্চুনোর তাম্বুলোত্‌ যেই। অয়ত লগেপ্রভু আমাত্তে কিজু গুরিবো, কিত্যে তে তার নিজোর মনে মন্‌‌জক্কাগুরি কম মানুচ্চোই ওক্‌ বা বেশ্‌ মানুচ্চোই ওক্‌ জিদি যেই পারে।”

১ শমূয়েল 17:26

যে মানুচ্চুনে কায়-কুরে থিয়্যেইয়োন্‌ দায়ূদে তারারে পুযোর্ গুরিলো, “যে এই পলেষ্টীয়বোরে মারে ফেলেইনে ইস্রায়েলীয়গুনো উগুরেত্তুন্‌ এই অসর্মানান্‌ কাদেই দিবো সিয়েন উগুরে কি গরা অবঅ? এই চুনুগুলোবোর মাদাগান তনা ন-গোজ্যে পলেষ্টীয়বো কন্না, যে জেদা গোজেনর্‌ সৈন্যদলুনোরে ঈচ্ গরে?”

১ শমূয়েল 17:36

সিংহ, ভালুক দ্বিবে তর্‌ এই চাগর্‌‌বো আঢত্‌ মারা পোজ্যন, আর এই চুনুগুলোবোর মাদাগান তনা ন-গোজ্যে পলেষ্টীয়বোর দযাগান্অ সিগুনো ধোক্ক্যেন অবঅ, কিত্যে তে জেদা গোজেনর সৈন্যদল্লোরে ঈচ্ গোজ্যে।”

১ শমূয়েল 31:4

শৌল সেক্কে তার অাত্যের্ বুয়োইয়্যে মানুচ্চোরে কলঅ, “তর্‌ লাম্বা ছুড়িগান নিগিলেনে মর্‌ কিয়্যেগান এফুর্‌-উফুর্‌ গুরি দে। সিয়েন ন-গুরিলে সেই চুনুগুলোবোর্ মাঢাবোর চামান্ ন-কাপ্যে মানুচ্চুনে এইনে মর্‌ কিয়্যেগান এফুড়-উফুড় গুরিবাক্‌ আর মরে অগমান গুরিবাক্‌।” মাত্তর্‌ তার অাত্যের্ বোইয়্যেবো সিয়েন্‌ গুরিবাত্যে রাজী ন-অলঅ, কিত্যে তে অমকদ দোরেইয়্যে। সেক্কে শৌল তার লাম্বাছুড়িগান্‌ লোইনে নিজেই তা উগুরে পড়িলো।